شعبي قديم / عزة نفس

جعل وبل الغيث يسقي ديار المفرعين

منزل اللي كن حديثه حليب (معدّيه)

ضيقتي في خاطري دايمٍ ماهوب زين

قومي اللي سم حالي وبيّح سدّيه

أن سجنته قام يتبع دروب الدالهين

وأن نشدته قال أنا علتي متعدّيه

أن بغى خلّي جنابي فلا غيره ضنين

وأن بغى يقفي فيقفي مراح مودّيه



وصف

حن قلبي حن ماكٍ على سمر العجل

عشّق السواق والدرب ممسوكٍ وراه

أن عطا مع طلعةٍ عشقوّا له بالدبل

وأن تسّهل ريّحه لين ياصل منتهاه

مابشفي لا دريول ولا ريس عمل

شفي اللي كل ما شاف براقٍ رعاه

قاطنينٍ فوق عدٍ على جاله عبل

طيبٍ للبل وراعيه ما يقطع ضماه

ونتي ونة خلوجٍ ولدها ما جدل

تشرف المرقاب للذود وتعوّد وراه



بخوّت المرية





اختبر حبي

ما ينوصف حالي وانت عني بعيد

عايش شتا وقلبي عند شمسك دفى

رايق في غربتي وشوقي لك يزيد

كل ما طري زولك تلاشي واختفى

ان نسيتك لحظه ذكرتك من جديد

وعاتبت نفسي على خذلان ألوفا

ما نسيتك لكن هي لحظه والاكيد

يوم شاف القمر حلا نورك طفى

لا تظن انسي هوا حبي الوحيد

هاك قلبي  تراه ما غيره صفا

اختبر حبي في نوعه الفريد

ان زادت العذال أكيد ابتعرفه

الناس لها اعياد وايامي كلها عيد

انت شي في حياتي مقدر أوصفه

ان بعد قلبي يحس ثلج وجليد

وان دني صوبك دفي واكتفى



(ابن النزهة)