لياليك

الرجل ياخذ حق ويأ دي حقوق

لا صار بوجيه الرياجيل ضامن

 ما يرقد الرجال لا صار محقوق

إن عودت مابين عالي وطامن

 سلام يلي المال من يدك مدفوق

لا ترقد بوسط الذيابه وتامن

 خلك على خبري على راس شاهوق

أبيك الأول لا حكوا منت ثامن

 على الشكاله والكرم منت مسبوق

لاصار بفعول المراجل تزامن

 الحر لو مربوط بكفوفه سبوق

عينه على اللي بالجناحين حامن

وصدرك اليا ضاقت لياليك صندوق

خل الذي كامن عن الناس كامن

 واليا عرض بالدرب خبلن ومطفوق

أما تياسر عنه و لا  تيامن

الرجل ودك دايمن نظرته فوق

ما يقصر النظره على كل طامن

هذاك لو ثوبه من الفقر مشقوق

خصايله عن سرد الأعذار شامن

واليا نصيته قال عرضني السوق

ماعود لسانه على قول ما من

خلك على خبره على راس شاهوق

لا ترقد بوسط الذيابه وتامن