تعــــالى...!

تعالى ... تكفى السكته تعالى يكفى الكتمان
تعالى... مابقيت اخشى كلام الناس والسمعه
تعالى...نمسح اخطانا تعالى والحقيقه تبان**
تعالى...ننهى الموعد كفايه صبرنا ونفعه
تعالى...نظهر الباطن ونلجم كل لسانٍ كان
تعالى...وانثرى شعرك على متون الفرح متعه
تعالى...عيدى البسمه تعالى وانسى الحرمان
تعالى...وافهم الواقع عمت عين الشقى بدمعه
تعالى...نجمع المفقود قمر ليلى وليلك بان
تعالى...لعنبو عمرن قضى وقته بلا جمعه
تعالى...وادفنى همومك بقلبٍ صادقٍ ولهان
تعالى ... واتركى الضيقه تعالى باللقا وسعه
تعالى...نوخى اتعابك تعالى واكسرى العصيان
تعالى...مرحبا فيك هلا به موعد الرجعه
مبارك العقيل