يا نايف
ابو ظهير من الشعراء المميزين وله مشاركات كثيرة في الاعلام خصوصا الشبكة العنكبوتية، أهدانا هذا النص مشكورا وهو يخاطب ابنه نايف بهذه الوصية:
يا نايف اسمعني وهذي وصاتي
خذها معك يا بوك في كل الأوقات
خلك رجل واتعب على الطايلاتي**
ترى المراجل ماتجي بالسهالات
من لايفكر يصعد النايفاتي
يبقى تحت واللي تحت مثل الأموات
لافايد نفسه ولاهوب آتي
بالخير لو حاول بشتى المجالات
أوصيك لاتسمع علوم الوشاتي
لا تلتفت لأهل العلوم الرديات
ارفع مقامك عن خبيث الصفاتي
لايخدعك لوزان لك عشر مرات
لابد مايظهر لك الخافياتي
وعنك يتهرب خص في وقت الأزمات
والطيب اللي يبين فاللازماتي
هذا هو الصاحب ولافيه شكات
ومن صاحبك لاتطلب المعجزاتي
لاتجرحه وتقول حسب الميانات
واحفظ حقوق الدين والواجباتي
وإياك تنساها الفروض المهمات
اثبت عليها ياوليدي ثباتي
واحفظ كتاب الله ولو بضع آيات
والنفس دايم تورد المهلكاتي
لاصار تتبع في هواها الملذات
النفس لو تترك على المشتهاتي
أمارة بالسو وأعطيك الإثبات
شف من تبع نفسه فلا بد ياتي
بالخايبات.. السايبات.. المطمات
واللي خزمها فاز بالغانماتي
بالطيب ومخاوا هل الطيب بالذات
واحرص تنام وفي فراشك تباتي
وواحد من إخوانك عيونه سهيرات
شفني لكم محد يسوي سواتي
مافيكم اللي يطلب الناس حاجات
البارحه كني مودع حياتي
الموت جاني مير من غير سكرات
ضيقه بصدري حطمت أمنياتي
تنقضت فيني جروح قديمات
منها لساني لاصق في لهات
يوجروح قلبي مدميات عطيبات
اللي مضايقني وسبب شتاتي
منهو بعد عيني ذخر للبنيات
لا لا تخليني أفكر وأحاتي
وأنت الأمل من بعد رب السماوات
هذا الذي يابوك فجر سكاتي
ولا أنت وإخوانك رجال وسلامات
لكن عسى الله لايبكر وفاتي
وأشوفكم ماانتم بحاجة قرابات
والله يخليني لكم ياغناتي
وأضمن سعادة هالبنات الضعيفات
وأبطلب الله دايما في صلاتي
وأقول ماقال الهويدي بالأبيات
عسى م أموت إلا كبار بناتي
يمشن سعيدات ولاهن يتيمات
شعر:مبارك نايف أبوظهير
يا نايف اسمعني وهذي وصاتي
خذها معك يا بوك في كل الأوقات
خلك رجل واتعب على الطايلاتي**
ترى المراجل ماتجي بالسهالات
من لايفكر يصعد النايفاتي
يبقى تحت واللي تحت مثل الأموات
لافايد نفسه ولاهوب آتي
بالخير لو حاول بشتى المجالات
أوصيك لاتسمع علوم الوشاتي
لا تلتفت لأهل العلوم الرديات
ارفع مقامك عن خبيث الصفاتي
لايخدعك لوزان لك عشر مرات
لابد مايظهر لك الخافياتي
وعنك يتهرب خص في وقت الأزمات
والطيب اللي يبين فاللازماتي
هذا هو الصاحب ولافيه شكات
ومن صاحبك لاتطلب المعجزاتي
لاتجرحه وتقول حسب الميانات
واحفظ حقوق الدين والواجباتي
وإياك تنساها الفروض المهمات
اثبت عليها ياوليدي ثباتي
واحفظ كتاب الله ولو بضع آيات
والنفس دايم تورد المهلكاتي
لاصار تتبع في هواها الملذات
النفس لو تترك على المشتهاتي
أمارة بالسو وأعطيك الإثبات
شف من تبع نفسه فلا بد ياتي
بالخايبات.. السايبات.. المطمات
واللي خزمها فاز بالغانماتي
بالطيب ومخاوا هل الطيب بالذات
واحرص تنام وفي فراشك تباتي
وواحد من إخوانك عيونه سهيرات
شفني لكم محد يسوي سواتي
مافيكم اللي يطلب الناس حاجات
البارحه كني مودع حياتي
الموت جاني مير من غير سكرات
ضيقه بصدري حطمت أمنياتي
تنقضت فيني جروح قديمات
منها لساني لاصق في لهات
يوجروح قلبي مدميات عطيبات
اللي مضايقني وسبب شتاتي
منهو بعد عيني ذخر للبنيات
لا لا تخليني أفكر وأحاتي
وأنت الأمل من بعد رب السماوات
هذا الذي يابوك فجر سكاتي
ولا أنت وإخوانك رجال وسلامات
لكن عسى الله لايبكر وفاتي
وأشوفكم ماانتم بحاجة قرابات
والله يخليني لكم ياغناتي
وأضمن سعادة هالبنات الضعيفات
وأبطلب الله دايما في صلاتي
وأقول ماقال الهويدي بالأبيات
عسى م أموت إلا كبار بناتي
يمشن سعيدات ولاهن يتيمات
شعر:مبارك نايف أبوظهير
