وش عـاد بـاقـي

بحروف الشعر ولغة الفراق والتحدي بعد عناء كبير وتضحية جاء بن دواس يعلن موت الحب**



تعبت اداري قصتك بين الاوراقوتعبت اخفي لهفتي واشتياقي

وتعبت أجامل واتبع الشوق واشتاق

وتعبت اطفي لوعتي واحتراقي

لا تحسب ان القلب في غيبتك راق

قلي بعد فرقاك وش عاد باقي

ما دام قلبك للغلا ما بعد فاق

الحين دوري شوف قسوة فراقي

بذوّقك كاسك وبنشوف تشتاق

وبعطيك همي والعنا والبواقي

بسهر معك بنام بقسى وبشتاق

وماني بصاير لك على ما انت هاقي

الى متى بجامل واتبع الشوق واشتاق

ومتى بطفي لوعتي واحتراقي

أنا أشهد ان الحال ما عاد ينطاق

ارحل عسى ما كنت ناوي تلاقي

عندي خبر حظي له سنين ما فاق

ولا فيه جمع إلا يليه الفراقي

والحين ماتت قصتك بين الاوراق

ومات الغلا مع لهفتي واشتياقي

ومات السهر والقلب في غيبتك راق

يعني غرامك مات وش عاد باقي



شعر: فهد بن دواس