تذكار

وحضورها الأول الاجمل، وباقة من المشاعر التي تعيد ترتيبها بكل هذا الاخضر من الصدق والجمال...!

مدري وش اخر صمتي الله يستر

مدري بداية خير والا به اضرار

ماعاد اهوجس واكتب ابيات وانشر

ولا عاد يطري مامضى كن ماصار

مدري هدوء لعاصفة قلب احتر

والا تحطم قلبي من بعد الاعصار

واظن هجسي من بعد صمتي افتر

لقاني وجهه تالي الليل زوار

وشجابك لقلب معك كد تبعثر

هديت حيله في قصيدك بالاسحار

اتركني بصمتي وروح بلا شر

ماعادني وياك والليل سمار

خلني بلا حب وبلا هم اخير

خلني بلا ذكري ولا دفتر اشعار

خلني كذا في دنيتي دون ما اشعر

خلني وتلقالك بهالكون شعار

لا ماناسيته اي وربي ولا انكر

لكن ماش اي فايده صار تذكار



عباير الشوق