المصري أفندي / خرج ولم يعد ... !!
| د. سعيد فهمي * |
فيه حاجات في حياتنا كدة محتاجة هدوء وصبر وروية... ولازم نفكر فيها بتريث وعقل وأساليب منطقية... وقبل ما نحط رجلينا في طريق مصيري لازم نكون عارفين ايه هي نهاية القضية... لو مستقبلك لوحدك لازم تفكر بجد فما بالك بمستقبل أمة عريقة اسمها بهيه... علشان كدة ماينفعش تنط علينا ببراشوت فجأه وتتصدر أخبارك القنوات الفضائية... وتعمل شو اعلامي من فراغ من غير أصول وقواعد أساسية... حتى ولو كنت مشهور ومعروف في مجال فني أو اعلامي أو اخترعت القنبلة الذرية... أو كنت سوبر ستار سياسي أو خدعتك فلاشات التصوير في برامج أو شبكات اعلامية... مش كل واحد اتلمت عليه المتناقضات واتجمعت ينفع رئيس جمهورية... لأنه ببساطة فيه هناك قواعد وبديهيات لازم يدرسها المرشح بصورة واضحة وجدية... لازم تذاكر الدستور كويس وتعرف بنوده حتى لو كان مُعدل أو ضد ميولك الخططية... لازم يكون لك في الشارع الحقيقي رصيد وحُب وشعبية... لازم تكون لك بصمة عند الناس البسيطة مش أصحاب المصالح والوعود الوهمية... ولازم تكون مُحنك وخبير وصاحب هيبة ومكانة وشخصية... وقبل كل حاجة تكون حاسس بمشاكل الناس ومعاناتهم الحقيقية... وتعيش فيهم وليهم وتشاركهم أمانيهم البسيطة الشرعية... الناس مش عاوزة شعارات وأماني وحدوتة قبل النوم مُسلية... الناس محتاجة القُدوة والريادة والقيادة الحقيقية... صعب حد يحكمنا بالريموت كونترول أو من موقع تويتر يبعت لينا أناشيد وطنية... صعب تلاقي واحد عاوز يبقى قائد يهرب من مواقف مصيرية... يافرحتي يوزع تيشيرتات على الطلاب والشباب وساعة الجد تلاقيه بعيد بيكرموه بالميداليات الذهبية... مفيش حد يقدر يضحك عالشعوب اللي رغم بساطتها بتكشف الأونطة وتعرف الكوسة من الملوخية... علشان تعمل نفسك قائد لازم تقدم نفسك ووقتك وعمرك لشعبك هدية... علشان تبقى زعيم لازم تسأل نفسك قدمت ايه مهر لبلدك أم الدنيا بهية... ياعيني على ناس ضحكوا عليها المتربصين وقالوا عليها صاحبه كريزما وشخصية تاريخية... ياعيني على ناس لعبوا لعبة مش قدها ولا كانوا قد المسئولية... أوهموه بالزعامة وانه البطل المغوار أو «روبين هود» اللي حينقذ الغلابة من الذل والعبودية... عيني على اللي خرج ولم يعد وانسحب من غير اعتذار حتى لصُحبته الوهمية... عيني على شخصية كتير محترمة لكنه مسكين صدق المراهقين وخسر القضية... !!
الناس البسيطة مش محتاجة فارس وحصان أبيض وحلو الكلام... ولا محتاجة واحد يتقمص دور الزعامة فجأه وكأنه شاف حلم في منام... الناس محتاجة اللي حاسس بحقيقة مشاكلهم واللي يزيل عنهم الألام... ويعيشوا في عدل وأمان وحُب وسلام... الناس خلاص كرهت النفاق والوعود والأوهام... الناس عاوزة قائد بجد مش عالنت قائد كرتوني من بتوع الأفلام... عزيزي القارئ ياترى عرفت مين المقصود بالحديث والكلام... ياترى حتروح تفكر معايا في سر اختفاء المرشح الالكتروني وللا حتروًح تنام... ياترى يا هل ترى ايه سر اختفاء صاحبنا اياه صاحب الشعارات الهُمام... لو كان الهدف البلبلة واللعب بأحلام الناس يبقى على الدنيا السلام... !!
