حق المذيعة حبيبة العبدالله في برنامج «هلا تيم» على الفضائية الكويتية اللي يتم تصويره خارج الاستديو لمتابعة فعاليات وأنشطة البلاد، البنت وجهها بريء وحلو تعفسه بكمية مهولة من الماكياج مال السهرات، ولبسها حده ضيق ما يصلح للمحجبات وقوطي الروب تحت حجابها أكبر من جسمها كله، كما انها محتاجة لدورة تدريبية سنعة تعلمها أصول الاطلالة، فهي تسوي لقاءات مع الناس والكاميرا جايتها من ورا لتصوير المتكلم وكل ثانية تلتفت للكاميرا «شوووفووووني» وتضحك ضحكة هالوسع، واحنا الابرياء ما ندري شالسالفة !... منو قاعد يدلدغها.. كيع كااااع كووووووووع كركنكع...
نحلة