كريم النفس

| إعداد: مساعد بن جبران العازمي |
شعر: جديع الملعبي اضيق واسكن وحدتي بين الاهمال
ويمر وقت ولا تجيبني مع الوقت
وأعود أشيل الحزن وأبني آمال
بين الفراق وبين وصلك تعلقت
أنزف شعوري وصل وتصد تختال
جيت انتقم لكن على عمرك أشفقت
أن ما تركت الذل ما نيب رجال
ولو ما أقدر عزتي ما تضايقت
لا تحسب أنك كل ما ضعنت نزال
ولا تحسب أني كان شرقت... شرقت
أنا ليامن شفت ما عفت رحال
ولا أذكر أني لاجل مخلوق نافقت
يا قلب شل جرحك بلاهم ووصال
أنا على همي وجرحي تفوقت
هيا معي نقطع مسافات الأميال
واكتب على جدران الأيام مزقت
يا كثر ما شفنا من أصحابنا اهمال
وأن شفتهم صديت عيني ودنقت
الناس تبغي فعل ما تبغي اقوال
خلك كريم النفس حتى ولو ضقت
والرزق له اكثر من الفين مدخال
وما هوبشرط ليا تفوقت وفقت
والفقر ما هو نقص في دخر الأموال
الفقر لاعشت المهونة ووافقت
يانا شد عني على الطيب لا ازال
لو ضايقوني شلة الشعر ما ضقت
الحق ما يخفى ولو زل مكيال
أنا المطر لو كان ما رعدت وأبرقت
وأنا الفكر وانا مواريث الأجيال
وأنا القصيد الي بطرحي تألقت
يكفي ليا من ضقت جريت موال
وكتبت سبك من ذهب وأن تضايقت