سرقت قلبي

نص عاطفي يحمل بنود الصراحة رغم الاعتراف إلا أن الحذر واجب هذا ماجادت به قريحة الشاعر جابر الشمري

 

ياللي سرقت القلب رايح على وين

حاول ترد القلب حاول ترده

ياهوه لا تسرق قلوب المحبين

قلبي صويب أواصل اليوم حده

خبرة غلا متميزن لك بوجهين

مع كل واحد لك غرام وموده

طارت معك كل العقول المجانين

ودك بقلبي بس تبطي تشده

صحيح زين ومن حساب المزايين

ومن شاف زولك ينلعن جد جده

بس البلا في نيتك يسود العين

ماني بجاهل عارفك قبل مده

قبلك عشقت اثنين والثالث الحين

يعني على ماقيل روحه ورده

أعرف نظام السالفة والقوانين

والمقبلة ماهي سوات المصدة

قلبي تأكد ماسكن فيه شخصين

وش لك بقلبن تسكنه ماتوده

عندي عهد وان العهد يعتبر دين

وان خان عيني لسهر مستعدة

هو غايتي هو منيتي بالمزايين

عندي فلا احدن بالبشر زي خده

يعني على ماقيل رايح على وين

حاول ترد القلب حاول ترده



شعر: جابر مقبل الشمري