خلطة بهية...!!
| د. سعيد فهمي (المصري افندي) |
ايه رأيك لو ننسى الكلام في الامور السياسية... وبلاش نسمع راديو او نشوف قنوات فضائية... ولا نسأل عن ايه سبب مشاكلنا الاجتماعية... او ايه السر في معنى كلمة الاكتوارية... وايه الحكمة في توزيع صكوك الحكومة النقدية... ولا نتكلم عن بهدلة اولياء الامور في النظام الجديد للثانوية... ولا عن حجب استجوابات النواب تحت القبة البرلمانية... ولا قصور الخدمات والاداء في المستشفيات الحكومية... او سبب ارتفاع الاسعار رغم الازمة الاقتصادية... واسباب عدم العمل بتقارير جهاز المحاسبات و«الملط» الرقابية... علشان كدة تعالى ناخذ استراحة ونرتاح شوية... ونروح انت وانا في ساعة حظ منسية... ايه رأيك نروح على النيل في ساعة عصرية... نركب فلوكه وناخذ بنطة لحد المغربية... حتلاقي هناك النيل مع الهوا العليل عاملين خلطة سحرية... وبيصنعوا كوكتيل جميل ينسينا الهم والمسؤولية... وبعدين نروح عند «الجحش» ناكل فول وطعمية... مع دقة خل وثوم في خلطة جميلة وشهية... او نروح عند «الدهان» ناكل جوز حمام بالخلطة السرية... قلوب وكبد وكلاوي وحاجات من اللي هية... او عند «رفاعي» نتعشى كباب او كفتة مشوية... حتلاقي هناك خلطة من اللحوم والمشويات لذيذة وهنية... وبعدين نشرب عصير كوكتيل من «فرغلي» بخلطة الفواكه الطبيعية... او نروح عند «المالكي» ناكل رز باللبن او نطلب مهلبية... معمولة بخلطة مكسرات وقشطة طبيعية... بالذمة مش اي خلطة من دول تنسيك مشاكلك اليومية... لكن صدقني مهما لفيت وشفت مش حتشوف زي خلطة «بهية»... خلطة غريبة عجيبة مالهاش مثيل في الكرة الارضية... تلاقي فيها كل الخلطات وكل الاشكال مشوية ومقلية... ورغم كل اللي فيها تلاقيها صامدة وعفية... ومهما حاول معاها الزمن بتكون زي ما هي قوية...!! بلد بتلاقي فيها صوت الآذان واجراس الكنائس الناس بيسمعوه... ومسجد وكنيسة وناس بتسمع صوت الصلاة ويلبوه... وتلاقي المسلم والمسيحي مش عارفين يفرقوه... وناس بتسهر في بارات وملاهي حتى البوكر بيلعبوه... وناس تشقى طول اليوم علشان توفر ثمن عشا ياكلوه... وناس بتهبر وتلهط خير البلد وبينهبوه... وشوية عايشين جنب الحيط وحاملين هم بكره علشان بيخافوه... لا عارفين حيطلع عليهم نهار ولا الليل ازاي حيقضوه... وناس معاها ملايين والمال مش عارفين فين يصرفوه... وناس مش لاقية اللضى حتى الستر يا عيني فقدوه... واراضي للهوامير يبنوها والباقي بأغلى الاسعار يبيعوه... وناس بتدوّر على ضل حيطة علشان لحمهم يلموه... واعتصامات علشان كام سحتوت والموظف بيطنشوه... وضرائب وجباية على المواطن علشان يفرموه... وقضايا فرقعة اعلامية اكيد علشان يلهوه... وصحافيين بيطبلوا ويزمروا علشان المسؤول يرضوه... وناس بتكتب فضائح واكاذيب عالنظام عاوزين يغيروه... وقضايا مبيدات مسرطنة وصاحبها في الصفوف الامامية بيحترموه... وقروض من غير ضمان ومال الشعب قاعدين ينهبوه... وصاحبها بيمر بكل سهولة من الجوازات من غير ما يشوفوه... وعبّارة بتغرق في البحر ومواطن بيرموه للاسماك علشان ياكلوه... والفاعل هربان خدوه هيله بيله على بره وهربوه... وتلاقي ضابط بيضحي بعمره علشان يحمي مواطنة