المصري أفندي / سارق الفرح...!!
| د. سعيد فهمي |
شفت المصريين..؟؟ شفت وسمعت فرحة الناس الطيبين..؟؟ شفت وسمعت وفرحت معانا بمنتخب الساجدين..؟؟ شفت وقت الشدة والجد بنكون قد ايه جامدين.. شفت انه صعب نسيب تارنا عند اي حد مهما كان مين.. شفت الشوارع كانت ازاي مليانة ناس بتغني وترقص وبمنتخب بلدها مبسوطين.. شفت معانا عالفضائيات ابطالنا ازاي كانوا في الملعب زي الوحوش جبارين.. شفت عزيمتهم وادائهم ازاي ابهر الملايين.. شفت التكتيك والتكنيك وحنكة الجهاز الفني الامين.. شفت الارادة والسيادة والاصرار من الجميع لاعبين وفنيين.. شفت الناس ازاي كانوا كلهم في الميادين متجمعين.. بذمتك قدرت تعرف الفرق بين مسلمين ومسيحيين.. بالذمة حد كان قادر يميز بين بطرس او احمد او جميان او امين.. عرفت بقى اللي عاوز يولعها في نجع حمادي بيننا مين..!! بذمتك عرفت تعرف الفرق بين البهوات والغلابة المطحونين.. شفت قد ايه كلنا كنا للفرحة محتاجين.. سبحان الله يا اخي وكأنهم عطشانين فرحة ولتحقيق النصر ملهوفين.. هم دول المصريين.. لو حاولوا بس يصمموا على اي حاجة بتلاقيهم جبارين.. يد واحدة وشعب واحد وطريقهم عارفينه رايح فين.. لكن نحمد ربنا ونشكره انه خلى الناس دي تخرج في الشوارع فرحانين.. شوف وتخيّل كل الجموع دي خرجت تنفس عن فرحتها وهم مبسوطين.. تخيل كمان المشهد لو الناس دي خرجت تعبّر عن غضبها مقهورين.. لازم نكمل للناس فرحتهم ونسهل عليهم حياتهم ويكونوا مرتاحين.. ربنا يكفينا شر غضب المظلومين والمقهورين قول معانا آميييين..!!
النصر الكروي كان للناس فرحة وبهجة بعد لحظات.
حسرة وانكسار.. وشعور منهم ان الشيء الوحيد اللي يواسيهم ويشغلهم انسرق منهم خلاص وانهار.. لكن سبحان الله العظيم اللي حاسس بينا وخلى ظلام ايامنا نهار.. ووهب لأولادنا العزيمة والارادة وبعزيمتهم ردوا لينا الاعتبار.. وكانوا صورة جميلة في الاداء وتنفيذ الخطط يعني بالمختصر المفيد فازوا بالبطولة باقتدار.. واثبتوا للجميع انهم وحوش افريقيا والعالم كله كان في حالة انبهار.. وهو ده المنتظر من منتخب الساجدين وادائه الراقي الجبار.. منتخب فاق كل التوقعات وخلى الكل محتار.. فعلا احفاد الفراعنة وسلالة محفوظ وزويل والفنان الجميل مختار...!! لكن اللافت للنظر الاستقبال والتكريم من الريس في لفتة كريمة ابوية.. كانت ملامحه كلها راحة وافتخار بأولاده ابطال الكأس الافريقية.. وشفنا الجميع ملموم حواليه فرحان بالتكريم والتقدير في مشهد رائع وحصري لأمة بهية.. شيء حضاري وراقي من الكبير تكريم كل من اجاد وكان نموذج للالتزام والمسؤولية.. لكن ياريت وطبقا لمبدأ الثواب والعقاب والقوانين الانسانية.. ياريت زي ما بنكافئ اللي فرحنا نحاسب اللي وجع قلبنا وعذبنا بوظيفته الرسمية.. زي اللي وزع ارض بلادنا بالواسطة والكوسة والمحسوبية.. او اللي قهرنا بالجباية والضرائب وبالذات