العزوف

|شعر: خميس العازمي| من شاعرن بين كتاب القصيد معروف
عينه على قمة العليا ومرقابها
يلحن الحبر شعري والدفاتر صفوف
وأنا أستضيف النوادر وأحسب إحسابها
شعرن يجمل ويرضي طيبين الشفوف
وأفكار ما ذكر غيري جرد أسلابها
لها حضور ولها هيبة وعزة ونوف
وتسمو عن الكذب والصدق اتسامابها
ولا اعتراني من أهل الشعر والذوق خوف
إن قالها الله لا أراهن وأكسب إعجابها
يسند لي الرأي وأحط النقط للحروف
وأرقى عروش المراجل وأتساوابها
فيا صاحبي ما على الدنيا الدنية حسوف
دايم وهي دون هقوة من تهقوابها
حررت نفسي من الغفلة وعشق الهنوف
اللي تريض سواد الليل بأهدابها
عدت سنة والأماني في خيالي ضيوف
لكن مزاجي لا وداها ولا جابها
المغريات اكشخن لي وضحكن الظروف
والرغبة إحضورها مايشبه إغيابها
تنهدت من تفاهات الزمان الحروف
وتجردت من قيود الصمت وإثيابها
ونفسي لحنها على لحن العزوف معزوف
لو آكل السحت بالخذلان يغتابها
وأنا سليل الرجال موردين السيوف
اللي تقول وتطول وتفتل اشنابها
يعني ماهز الجبال الشامخات الشعوف
والا بيوت الشعر مايرحم أطنابها
وياصاحبي دام تسمعني وعينك تشوف
والا البعارين تجهل عوجت أرقابها
عسى الجهد والتعب يوم النشور مخلوف
ليا دعت كل نفس وشالت إكتابها