في حب مصر / مقتطفات ... وتأملات

| الشيخ عاطف مرسي * |



مسميات الجماعات!

مع تزايد نشاط الحراك السياسي لبعض القوى والتوجهات في الفترة الأخيرة، نشطت على الساحة جماعات عدة، مثل «المحظورة»... و«غير المشروعة»، ثم «المستورة»، سأل البعض: مين هيَّة - ده - الجماعة المستوردة - ده - اللي غالبية أفرادها، نجحوا في انتخابات «مجلس الشورى»!! وكلها، أرزاق والشاطر اللي يكسب!



معارض... أو مساند

قال لصديقه سمعنا ان رئيس الحزب المعارض، له «نفحة» سبعة آلاف جنيه، كل شهر!! فرد الصديق - بسيطة جداً، عندنا واحد، من الحزب بيحصل أضعاف المبلغ - ده - «كل ظهر» مش «كل شهر»؟! تسأله: إزاي كده؟ لأن - ياحبيبي - الأول، رئيس حزب معارض، والثاني عضو في الحزب «المساند»!!

يا ابن بلدي.....

مساند.. أو مُعارض...

الكل سلطان بفلوسه؟

الحسرة عالغلبان...

اللي، حتى كلمة «لحمة»

مشطوبة - بقاموسه!

مُعارض... مساند...

في عربيته يتمشى...

والتالت، ليل نهار، بيكد

عشان - ما ولاده - تتعشى!!

مع التحية... «للجمعيات التعاونية»



أحلى كلام...

مصر العظيمة، أعلى قدرها وزكاها «رب السماء» وأوصى بأهلها - خيراً - خاتم الرسل والأنبياء محمد صلى الله عليه وسلم...

في الختام... نستسمح قراءنا - الكرام - بإجازة قصيرة، نقضيها بظلال ربوع، ريف «المحروسة» الآثر، وبأحضان - نيلها - الساحر؟ مع وعدٍ باللقاء.





* إمام وخطيب بوزارة الأوقاف