والبلطجية بيقتلوه... عمرك شفت واحد علشان اخلص في شغله يكرموه... او موظف بيراعي ربه وعمله يروحوا يكافئوه... مع ان ده الشيء الطبيعي اللي لازم يعملوه...!! وتلاقي سواحل بحرية على قد الشوف والسمك سعره فيها بيرفعوه... مرة يقولوا التجار ومرة يقولوا الشطار واللغز مش بيحلوه... وقطن طويل التيله قللوا زراعته والمصانع بيستوردوه... ومشروع ترعة السلام اللي ابتدوا فيه ولا قدروا يكملوه... ومشروع توشكى اللي اتوزعت اراضيه على الصفوة وسابوه ولا زرعوه... ومنافذ بحرية وجمارك خرافية والمسافر يبهدلوه... لا فيه تطوير ولا تنظيم بس شاطرين عالمغترب يهبروه... وقوانين مرور وغرامات عالمواطن من غير ما يفهموه... لا عارف فين اتجاه السير ولا عكس الاتجاه قاعدين يلخبطوه... حياه مخلوطه بخلطة عجيبة وسر مش قادرين يفهموه... لكن رغم كل السواد واللخبطة هناك شيء في الخلطة الناس بيحبوه... زي القضاء الرصين حصن الامان اللي الناس بيعشقوه... وجودت الملط صاحب تقارير المحاسبة اللي بيحترموه... او نجيب محفوظ الاديب القدير اللي كل العالم بيكرموه... او احمد زويل اللي رفع اسم بلادنا وفي كل الدنيا بيقدروه... او جنودنا البواسل اللي سهرانين على حدود البلد علشان يحموه... وشرطة بتحمي المواطن وتحرس امنه من غير ما يبهدلوه...!! المفارقات كثيرة وعجيبة في تكوين خلطة بهية... وبلاش تحاول تفهم وتفسر الامور وخذها زي ما هي... هي كده كلها على بعضها لذيذة وسبايسي وشهية... واشهى من خلطة كنتاكي وكل الخلطات الاميركية... لانها خلطة متحبشة ببهارات التاريخ والقيم الانسانية... وكل مكوناتها من ايام احمس ورمسيس صناعة محلية... خلطة مصنوعة بذكاء وفطرة رغم كل الحملات الاستعمارية...!! خلطة بهية هي سر بقاء المحروسة قوية وعفية... تلاقي فيها فساد وواسطة ومحسوبية... وجدعنه وفهلوه وشهامة ونفوس نقية... وناس بتاكل الزلط وبعيشتها راضية وناس بتلهط المهلبية... وناس عايشة بلامبالاة وناس بتحس بالمسؤولية... مش قلت لك مش حتلاقي زي خلطة بهية... خلطة محبوكه بالجدعنة والكرامة او بالقرع والملوخية... وتاكل بالهنا والشفا وتنسى مشاكلك اليومية... وبلاش تحاول تغير فيها لانها حتفضل زي ماهيه... تكوين عجيب غريب مغطى بطبقة هلامية... لا تعرف تحل شفرتها ولا تقدر تفك رموزها السرية...!! بهية خلطة سحرية متكونه مننا كلنا... تحس فيها بكل شيء فيه فرحنا او همنا... ساعات نشعر ان فيه امل وساعات اليأس يضمنا... تلاقي فيها الصالح والطالح واللي بيكرهنا او يحبنا... وتلاقي الشريف والعفيف او المرتشي اللي عاوز يضرنا... والصادق اللي عاوز يبنيها او المنافق اللي بيهدنا...!! زي ما قلت لك تلاقيها خلطة سبايسي ولذيذة... فيها كل المتناقضات لكن سبحان الله ظريفة...!! ممكن تلاقي طعمها ساعات يكون حادق وفيه شوية مذاذه... وساعات تلاقيه كله حلاوة وآخر لذاذه...!! لكن مهما كان طعمها حنرضى بيه كلنا... وحنكتب بحب ونحاول نضبط الخلطة ومش حيهمنا... لان بهية في الاول والآخر هي حبنا وشريان دمنا... وقبل كل ده مكتوب في شهادة الميلاد انها امنا...!! علشان كده حنبلع الخلطة بحلوها ومرها زي ماهيّ... وكله يهون علشان خاطر عيون بهية...!!
