المصري أفندي / ياعزيزي كلنا إخوان...!!
| د. سعيد فهمي* |
خلاص دق الجرس وابتدت تظهر علينا بشاير وفتاوى السادة المرشحين... الاسلام السياسي ركب الناقة وشرخ ولا عزاء لبواقي المنافسين... وشفنا بالصوت والصورة الصراع غير المتكافئ بين جماعات محترفة وفي الكفة التانية كتل سياسية من المراهقين... الصورة لا تكذب وده كان واضح من الاستعدادات والمؤتمرات وألاعيب غسيل المخ وتخويف الناس من المنافس بشعارات معينة ومقصودة من الشريعة والدين... خلاص بقى الخيار واحد من اتنين يا تختار بتوع الثقافة والرغي في السياسة وتغضب ربنا يا تختار اخواننا المتأسلمين... مش مهم مين تختار وأهو كلهم بركة سيان اخوان أو سلفيين... مش مهم الوجوه مدام المجلس حيتوزع حسب الشرع هم ليهم الأغلبية والفتافيت لأصحاب النظريات الورقية اللي جعجعوا في الميدان وسابوا الشارع يبرطع فيه تنظيم المحترفين... والناس ياعيني غلبانة حيرانة مابين نظام انتخابي هيروغليفي وبين تغيير هوية نظام ألغى هوية وأدمية المواطنين... حبايبنا شغلوا الناس بالميدان وراحوا على الشارع وتوغلوا بين الناس وكسبوا عطف الناس الغلبانين... طبعا وليه لأ مش هم دول اللي ياعيني كانوا على مر العصور مضطهدين... مش دول اللي اختلفوا مع كل حاكم ونزلوا تحت الأرض في انتظار فرصة ذهبية يفرضوا فيها مخططهم على الناس أجمعين... نتيجة الانتخابات الأولية زرعت في قلوب الناس بلبلة والكل بقى مش عارف البلد حيحصل فيها ايه ولا احنا على فين رايحين... ناس تقول خلينا نجرب وأهو الميدان موجود لو مالت البوصلة حنغيّر اللي مال ونعدل المعوجين... وناس تقول أهي دقني أهه لو ركبوا مش حينزلوا ولا حينفع معاهم الطبل البلدي ولا تظاهرات الميادين... الناس البسيطة بتسأل وهي قلقانة يعني ايه اسلام سياسي ولو غلط واحد من حبايبنا نحاسب المذهب السياسي وللا نحاسب ثوابت الدين... الناس بتسأل مين اللي بيصبغوا أنفسهم بخصوصية الدين وبيلعبوا سياسة بألاعيبها رغم أن أغلبيتنا مسلمين... على حد علمي مفيش توكيل أرسله ربنا لأحد ولا أمر حد يبقى وصي على المسلمين... والسؤال يا هل ترى اللي بيتكلم باسمنا ده من أحفاد قريش وللا من أحفاد رسولنا الأمين... بصراحة التصريحات الاعلامية لحبايبنا مليانة عجرفة واستفزاز وثقة وكأنهم بقوا هم الصفوة وباقي المجتمع سبايا ومحكومين... أرجوك بص للصورة من بعيد شوية وشوف المخطط اللي ماشي على قدم وساق لتفتيت بلدنا واحسب معايا كم العيون اللي عليها متربصين... فيه ناس مستعدة تتنازل عن أي شيء من أجل الوصول وتنفيذ أي أجندة علشان تحكم ومهما كان المستفيد مين... روح وشوف واقرأ كل الأخبار وشوف السيناريو الواضح والغزل العفيف بين الأميركان اللي حشوا دماغنا بفزاعة الاسلام السياسي ودلوقت بيغازلوا المتأسلمين... روح وراقب بالونات الاختبار من التصريحات اللي شوية يفزعوا بيها الناس وشوية ينفوا كلامهم والناس بقت مش عارفة تروح شمال وللا يمين... الله يجازي النظام الفاسد اللي كان واللي خلى أي بديل عند الناس أرحم من حكم الوطني البائد ومسؤوليه الفاسدين... روح ولاحظ قصائد الغزل في الاعلام والسباق الجديد للمتحولين من سياسين واعلاميين... لاحظ اللي بيوصفهم بالحكمة وبتاريخم الوطني وكفاحهم على مدار السنين... على عيني وراسي جهاد أي فصيل لكن ما عرفناش نضال وكفاح ضد مين... يا ترى النضال كان علشان يبنوا وطن وللا علشان يكونوا في الحكم مشاركين... السيناريو لم ينتهي بعد ومصر مش سهل تتسلم تسليم مفتاح كدة ببساطة لأي جهة مهما كانت مين... القصة لسة فيها كتير ومهما كانت قوة التنظيم العالمي لحبايبنا ولهفتهم على حكم مصر لكن لسة الدنيا