ضعيّف النفس

الشاعر عبدالله بن زويبن من الشعراء الكبار وبعيد بعض الشيء عن الاعلام اخترنا لكم من قصائده هذه القصيدة:

يامل عينً لها يومين زعلانه

ومن الزعل نومها ماهي أباغيته

من كلمة يوم جتني مالها خانه

مدري لها قصد وإلا بس تفويته

ياليت بعض الاوادم يقطع لسانه

الخبل يزعجك مير إن جاك وإن جيته

الخبل لا تنشده لو هو عن اخوانه

لا تنشد الخبل ثم تدق ساقيته

واللي ورى التايهه يغويه شيطانه

ويجنب اللازمه لو جات ناصيته

لأدناة حاجة يجيك يشيل محجانه

أشجع من الكلب عند أطناب راعيته

خله لعل الكوارث بين حجانه

ويطيح في واحد ويفش عافيته

من غرب ماهو من اصحابه وجيرانه

والا أقرب الناس طابخته وشاويته

ضعيّف النفس لو تعطيه رمانه

حطك مثل واحد يحييه ويميته





شعر: عبدالله بن زويبن الحربي