المحروسة مش محتاجة مرشح تيك أواي ولا مرشح بتاع قيل وقال... البلد محتاجة اللي عارف مشاكلنا وينجز بالافعال... بلدنا مش محتاجة بيانات ورسائل الكترونية لاثارة الشباب بالأقوال... احنا محتاجين انجازات وتغيير كبير وعزيمة أبطال ورجال... لكن علشان حد ييجي يدغدغ عواطفنا بالبيانات وعاوز يضحك علينا يبقى أكيد مُحال... صعب يهبط علينا حد من السما وعاوز يحكمنا ببيان أومقال... احنا مشتاقين للعدل والمساواه والاحساس بمشاكلنا من غير سفسطة وجدال... يبقى ازاي نختار واحد رايح للنخبة يتحصن بيها وسايب الشباب يواجه السلطة وهو هناك بعيد عايش عال العال... بالذمة سيناريو الترشيح بالطريقة الساذجة دي مش يبقى كلام عيال... لكن المهم من ده كله هو ليه اختفى صاحبنا فجأة وهو ده اللغز وهو ده السؤال... !!
بلدنا محتاجه اللي عايش مشاكلها واللي حاسس بيها... محتاجة واحد خبير بتضاريس مشاعرها وعارف كل شيء فيها... محتاجة واحد عارف عشوائيتها وشوارعها وحواريها... واحد يكون رضع من نيلها وحارب ودافع عن شواطئها وصحاريها... بلدنا محتاجة مقاتل صلب شجاع يحقق المستحيل ويدافع عنها ويحميها... عاوز تعرف مين أحق وبدون نفاق روح شوف مين اللي حارب وحرر بالعقل أراضيها... مين اللي حماها من أي استفزاز وحافظ على حريتها وكل حبه رمل فيها... يمكن فيه شويه رتوش من حواليه لازم نساعده يزيلها علشان الصورة تتطلع حلوه ونفرح كلنا بيها... عاوز تعرف مين اسأل ضميرك مين الوحيد الأنسب في المرحلة دي واللي يقدر يكمل خطاويها... مش عاوزين معارضة والسلام ده حُكم بلد مش دورة رمضانية بنلعب فيها... لكن مهما حصل روح نام وانت مطمئن بلدنا بخير طول مافيها درع صلب واقف بالمرصاد لأي حد متربص بيها... اللي حرر بلدنا من دنس اليهود قادر بإذن الله يصون بلدنا ويحميها... وتقوللي تويتر ياعم روووح بلا تويتر بلا فيس بوك والبيانات اياها وبلاويها... بلدنا اختارت خلاص ويارب يقدر يكمل المشوار ويحقق أمانيها... !!
[email protected]
فيه حاجات في حياتنا كدة محتاجة هدوء وصبر وروية... ولازم نفكر فيها بتريث وعقل وأساليب منطقية... وقبل ما نحط رجلينا في طريق مصيري لازم نكون عارفين ايه هي نهاية القضية... لو مستقبلك لوحدك لازم تفكر بجد فما بالك بمستقبل أمة عريقة اسمها بهيه... علشان كدة ماينفعش تنط علينا ببراشوت فجأه وتتصدر أخبارك القنوات الفضائية... وتعمل شو اعلامي من فراغ من غير أصول وقواعد أساسية... حتى ولو كنت مشهور ومعروف في مجال فني أو اعلامي أو اخترعت القنبلة الذرية... أو كنت سوبر ستار سياسي أو خدعتك فلاشات التصوير في برامج أو شبكات اعلامية... مش كل واحد اتلمت عليه المتناقضات واتجمعت ينفع رئيس جمهورية... لأنه ببساطة فيه هناك قواعد وبديهيات لازم يدرسها المرشح بصورة واضحة وجدية... لازم تذاكر الدستور كويس وتعرف بنوده حتى لو كان مُعدل أو ضد ميولك الخططية... لازم يكون لك في الشارع الحقيقي رصيد وحُب وشعبية... لازم تكون لك بصمة عند الناس البسيطة مش أصحاب المصالح والوعود الوهمية... ولازم تكون مُحنك وخبير وصاحب هيبة ومكانة وشخصية... وقبل كل حاجة تكون حاسس بمشاكل الناس ومعاناتهم الحقيقية... وتعيش فيهم وليهم وتشاركهم أمانيهم البسيطة الشرعية... الناس مش عاوزة شعارات وأماني وحدوتة قبل النوم مُسلية... الناس محتاجة القُدوة والريادة والقيادة الحقيقية... صعب حد يحكمنا بالريموت كونترول أو من موقع تويتر يبعت لينا أناشيد وطنية... صعب تلاقي واحد عاوز يبقى قائد يهرب من مواقف مصيرية... يافرحتي يوزع تيشيرتات على الطلاب والشباب وساعة الجد تلاقيه بعيد بيكرموه بالميداليات الذهبية... مفيش حد يقدر يضحك عالشعوب اللي رغم بساطتها بتكشف الأونطة وتعرف الكوسة من الملوخية... علشان تعمل نفسك قائد لازم تقدم نفسك ووقتك وعمرك لشعبك هدية... علشان تبقى زعيم لازم تسأل نفسك قدمت ايه مهر لبلدك أم الدنيا بهية... ياعيني على ناس ضحكوا عليها المتربصين وقالوا عليها صاحبه كريزما وشخصية تاريخية... ياعيني على ناس لعبوا لعبة مش قدها ولا كانوا قد المسئولية... أوهموه بالزعامة وانه البطل المغوار أو «روبين هود» اللي حينقذ الغلابة من الذل والعبودية... عيني على اللي خرج ولم يعد وانسحب من غير اعتذار حتى لصُحبته الوهمية... عيني على شخصية كتير محترمة لكنه مسكين صدق المراهقين وخسر القضية... !!