العقارية.. او اللي اتسبب في زيادة الاسعار على الناس بالاساليب الاحتكارية.. وكمان اصحاب الآراء الهدامة اللي بتجادل في قراراتنا السيادية.. او الجرائدالصفراء واصحاب الاراء اللي بتشكك في كل حاجة بالشعارات الوهمية.. ياريت نحافظ على نشوة الانتصار وتزيد مساحة الحرية.. يارب تديم علينا الفرحة ونخلص بقى من اصحاب الفهلوة والاونطجية.. زي اللي راحوا وحاولوا سلب فرحتنا وانتصاراتنا الكروية... واعلنوا عن وفد للحزب الوطني لمساندة المنتخب في مظاهرة اعلامية.. وزجوا باسم المواطنين جمال وعلاء وصبغوهم بصبغة حزبية.. رغم اننا شفناهم قد ايه كانوا ممزوجين بالناس بأحاسيس بسيطة حقيقية.. ونسينا انهم ولاد الريس او حد فيهم مسؤول الامانة السياسية.. ولقينا صوتهم راح من الغناء والفرحة الكبيرة العفوية.. سارق الفرح موجود بيننا عاوز يلهط التورتة والمهلبية.. تلاقيه على كل الموائد مستني اي مناسبة علشان يظهر في الصورة بالقصد والنية..!! وبلاش ننسى كمان اصحاب الفتاوى الكروية.. اللي بيلهطوا الملايين في البرامج الرياضية.. واللي كل واحد عنده برنامج ملاكي على القنوات الفضائية.. وعامل نفسه وحده صاحب الفكر الفني والمفهومية.. واللي راحوا وهاجموا شحاتة بسبب اختياراته للاعبين واتهموه بالعشوائية.. ولما استبعد بعض اللاعبين شرشحوه واتهموه بالمزاجية.. ولما انتصر بارادته وعزيمة ولاده راحوا وغيروا كلامهم وادعوا علينا المفهومية.. واسرفوا في المدح والاطراء بكتيبة شحاتة بمنتهى البجاحة والهمجية.. ونفس الوجوه والافواه راحت تطبل وتزمر بعد البطولة التاريخية امتى بقى نرتاح من كل النماذج الفجة دي حزبية واعلامية..!! حتى اعضاء الاتحاد اللي اتخانقوا على المناصب واللجان الرياضية.. واللي فضحوا بعضهم في الفضائيات والمجلات الكروية.. فجأة لقيناهم بيقاسموا كتيبة شحاتة في الاوسمة الرياضية.. وقبلها سافروا علشان يظهروا في الصورة مع الكأس ونشوفهم بالألوان الطبيعية.. والغريب بقينا نسمع عن خطط مسبوقة وتجهيزات فنية.. بالذمة مش ده نموذج لسارق الفرح وكدابين الزفة والاونطجية..!! مبروك علينا كلنا انتصاراتنا الكروية.. مبروك لشحاتة وكتيبته وارادتهم القتالية... وياريت تكون الانتصارات هي عنوان حياتنا اللي جاية.. الناس محتاجة تفرح ومفيش فرحة احلى من الشعور بالعدل والسواسية.. شعب المحروسة شعب قدير يستاهل الفرحة والحرية.. شعب محتاج اللي يطبطب عليه بالعدل والرحمة والانسانية.. حرام كل امانينا تتلخص في بطولة او لعبة كروية.. حرام نسيب الشعب ده لمسؤول فاسد او محتكر جبار او لرؤية ضيقة حزبية.. ربنا يكفيك ويكفينا شر سارق الفرح وبطانة السوء في كل مجالاتنا الحياتية.. احنا شعب المؤمنين القاهرين لكل الاطماع الخارجية.. يارب انصرنا على سارق الفرح في كل مكان وثعابين جبهتنا الداخلية.. يارب انصر مصر وخلي للنصر عنوان اسمه المحروسة ام الدنيا بهية..!!
