المصري أفندي / خلطبيطة... !!
| د. سعيد فهمي |
مضى من الزمن ثمانية أشهر والناس ياعيني زي ما هي لسة متلخبطين... هي ثورة وللا فورة ولا لحظة تنفيس وحيروح تأثيرها على مر الأيام والسنين... بص للصورة من بعيد وخد نفس عميق وانسى انتماءك الحزبي أياً كان وفكر معانا في أحوال المصريين... شوف وحاول تفسر ايه اللي حصل وايه اللي بيحصل وايه اللي حيحصل بعد بانوراما الأحداث الهلامية والناس مش واخدة بالها وبالهيافات ملهيين... صراعات حزبية وتصاريح عنترية وناس خرجت من القمقم وضوء الشهرة خلاهم ياعيني مدروخين... واعلام سمك لبن تمر هندي وناس غيَرت جلدها في لحظة بدون استحياء وكل كلامهم ومواقفهم السابقة ياعيني كانوا ليها ناسيين... وناس كانت واقفة في الدور في انتظار نظرة رضا من أي نظام سابق أو لاحق قاعدين ياعيني منتظرين... وقنوات جديدة بأشكال غريبة ومقدمين بنص لسان من أنصاف صحفيين... ورؤوس أموال بالهبل وجرائد وقنوات جديدة غريبة مصروف عليها ملايين... وسياحة مضروبة ومصانع مهجورة ومطالب فؤوية و تصريحات غير مسؤولة من مسؤول اخوانجي أو حتى واحد من السلفيين... وعام دراسي جديد وطلبة من غير أساتذة ياعيني تايهيين... مش كفاية الدروس الخصوصية اللي انتشرت زي النار في الهشيم حتى لطلاب الابتدائي قال ايه كمان تلاقي مدرسين مضربين... ناس تقولك أولاد الحرام ما سبوش لأولاد الحلال حاجة حرام دول غلابة ومش كل المدرسين طماعين... تعليم مضروب ومنظومة محتاجة تغيير من أول ألف باء لغاية أكبر واحد فيهم من المسؤولين... ومطالب وشعارات ثورية وأطباء مرتباتهم في الحضيض ياعيني مظلومين... وألتراس بتهين الشرطة وبتحرق في أملاك الناس وتلاقي في النيابة ناس بتدافع عن تصرفاتهم ويقولوا ده شباب طاهر بريء وغلابة وطيبين ... وجمعة ورا جمعة بمسميات غريبة وناس على طول عجبهم الميدان وأخدوا عليه والظاهر بيبقوا فيه نفسيا مرتاحين... وجماعة ما شاء الله بقالها مراكز ومبان ومقرات في كل حتة بتساوي ملايين... وحزب رسمي بنفس السياسة ونفس الأشخاص بنظام زيد زي عبيد لكن ولاد الايه متنكرين... تخيل ناس كانت بالسراديب مدفونة رجعت من تاني بقوة بالتهديد والوعيد وعلى قرارات المجلس العسكري معترضين... نفس السيناريو من ستين سنة وصراع دائم مع كل نظام حكم تلاقيهم في الأول حبايب وبكرة مختلفين... الكرسي أصل سره باتع وبعيد عن الزهد والاسطوانة المشروخة اياها بتضرب الكرسي في الكلوب وتزيد البلة طين... وائتلافات وشباب ماشاء الله بين يوم وليلة بقوا نجوم شباك وضيوف عالفضائيات مشهورين... وناس منهم كتير سابوا التحرير بعد تنفيذ المهمة وراحوا يقسموا الدوائر الانتخابية باعتبارهم أصحاب الحق والبلد وعن المجلس مترشحين... مش قالوا لكل زمان دولة ورجال يبقى لازم فيه ناس تستفيد من الجهاد ويكونوا ستاند باي يعني بالعربي مستعدين ... ومحاكمة لرئيس ورموز نظام والناس متبرجلة ما بين سابق ومخلوع ياعيني حيرانين... ومجموعة أسفين ياريس وأهالي شهداء واصابات وبهدلة للناس وتشكيك في المحاكمة وألاعيب محامين... وناس حذفت من مفهومها معنى المحاكمة