الناس البسيطة مش محتاجة فارس وحصان أبيض وحلو الكلام... ولا محتاجة واحد يتقمص دور الزعامة فجأه وكأنه شاف حلم في منام... الناس محتاجة اللي حاسس بحقيقة مشاكلهم واللي يزيل عنهم الألام... ويعيشوا في عدل وأمان وحُب وسلام... الناس خلاص كرهت النفاق والوعود والأوهام... الناس عاوزة قائد بجد مش عالنت قائد كرتوني من بتوع الأفلام... عزيزي القارئ ياترى عرفت مين المقصود بالحديث والكلام... ياترى حتروح تفكر معايا في سر اختفاء المرشح الالكتروني وللا حتروًح تنام... ياترى يا هل ترى ايه سر اختفاء صاحبنا اياه صاحب الشعارات الهُمام... لو كان الهدف البلبلة واللعب بأحلام الناس يبقى على الدنيا السلام... !!
المحروسة مش محتاجة مرشح تيك أواي ولا مرشح بتاع قيل وقال... البلد محتاجة اللي عارف مشاكلنا وينجز بالافعال... بلدنا مش محتاجة بيانات ورسائل الكترونية لاثارة الشباب بالأقوال... احنا محتاجين انجازات وتغيير كبير وعزيمة أبطال ورجال... لكن علشان حد ييجي يدغدغ عواطفنا بالبيانات وعاوز يضحك علينا يبقى أكيد مُحال... صعب يهبط علينا حد من السما وعاوز يحكمنا ببيان أومقال... احنا مشتاقين للعدل والمساواه والاحساس بمشاكلنا من غير سفسطة وجدال... يبقى ازاي نختار واحد رايح للنخبة يتحصن بيها وسايب الشباب يواجه السلطة وهو هناك بعيد عايش عال العال... بالذمة سيناريو الترشيح بالطريقة الساذجة دي مش يبقى كلام عيال... لكن المهم من ده كله هو ليه اختفى صاحبنا فجأة وهو ده اللغز وهو ده السؤال... !!
بلدنا محتاجه اللي عايش مشاكلها واللي حاسس بيها... محتاجة واحد خبير بتضاريس مشاعرها وعارف كل شيء فيها... محتاجة واحد عارف عشوائيتها وشوارعها وحواريها... واحد يكون رضع من نيلها وحارب ودافع عن شواطئها وصحاريها... بلدنا محتاجة مقاتل صلب شجاع يحقق المستحيل ويدافع عنها ويحميها... عاوز تعرف مين أحق وبدون نفاق روح شوف مين اللي حارب وحرر بالعقل أراضيها... مين اللي حماها من أي استفزاز وحافظ على حريتها وكل حبه رمل فيها... يمكن فيه شويه رتوش من حواليه لازم نساعده يزيلها علشان الصورة تتطلع حلوه ونفرح كلنا بيها... عاوز تعرف مين اسأل ضميرك مين الوحيد الأنسب في المرحلة دي واللي يقدر يكمل خطاويها... مش عاوزين معارضة والسلام ده حُكم بلد مش دورة رمضانية بنلعب فيها... لكن مهما حصل روح نام وانت مطمئن بلدنا بخير طول مافيها درع صلب واقف بالمرصاد لأي حد متربص بيها... اللي حرر بلدنا من دنس اليهود قادر بإذن الله يصون بلدنا ويحميها... وتقوللي تويتر ياعم روووح بلا تويتر بلا فيس بوك والبيانات اياها وبلاويها... بلدنا اختارت خلاص ويارب يقدر يكمل المشوار ويحقق أمانيها... !!
[email protected]