[email protected]
ايه رأيك لو ننسى الكلام في الامور السياسية... وبلاش نسمع راديو او نشوف قنوات فضائية... ولا نسأل عن ايه سبب مشاكلنا الاجتماعية... او ايه السر في معنى كلمة الاكتوارية... وايه الحكمة في توزيع صكوك الحكومة النقدية... ولا نتكلم عن بهدلة اولياء الامور في النظام الجديد للثانوية... ولا عن حجب استجوابات النواب تحت القبة البرلمانية... ولا قصور الخدمات والاداء في المستشفيات الحكومية... او سبب ارتفاع الاسعار رغم الازمة الاقتصادية... واسباب عدم العمل بتقارير جهاز المحاسبات و«الملط» الرقابية... علشان كدة تعالى ناخذ استراحة ونرتاح شوية... ونروح انت وانا في ساعة حظ منسية... ايه رأيك نروح على النيل في ساعة عصرية... نركب فلوكه وناخذ بنطة لحد المغربية... حتلاقي هناك النيل مع الهوا العليل عاملين خلطة سحرية... وبيصنعوا كوكتيل جميل ينسينا الهم والمسؤولية... وبعدين نروح عند «الجحش» ناكل فول وطعمية... مع دقة خل وثوم في خلطة جميلة وشهية... او نروح عند «الدهان» ناكل جوز حمام بالخلطة السرية... قلوب وكبد وكلاوي وحاجات من اللي هية... او عند «رفاعي» نتعشى كباب او كفتة مشوية... حتلاقي هناك خلطة من اللحوم والمشويات لذيذة وهنية... وبعدين نشرب عصير كوكتيل من «فرغلي» بخلطة الفواكه الطبيعية... او نروح عند «المالكي» ناكل رز باللبن او نطلب مهلبية... معمولة بخلطة مكسرات وقشطة طبيعية... بالذمة مش اي خلطة من دول تنسيك مشاكلك اليومية... لكن صدقني مهما لفيت وشفت مش حتشوف زي خلطة «بهية»... خلطة غريبة عجيبة مالهاش مثيل في الكرة الارضية... تلاقي فيها كل الخلطات وكل الاشكال مشوية ومقلية... ورغم كل اللي فيها تلاقيها صامدة وعفية... ومهما حاول معاها الزمن بتكون زي ما هي قوية...!! بلد بتلاقي فيها صوت الآذان واجراس الكنائس الناس بيسمعوه... ومسجد وكنيسة وناس بتسمع صوت الصلاة ويلبوه... وتلاقي المسلم والمسيحي مش عارفين يفرقوه... وناس بتسهر في بارات وملاهي حتى البوكر بيلعبوه... وناس تشقى طول اليوم علشان توفر ثمن عشا ياكلوه... وناس بتهبر وتلهط خير البلد وبينهبوه... وشوية عايشين جنب الحيط وحاملين هم بكره علشان بيخافوه... لا عارفين حيطلع عليهم نهار ولا الليل ازاي حيقضوه... وناس معاها ملايين والمال مش عارفين فين يصرفوه... وناس مش لاقية اللضى حتى الستر يا عيني فقدوه... واراضي للهوامير يبنوها والباقي بأغلى الاسعار يبيعوه... وناس بتدوّر على ضل حيطة علشان لحمهم يلموه... واعتصامات علشان كام سحتوت والموظف بيطنشوه... وضرائب وجباية على المواطن علشان يفرموه... وقضايا فرقعة اعلامية اكيد علشان يلهوه... وصحافيين بيطبلوا ويزمروا علشان المسؤول يرضوه... وناس بتكتب فضائح واكاذيب عالنظام عاوزين يغيروه... وقضايا مبيدات مسرطنة وصاحبها في الصفوف الامامية بيحترموه... وقروض من غير ضمان ومال الشعب قاعدين ينهبوه... وصاحبها بيمر بكل سهولة من الجوازات من غير ما يشوفوه... وعبّارة بتغرق في البحر ومواطن بيرموه للاسماك علشان ياكلوه... والفاعل هربان خدوه هيله بيله على بره وهربوه... وتلاقي ضابط بيضحي بعمره علشان يحمي مواطنة والبلطجية بيقتلوه... عمرك