بعد ساعات من الغموض
ميرنا هشام: أنا لم أنتحر لكن في حالة نفسية «مش كويسة»
وسط حالة غموض في شأن ما تردد من أنباء عن محاولة انتحار المطربة المصرية الشابة نجمة اراب ايدول ميرنا هشام خففت الأم من حدة القلق، و كتبت عبر حسابها على منصة «فيسبوك»: «ادعوا لميرنا، هي تعبانة شوية، ادعوا لها بالشفاء»، من دون أي إيضاحات أخرى، عما حدث، ثم فجأة ظهرت ميرنا لتكشف تفاصيل الساعات الأخيرة، وتبدد حيرة الأصدقاء و الجمهور.
ميرنا هشام، ظهرت عصر الأحد في فيديو تم بثه على «فيسبوك»، و قالت:«أنا بطمن الناس عليا الحمد لله أنا كويسة وبخير، و أنا منتحرتش خالص وعمري ما أفكر أعمل حاجة زي كده نهائي، كل الحكاية إني بقالي فترة كبيرة مش موجودة ومختفية من الحياة والسوشيال ميديا لأني مش في أحسن حالة نفسياً، ومبحبش حد يشوف ده فيا».
و أضافت:«غصب عني زي الناس ما بتمر بأزمات نفسية كبيرة جداً، و مش قادرة تتعامل مع أشخاص، فلازم تاخد راحة، أنا مريت بحاجات شخصية في حياتي، وهي اللي تعبتني أكتر، أنا فعلاً تعبت ورحت المستشفى بس لما تصل إلى درجة الانتحار والمواضيع دية تعبتني زيادة، والله ما عارفة أقولكوا إيه، وأنا خلال الفترة دية مش أحسن حاجة في حياتي وأنا بخير وادعولي وربنا يحمي الجميع وميحطش حد في ضيقة نهائي».
وكانت الأم سبقت هذه الرسالة، برسالة أولى، زادت الموقف غموضاً، حيث قالت:«حسبي الله و نعم الوكيل، في اللي كان السبب».