ومغزاها وركزت بس على حركات المتهمين وايه لابسين... يا ناس فيه رئيس ورا القضبان وبيقول أفندم وحاضر ونعم بالذمة حد كان يحلم بكده وياترى بعد كده ايه تاني عاوزين... واعلان دستوري وبلبلة واجتماعات وائتلافات وجماعات من كل نوع ولون وناس من غير عقول وناس من الفلول بعد الثورة وفي كل مكان موجودين... ده غير اللي قاعدين للساقطة واللاقطة مفنجلين عينيهم وعلى كل قرار معترضين... صعب يكون وطن محبوس مابين طموح شعب وشلة أيا كان انتماؤها هنا وللا هناك والكل عامل فيها وطني وبتكلم باسم المصريين... الخلاصة الوضع بقى آخر خلطبيطة والزمن بيجري بينا ولو ضاع الوطن حنعيش على طول ضايعين... يارب تحفظ المحروسة من مراهقينها وطلاب السُلطة والشهرة فيها واللي عاملين وطنيين... يا ناس عاوزين تعرفوا وصلنا لايه روحوا وشوفوا تقرير مركز التعبئة والاحصاء وشوفوا احنا على فين رايحين... عمرك شفت شعب صاحب حضارة وأهرامات وعنده النيل يُحصر أمانيه وثقافته في قلة قليلة من برامج التوك شو أو أصحاب اليفط والشعارات والمنتفعين... ياترى يا هل ترى الناس دي عاوزة ايه مننا وياترى كلنا على فين رايحين... مصر بتتشكل من جديد ولازم تتشكل صح علشان خاطر بكره وولادنا اللي جايين... صعب وعيب علينا نبني بلدنا في نظير الرضا والقبول من حزب على حِسب وداد قلبي أو حسب ما يطلبه زوار الميدان واللي عليه رايحين جايين... ياترى حنفضل في خلطبيطة على طول وللا الاسمراني أبو بدلة مدني حيحسمها ويبقى ساعتها قُضي الأمر ولا عزاء للسادة المعتصمين... !!
[email protected]
مضى من الزمن ثمانية أشهر والناس ياعيني زي ما هي لسة متلخبطين... هي ثورة وللا فورة ولا لحظة تنفيس وحيروح تأثيرها على مر الأيام والسنين... بص للصورة من بعيد وخد نفس عميق وانسى انتماءك الحزبي أياً كان وفكر معانا في أحوال المصريين... شوف وحاول تفسر ايه اللي حصل وايه اللي بيحصل وايه اللي حيحصل بعد بانوراما الأحداث الهلامية والناس مش واخدة بالها وبالهيافات ملهيين... صراعات حزبية وتصاريح عنترية وناس خرجت من القمقم وضوء الشهرة خلاهم ياعيني مدروخين... واعلام سمك لبن تمر هندي وناس غيَرت جلدها في لحظة بدون استحياء وكل كلامهم ومواقفهم السابقة ياعيني كانوا ليها ناسيين... وناس كانت واقفة في الدور في انتظار نظرة رضا من أي نظام سابق أو لاحق قاعدين ياعيني منتظرين... وقنوات جديدة بأشكال غريبة ومقدمين بنص لسان من أنصاف صحفيين... ورؤوس أموال بالهبل وجرائد وقنوات جديدة غريبة مصروف عليها ملايين... وسياحة مضروبة ومصانع مهجورة ومطالب فؤوية و تصريحات غير مسؤولة من مسؤول اخوانجي أو حتى واحد من السلفيين... وعام دراسي جديد وطلبة من غير أساتذة ياعيني تايهيين... مش كفاية الدروس الخصوصية اللي انتشرت زي النار في الهشيم حتى لطلاب الابتدائي قال ايه كمان تلاقي مدرسين مضربين... ناس تقولك أولاد الحرام ما سبوش لأولاد الحلال حاجة حرام دول غلابة ومش كل المدرسين طماعين... تعليم مضروب ومنظومة محتاجة تغيير من أول ألف باء لغاية أكبر واحد فيهم من المسؤولين... ومطالب وشعارات ثورية