بخير ولسة البلد فيها ناس فاهمة الحدوتة وعارفة تتدخل امتى وفين... مفيش حد بيحلل حرام أو بيكره حلال لكن الكل مؤمن ان الدين لله وان احنا شعب مؤمن مش محتاج أوصياء ولا جماعة تحكم باسم الدين... الناس عاوزة حرية وعدالة اجتماعية بجد مش شعارات انتخابية يخدروا بيها المواطنين... الناس محتاجة حياة كريمة حرة مش نخلص من أمن الدولة وبصاصينه تطلع لنا لجان الحلال والحرام زي تصريحات الأخ الشحات مرشح السلفيين... الناس عاوزة علاج ورغيف عيش نظيف ووظيفة مناسبة وبيت محندق يجمع اتنين محبين... الناس محتاجة تفرج وتعيش في أمان مش نخرج من فساد ندخل في قمقم ونرجع من تاني للعصر الحجري وأفكار التخلف والمتعصبين... الناس محتاجة ثقافة وفن وأدب مش محتاجة فتاوى من تحت بير السلم ولا فذلكة رئيس جماعة أوعامل عليها أمين... الحلال واضح والحرام معروف واحنا شعب مؤمن بدينه وحريته لكن مؤمن أكتر ان اللي المسؤول الوحيد عننا هو الله رب العالمين... كلنا اخوان في الوطن والحرية والكرامة مش اخوان أسلمة حياتنا ومزج السياسية بالدين... كلنا اخوان في الوطن مسلم مسيحي اخواني سلفي علماني أو ليبرالي الكل فيه أصحاب حق وفي كل مراحل بنائه مشاركين... ياعزيزي كلنا اخوان كلمة صدق لكن اللي عاوزين يطبقوه علينا ده محتاج عنوان عمنا احسان في روايته المشهورة اللي كتبها من سنين... مصر لسة بخير وافتكروا ان مش ده هو المشهد النهائي ولسة بدري على اسدال الستارة على السادة المشاهدين... ياترى حيفهموا ان كلنا في الوطن اخوان وللا كلاكيت عاشر مرة وترجع ريما لجحورها القديمة وتفضل عيونها صاحية ومفنجلة والناس نايمين... ياترى حنبقى كلنا اخوان وللا حيحكمونا أصحاب اللي تغلب به العب به والغاية تبرر الوسيلة والسادة المتأسلمين... يارب تحفظ مصر وشعب مصر اللهم آمين يارب آمييين... !!
[email protected]
خلاص دق الجرس وابتدت تظهر علينا بشاير وفتاوى السادة المرشحين... الاسلام السياسي ركب الناقة وشرخ ولا عزاء لبواقي المنافسين... وشفنا بالصوت والصورة الصراع غير المتكافئ بين جماعات محترفة وفي الكفة التانية كتل سياسية من المراهقين... الصورة لا تكذب وده كان واضح من الاستعدادات والمؤتمرات وألاعيب غسيل المخ وتخويف الناس من المنافس بشعارات معينة ومقصودة من الشريعة والدين... خلاص بقى الخيار واحد من اتنين يا تختار بتوع الثقافة والرغي في السياسة وتغضب ربنا يا تختار اخواننا المتأسلمين... مش مهم مين تختار وأهو كلهم بركة سيان اخوان أو سلفيين... مش مهم الوجوه مدام المجلس حيتوزع حسب الشرع هم ليهم الأغلبية والفتافيت لأصحاب النظريات الورقية اللي جعجعوا في الميدان وسابوا الشارع يبرطع فيه تنظيم المحترفين... والناس ياعيني غلبانة حيرانة مابين نظام انتخابي هيروغليفي وبين تغيير هوية نظام ألغى هوية وأدمية المواطنين... حبايبنا شغلوا الناس بالميدان وراحوا على الشارع وتوغلوا بين الناس وكسبوا عطف الناس الغلبانين... طبعا وليه لأ مش هم دول اللي ياعيني كانوا على مر العصور مضطهدين... مش دول اللي اختلفوا مع كل حاكم ونزلوا تحت الأرض في انتظار فرصة ذهبية يفرضوا فيها مخططهم على الناس أجمعين... نتيجة الانتخابات الأولية زرعت في قلوب الناس بلبلة والكل بقى مش عارف البلد حيحصل فيها ايه ولا احنا على فين رايحين... ناس تقول خلينا نجرب وأهو الميدان موجود لو مالت البوصلة حنغيّر اللي مال ونعدل المعوجين... وناس تقول أهي دقني أهه لو ركبوا مش حينزلوا ولا حينفع معاهم الطبل البلدي ولا تظاهرات الميادين... الناس البسيطة بتسأل وهي قلقانة يعني ايه اسلام سياسي ولو غلط واحد من حبايبنا نحاسب المذهب السياسي وللا