[email protected]
شفت المصريين..؟؟ شفت وسمعت فرحة الناس الطيبين..؟؟ شفت وسمعت وفرحت معانا بمنتخب الساجدين..؟؟ شفت وقت الشدة والجد بنكون قد ايه جامدين.. شفت انه صعب نسيب تارنا عند اي حد مهما كان مين.. شفت الشوارع كانت ازاي مليانة ناس بتغني وترقص وبمنتخب بلدها مبسوطين.. شفت معانا عالفضائيات ابطالنا ازاي كانوا في الملعب زي الوحوش جبارين.. شفت عزيمتهم وادائهم ازاي ابهر الملايين.. شفت التكتيك والتكنيك وحنكة الجهاز الفني الامين.. شفت الارادة والسيادة والاصرار من الجميع لاعبين وفنيين.. شفت الناس ازاي كانوا كلهم في الميادين متجمعين.. بذمتك قدرت تعرف الفرق بين مسلمين ومسيحيين.. بالذمة حد كان قادر يميز بين بطرس او احمد او جميان او امين.. عرفت بقى اللي عاوز يولعها في نجع حمادي بيننا مين..!! بذمتك عرفت تعرف الفرق بين البهوات والغلابة المطحونين.. شفت قد ايه كلنا كنا للفرحة محتاجين.. سبحان الله يا اخي وكأنهم عطشانين فرحة ولتحقيق النصر ملهوفين.. هم دول المصريين.. لو حاولوا بس يصمموا على اي حاجة بتلاقيهم جبارين.. يد واحدة وشعب واحد وطريقهم عارفينه رايح فين.. لكن نحمد ربنا ونشكره انه خلى الناس دي تخرج في الشوارع فرحانين.. شوف وتخيّل كل الجموع دي خرجت تنفس عن فرحتها وهم مبسوطين.. تخيل كمان المشهد لو الناس دي خرجت تعبّر عن غضبها مقهورين.. لازم نكمل للناس فرحتهم ونسهل عليهم حياتهم ويكونوا مرتاحين.. ربنا يكفينا شر غضب المظلومين والمقهورين قول معانا آميييين..!!
النصر الكروي كان للناس فرحة وبهجة بعد لحظات.
حسرة وانكسار.. وشعور منهم ان الشيء الوحيد اللي يواسيهم ويشغلهم انسرق منهم خلاص وانهار.. لكن سبحان الله العظيم اللي حاسس بينا وخلى ظلام ايامنا نهار.. ووهب لأولادنا العزيمة والارادة وبعزيمتهم ردوا لينا الاعتبار.. وكانوا صورة جميلة في الاداء وتنفيذ الخطط يعني بالمختصر المفيد فازوا بالبطولة باقتدار.. واثبتوا للجميع انهم وحوش افريقيا والعالم كله كان في حالة انبهار.. وهو ده المنتظر من منتخب الساجدين وادائه الراقي الجبار.. منتخب فاق كل التوقعات وخلى الكل محتار.. فعلا احفاد الفراعنة وسلالة محفوظ وزويل والفنان الجميل مختار...!! لكن اللافت للنظر الاستقبال والتكريم من الريس في لفتة كريمة ابوية.. كانت ملامحه كلها راحة وافتخار بأولاده ابطال الكأس الافريقية.. وشفنا الجميع ملموم حواليه فرحان بالتكريم والتقدير في مشهد رائع وحصري لأمة بهية.. شيء حضاري وراقي من الكبير تكريم كل من اجاد وكان نموذج للالتزام والمسؤولية.. لكن ياريت وطبقا لمبدأ الثواب والعقاب والقوانين الانسانية.. ياريت زي ما بنكافئ اللي فرحنا نحاسب اللي وجع قلبنا وعذبنا بوظيفته الرسمية.. زي اللي وزع ارض بلادنا بالواسطة والكوسة والمحسوبية.. او اللي قهرنا بالجباية والضرائب وبالذات العقارية.. او اللي اتسبب في