حبيبي لا تروح...!

الشاعر الجميل مشعان الطوالة واشراقة مكللة بالشعر ومبللة بالسحر، وشاعر له نكهته الخاصة ومفرده الاقرب والاعذب...!

قــرّب تعال..

قرب حبيبي لا تروح**

اغفى على صدري الجريح

تسمع حبيبي / خفقته..

قلبي بكا..

يشكي العذاب..

خايف من الفرقا.. يصيح

قــرّب تعال..

خذ عبرتي..

من بين زفرات الأنين

وامسح بدينك دمعتي..

رد ضحكتي..

رد بسمتي.. لـ شفتي..

خذ قسوة / اعجاف السنين

عيّشني بلطفٍ ولين

قــرّب تعال..

مثل المطر.. اهطل علي..

بلل ضماي / جفّت يديني تنتظر

راحة يديك..

خلك معاي / روحي تنادي تحتضر

تسأل عليك..

ترى المسافة متعبة..

ومنك انتظر (رحمه)..

تحظن بها قلبٍ يبيك

قــرّب تعال..

قرب حبيبي / لا تروح..

في غيبتك.. موت الهنا..

في غيبتك.. ارحل انا..

في غيبتك.. خذها معك..

أمانتك / روحي..!!

ماعاد لي في (غيبتك) روح..

يكفي حبيبي بستريح..!!

قـــرّب تعال..





مشعان الطواله