شفت واحد علشان اخلص في شغله يكرموه... او موظف بيراعي ربه وعمله يروحوا يكافئوه... مع ان ده الشيء الطبيعي اللي لازم يعملوه...!! وتلاقي سواحل بحرية على قد الشوف والسمك سعره فيها بيرفعوه... مرة يقولوا التجار ومرة يقولوا الشطار واللغز مش بيحلوه... وقطن طويل التيله قللوا زراعته والمصانع بيستوردوه... ومشروع ترعة السلام اللي ابتدوا فيه ولا قدروا يكملوه... ومشروع توشكى اللي اتوزعت اراضيه على الصفوة وسابوه ولا زرعوه... ومنافذ بحرية وجمارك خرافية والمسافر يبهدلوه... لا فيه تطوير ولا تنظيم بس شاطرين عالمغترب يهبروه... وقوانين مرور وغرامات عالمواطن من غير ما يفهموه... لا عارف فين اتجاه السير ولا عكس الاتجاه قاعدين يلخبطوه... حياه مخلوطه بخلطة عجيبة وسر مش قادرين يفهموه... لكن رغم كل السواد واللخبطة هناك شيء في الخلطة الناس بيحبوه... زي القضاء الرصين حصن الامان اللي الناس بيعشقوه... وجودت الملط صاحب تقارير المحاسبة اللي بيحترموه... او نجيب محفوظ الاديب القدير اللي كل العالم بيكرموه... او احمد زويل اللي رفع اسم بلادنا وفي كل الدنيا بيقدروه... او جنودنا البواسل اللي سهرانين على حدود البلد علشان يحموه... وشرطة بتحمي المواطن وتحرس امنه من غير ما يبهدلوه...!! المفارقات كثيرة وعجيبة في تكوين خلطة بهية... وبلاش تحاول تفهم وتفسر الامور وخذها زي ما هي... هي كده كلها على بعضها لذيذة وسبايسي وشهية... واشهى من خلطة كنتاكي وكل الخلطات الاميركية... لانها خلطة متحبشة ببهارات التاريخ والقيم الانسانية... وكل مكوناتها من ايام احمس ورمسيس صناعة محلية... خلطة مصنوعة بذكاء وفطرة رغم كل الحملات الاستعمارية...!! خلطة بهية هي سر بقاء المحروسة قوية وعفية... تلاقي فيها فساد وواسطة ومحسوبية... وجدعنه وفهلوه وشهامة ونفوس نقية... وناس بتاكل الزلط وبعيشتها راضية وناس بتلهط المهلبية... وناس عايشة بلامبالاة وناس بتحس بالمسؤولية... مش قلت لك مش حتلاقي زي خلطة بهية... خلطة محبوكه بالجدعنة والكرامة او بالقرع والملوخية... وتاكل بالهنا والشفا وتنسى مشاكلك اليومية... وبلاش تحاول تغير فيها لانها حتفضل زي ماهيه... تكوين عجيب غريب مغطى بطبقة هلامية... لا تعرف تحل شفرتها ولا تقدر تفك رموزها السرية...!! بهية خلطة سحرية متكونه مننا كلنا... تحس فيها بكل شيء فيه فرحنا او همنا... ساعات نشعر ان فيه امل وساعات اليأس يضمنا... تلاقي فيها الصالح والطالح واللي بيكرهنا او يحبنا... وتلاقي الشريف والعفيف او المرتشي اللي عاوز يضرنا... والصادق اللي عاوز يبنيها او المنافق اللي بيهدنا...!! زي ما قلت لك تلاقيها خلطة سبايسي ولذيذة... فيها كل المتناقضات لكن سبحان الله ظريفة...!! ممكن تلاقي طعمها ساعات يكون حادق وفيه شوية مذاذه... وساعات تلاقيه كله حلاوة وآخر لذاذه...!! لكن مهما كان طعمها حنرضى بيه كلنا... وحنكتب بحب ونحاول نضبط الخلطة ومش حيهمنا... لان بهية في الاول والآخر هي حبنا وشريان دمنا... وقبل كل ده مكتوب في شهادة الميلاد انها امنا...!! علشان كده حنبلع الخلطة بحلوها ومرها زي ماهيّ... وكله يهون علشان خاطر عيون بهية...!!
[email protected]