وأطباء مرتباتهم في الحضيض ياعيني مظلومين... وألتراس بتهين الشرطة وبتحرق في أملاك الناس وتلاقي في النيابة ناس بتدافع عن تصرفاتهم ويقولوا ده شباب طاهر بريء وغلابة وطيبين ... وجمعة ورا جمعة بمسميات غريبة وناس على طول عجبهم الميدان وأخدوا عليه والظاهر بيبقوا فيه نفسيا مرتاحين... وجماعة ما شاء الله بقالها مراكز ومبان ومقرات في كل حتة بتساوي ملايين... وحزب رسمي بنفس السياسة ونفس الأشخاص بنظام زيد زي عبيد لكن ولاد الايه متنكرين... تخيل ناس كانت بالسراديب مدفونة رجعت من تاني بقوة بالتهديد والوعيد وعلى قرارات المجلس العسكري معترضين... نفس السيناريو من ستين سنة وصراع دائم مع كل نظام حكم تلاقيهم في الأول حبايب وبكرة مختلفين... الكرسي أصل سره باتع وبعيد عن الزهد والاسطوانة المشروخة اياها بتضرب الكرسي في الكلوب وتزيد البلة طين... وائتلافات وشباب ماشاء الله بين يوم وليلة بقوا نجوم شباك وضيوف عالفضائيات مشهورين... وناس منهم كتير سابوا التحرير بعد تنفيذ المهمة وراحوا يقسموا الدوائر الانتخابية باعتبارهم أصحاب الحق والبلد وعن المجلس مترشحين... مش قالوا لكل زمان دولة ورجال يبقى لازم فيه ناس تستفيد من الجهاد ويكونوا ستاند باي يعني بالعربي مستعدين ... ومحاكمة لرئيس ورموز نظام والناس متبرجلة ما بين سابق ومخلوع ياعيني حيرانين... ومجموعة أسفين ياريس وأهالي شهداء واصابات وبهدلة للناس وتشكيك في المحاكمة وألاعيب محامين... وناس حذفت من مفهومها معنى المحاكمة ومغزاها وركزت بس على حركات المتهمين وايه لابسين... يا ناس فيه رئيس ورا القضبان وبيقول أفندم وحاضر ونعم بالذمة حد كان يحلم بكده وياترى بعد كده ايه تاني عاوزين... واعلان دستوري وبلبلة واجتماعات وائتلافات وجماعات من كل نوع ولون وناس من غير عقول وناس من الفلول بعد الثورة وفي كل مكان موجودين... ده غير اللي قاعدين للساقطة واللاقطة مفنجلين عينيهم وعلى كل قرار معترضين... صعب يكون وطن محبوس مابين طموح شعب وشلة أيا كان انتماؤها هنا وللا هناك والكل عامل فيها وطني وبتكلم باسم المصريين... الخلاصة الوضع بقى آخر خلطبيطة والزمن بيجري بينا ولو ضاع الوطن حنعيش على طول ضايعين... يارب تحفظ المحروسة من مراهقينها وطلاب السُلطة والشهرة فيها واللي عاملين وطنيين... يا ناس عاوزين تعرفوا وصلنا لايه روحوا وشوفوا تقرير مركز التعبئة والاحصاء وشوفوا احنا على فين رايحين... عمرك شفت شعب صاحب حضارة وأهرامات وعنده النيل يُحصر أمانيه وثقافته في قلة قليلة من برامج التوك شو أو أصحاب اليفط والشعارات والمنتفعين... ياترى يا هل ترى الناس دي عاوزة ايه مننا وياترى كلنا على فين رايحين... مصر بتتشكل من جديد ولازم تتشكل صح علشان خاطر بكره وولادنا اللي جايين... صعب وعيب علينا نبني بلدنا في نظير الرضا والقبول من حزب على حِسب وداد قلبي أو حسب ما يطلبه زوار الميدان واللي عليه رايحين جايين... ياترى حنفضل في خلطبيطة على طول وللا الاسمراني أبو بدلة مدني حيحسمها ويبقى ساعتها قُضي الأمر ولا عزاء للسادة المعتصمين... !!
[email protected]