نحاسب ثوابت الدين... الناس بتسأل مين اللي بيصبغوا أنفسهم بخصوصية الدين وبيلعبوا سياسة بألاعيبها رغم أن أغلبيتنا مسلمين... على حد علمي مفيش توكيل أرسله ربنا لأحد ولا أمر حد يبقى وصي على المسلمين... والسؤال يا هل ترى اللي بيتكلم باسمنا ده من أحفاد قريش وللا من أحفاد رسولنا الأمين... بصراحة التصريحات الاعلامية لحبايبنا مليانة عجرفة واستفزاز وثقة وكأنهم بقوا هم الصفوة وباقي المجتمع سبايا ومحكومين... أرجوك بص للصورة من بعيد شوية وشوف المخطط اللي ماشي على قدم وساق لتفتيت بلدنا واحسب معايا كم العيون اللي عليها متربصين... فيه ناس مستعدة تتنازل عن أي شيء من أجل الوصول وتنفيذ أي أجندة علشان تحكم ومهما كان المستفيد مين... روح وشوف واقرأ كل الأخبار وشوف السيناريو الواضح والغزل العفيف بين الأميركان اللي حشوا دماغنا بفزاعة الاسلام السياسي ودلوقت بيغازلوا المتأسلمين... روح وراقب بالونات الاختبار من التصريحات اللي شوية يفزعوا بيها الناس وشوية ينفوا كلامهم والناس بقت مش عارفة تروح شمال وللا يمين... الله يجازي النظام الفاسد اللي كان واللي خلى أي بديل عند الناس أرحم من حكم الوطني البائد ومسؤوليه الفاسدين... روح ولاحظ قصائد الغزل في الاعلام والسباق الجديد للمتحولين من سياسين واعلاميين... لاحظ اللي بيوصفهم بالحكمة وبتاريخم الوطني وكفاحهم على مدار السنين... على عيني وراسي جهاد أي فصيل لكن ما عرفناش نضال وكفاح ضد مين... يا ترى النضال كان علشان يبنوا وطن وللا علشان يكونوا في الحكم مشاركين... السيناريو لم ينتهي بعد ومصر مش سهل تتسلم تسليم مفتاح كدة ببساطة لأي جهة مهما كانت مين... القصة لسة فيها كتير ومهما كانت قوة التنظيم العالمي لحبايبنا ولهفتهم على حكم مصر لكن لسة الدنيا بخير ولسة البلد فيها ناس فاهمة الحدوتة وعارفة تتدخل امتى وفين... مفيش حد بيحلل حرام أو بيكره حلال لكن الكل مؤمن ان الدين لله وان احنا شعب مؤمن مش محتاج أوصياء ولا جماعة تحكم باسم الدين... الناس عاوزة حرية وعدالة اجتماعية بجد مش شعارات انتخابية يخدروا بيها المواطنين... الناس محتاجة حياة كريمة حرة مش نخلص من أمن الدولة وبصاصينه تطلع لنا لجان الحلال والحرام زي تصريحات الأخ الشحات مرشح السلفيين... الناس عاوزة علاج ورغيف عيش نظيف ووظيفة مناسبة وبيت محندق يجمع اتنين محبين... الناس محتاجة تفرج وتعيش في أمان مش نخرج من فساد ندخل في قمقم ونرجع من تاني للعصر الحجري وأفكار التخلف والمتعصبين... الناس محتاجة ثقافة وفن وأدب مش محتاجة فتاوى من تحت بير السلم ولا فذلكة رئيس جماعة أوعامل عليها أمين... الحلال واضح والحرام معروف واحنا شعب مؤمن بدينه وحريته لكن مؤمن أكتر ان اللي المسؤول الوحيد عننا هو الله رب العالمين... كلنا اخوان في الوطن والحرية والكرامة مش اخوان أسلمة حياتنا ومزج السياسية بالدين... كلنا اخوان في الوطن مسلم مسيحي اخواني سلفي علماني أو ليبرالي الكل فيه أصحاب حق وفي كل مراحل بنائه مشاركين... ياعزيزي كلنا اخوان كلمة صدق لكن اللي عاوزين يطبقوه علينا ده محتاج عنوان عمنا احسان في روايته المشهورة اللي كتبها من سنين... مصر لسة بخير وافتكروا ان مش ده هو المشهد النهائي ولسة بدري على اسدال الستارة على السادة المشاهدين... ياترى حيفهموا ان كلنا في الوطن اخوان وللا كلاكيت عاشر مرة وترجع ريما لجحورها القديمة وتفضل عيونها صاحية ومفنجلة والناس نايمين... ياترى حنبقى كلنا اخوان وللا حيحكمونا أصحاب اللي تغلب به العب به والغاية تبرر الوسيلة والسادة المتأسلمين... يارب تحفظ مصر وشعب مصر اللهم آمين يارب آمييين... !!
[email protected]
