يا نور عيني

يانور عيني ما تمنيت فرقاك
ويشهد علي الله مانيب قاوي
قمت اغلط بغيرك واسميهم اسماك
والدار عقبك ماني الها هواوي
لاشك نتصبر علشان لقياك
في دار ابو ناصر بعيد الهقاوي
يا كبر حبك في خفوقي وما اغلاك
ولا فيه شخصٍ عند حبك يساوي
لو أن دربك كله اخطار واشواك
مشيت دربك لأنك انت المداوي
حتى ولو تخطي فلا والله اجفاك
وانا على شوفك كثير المناوي
اشوف انا غيرك ولا شفت حلياك
معك معك لوهي تزيد الدعاوي
حتى وانا في ضيقتي مقدر اسلاك
اروح لجلك يا غناتي فداوي
اهيم بعيونك وضحكة شفاياك
ارفق على حالٍ بها الهم طاوي
واهيم بديارٍ بها كان مرباك
دارٍ مزبنت الدخيل الجلاوي
خذ هالوعد مني فلا والله اجفاك
حتى ولو زادت علي الشكاوي
هذا قصيدي يا أريش العين ينصاك
كتبتها بلسان شاعر هواوي