زيادة الاسعار على الناس بالاساليب الاحتكارية.. وكمان اصحاب الآراء الهدامة اللي بتجادل في قراراتنا السيادية.. او الجرائدالصفراء واصحاب الاراء اللي بتشكك في كل حاجة بالشعارات الوهمية.. ياريت نحافظ على نشوة الانتصار وتزيد مساحة الحرية.. يارب تديم علينا الفرحة ونخلص بقى من اصحاب الفهلوة والاونطجية.. زي اللي راحوا وحاولوا سلب فرحتنا وانتصاراتنا الكروية... واعلنوا عن وفد للحزب الوطني لمساندة المنتخب في مظاهرة اعلامية.. وزجوا باسم المواطنين جمال وعلاء وصبغوهم بصبغة حزبية.. رغم اننا شفناهم قد ايه كانوا ممزوجين بالناس بأحاسيس بسيطة حقيقية.. ونسينا انهم ولاد الريس او حد فيهم مسؤول الامانة السياسية.. ولقينا صوتهم راح من الغناء والفرحة الكبيرة العفوية.. سارق الفرح موجود بيننا عاوز يلهط التورتة والمهلبية.. تلاقيه على كل الموائد مستني اي مناسبة علشان يظهر في الصورة بالقصد والنية..!! وبلاش ننسى كمان اصحاب الفتاوى الكروية.. اللي بيلهطوا الملايين في البرامج الرياضية.. واللي كل واحد عنده برنامج ملاكي على القنوات الفضائية.. وعامل نفسه وحده صاحب الفكر الفني والمفهومية.. واللي راحوا وهاجموا شحاتة بسبب اختياراته للاعبين واتهموه بالعشوائية.. ولما استبعد بعض اللاعبين شرشحوه واتهموه بالمزاجية.. ولما انتصر بارادته وعزيمة ولاده راحوا وغيروا كلامهم وادعوا علينا المفهومية.. واسرفوا في المدح والاطراء بكتيبة شحاتة بمنتهى البجاحة والهمجية.. ونفس الوجوه والافواه راحت تطبل وتزمر بعد البطولة التاريخية امتى بقى نرتاح من كل النماذج الفجة دي حزبية واعلامية..!! حتى اعضاء الاتحاد اللي اتخانقوا على المناصب واللجان الرياضية.. واللي فضحوا بعضهم في الفضائيات والمجلات الكروية.. فجأة لقيناهم بيقاسموا كتيبة شحاتة في الاوسمة الرياضية.. وقبلها سافروا علشان يظهروا في الصورة مع الكأس ونشوفهم بالألوان الطبيعية.. والغريب بقينا نسمع عن خطط مسبوقة وتجهيزات فنية.. بالذمة مش ده نموذج لسارق الفرح وكدابين الزفة والاونطجية..!! مبروك علينا كلنا انتصاراتنا الكروية.. مبروك لشحاتة وكتيبته وارادتهم القتالية... وياريت تكون الانتصارات هي عنوان حياتنا اللي جاية.. الناس محتاجة تفرح ومفيش فرحة احلى من الشعور بالعدل والسواسية.. شعب المحروسة شعب قدير يستاهل الفرحة والحرية.. شعب محتاج اللي يطبطب عليه بالعدل والرحمة والانسانية.. حرام كل امانينا تتلخص في بطولة او لعبة كروية.. حرام نسيب الشعب ده لمسؤول فاسد او محتكر جبار او لرؤية ضيقة حزبية.. ربنا يكفيك ويكفينا شر سارق الفرح وبطانة السوء في كل مجالاتنا الحياتية.. احنا شعب المؤمنين القاهرين لكل الاطماع الخارجية.. يارب انصرنا على سارق الفرح في كل مكان وثعابين جبهتنا الداخلية.. يارب انصر مصر وخلي للنصر عنوان اسمه المحروسة ام الدنيا بهية..!!
[email protected]
