| د. سعيد فهمي (المصري افندي) |
/>فجأة ومن دون مقدمات، وبعد ان تمت اجراءات الاستقبال والتشريفات، ورغم كل السرية لمثل هذه الزيارات، وحالة الطوارئ الشديدة استعدادا لكبار الشخصيات، نزل طاووس القرن الواحد والعشرين، يتباهى وسط قواته وحرسه الجبار المتين، جاء يتفقد احوال المارينز والرعية، بعد ان شعلل المنطقة بأفعاله الغبية، وزرع فيها بذور الفتنة والطائفية، في العراق وافغانستان ومختلف ارجاء الكرة الارضية، وبعد ان فشل في كبح جماح التجارب الايرانية، او منع برنامجها لصنع القنبلة النووية، وايضا في كشف مخابئ بن لادن الجهنمية، او الامساك بالملا عمر في الاراضي الافغانية، وبعد ان سقط حزبه في الانتخابات الاميركية، وانهار اقتصاد بلاده بفضل خططه العبقرية، وفقد الآلاف من جنوده في معارك وهمية، وشفط فلوس المنطقة تحت دعوة الحماية الامنية، واوهم العالم بوجود اسلحة الدمار بالاراضي العراقية، رغم تصريحاته بفشل اجهزته الاستخباراتية، وانها جاءت بتقارير مطبوخة بالفتة والملوخية واوهمته يا عيني ان هناك شياطين اعداء للحرية، يمتلكون برنامجا نوويا واسلحة بيولوجية!
/>جاء ليودع جنوده وضحاياه، ويزور للمرة الاخيرة الارض اللي حرقها بخطاياه، من غير كسوف او اسف على جرائمه وسوء نواياه، جاء والبراءة واضحة في عينيه يا ولداه! وبعد ان تمت مراسم الاستقبال وابتدأت محادثات النفاق والاستهبال، والتي جاءت لتبارك اتفاقية ميزان الكرامة اللي مال ووثقت بنود الاتفاقية المريبة تحت مسمى الاستقلال واعطت ذريعة قانونية لقوات الاحتلال، في التحكم بالثروة النفطية بمنتهى الاستغلال.
/>خلاص وبعد ان تمت المحادثات، وجاء اوان الكلمات والتصريحات، وامتلأت بالصحافيين القاعات، وخرج زعيم الكون في قاعة التشريفات ليدلي بحديث مهم للصحف والمجلات، ووقف يهندم نفسه امام الحاضرين والحاضرات وعدسات القنوات الفضائية والكاميرات وفجأة وبلا مقدمات، حدث في الصورة والارسال شيء مريب، ورصدت الكاميرات جسم طائر غريب، يسير بسرعة رهيبة وبتصويب عجيب، متجها نحو رأس الطاووس من غير رقيب، ليرى الجميع مشهدا كوميديا رهيبا، ويكتشفون ان الجسم الطائر ما هو إلا جزمة طارت على رأس مستر بوش المهيب! حد كان ممكن يصدق كده انه تحصل ازمة، وصحافي يطلق سلاحه على زعيم الكون في صورة «جزمة» في مشهد كوميدي درامي لرئيس مالوش لازمة! وبسرعة انقض على الصحافي مجموعة من الجان، في صورة رجال امن ولزوم الامان، ليذيقوه ما لذ وطاب من الضربات في كل مكان، المسكين خلاص بقي في خبر كان! وبسرعة اختفى الصحافي وذاع الخبر في الفضائيات، وجلس الناس فرحانين في شماتة امام كل القنوات، يتابعون بنهم عجيب ما حدث بكل اللغات، وتسابق في التعليق عالخبر المشاهدين والمشاهدات، وجاءت تعليقاتهم طريفة مليئة بالشماتة والقفشات! يا عيني عليك يا مستر بوش، مش عارف انت ليه من اللي حصل مدهوش، ايه يعني «جزمة» حفرت في سمعتك خربوش، مش هي دي نهاية كل مغرور منفوش، ومكافأة اللي دم الضحايا على يديه منقوش، وكان فاكر ان طريق المجد بدم المسلمين مفروش!
/>عيبك يا مستر بوش انك مش بتقرأ التاريخ، وفاكر اننا امة استسلامية جابوها من المريخ، ونسيت انك صنعت بغبائك للارهاب معامل تفريخ، عايز تخلي الكون على مزاجك وتطيح في العالم من غير توبيخ! مستر بوش يا عيني ثقافته اميركية، ومش عارف حاجة عن حكاوي المقاومة العربية، ولا يعرف شيئا عن اسلحتها الشعبية، كان فاكر القتال بس بالاسلحة الالكترونية، ونسي ان هناك اسلحة كتيرة بدائية، زي الطوب والحجارة في ملحمة الانتفاضة الفلسطينية، او سكين غرسها سليمان الحلبي في صدر زعيم الجيوش الفرنسية، او قبقاب ماتت بسببه شجرة الدر من ضرتها المفترية! المستر بوش نسي ضرب «الجزمة» والبهدلة، وفكره بقى مشوش وعينيه آخر زغللة! وراح يسأل نفسه هي فين المنظومة الامنية، وفين القواعد والرادارات وقوات المارينز القتالية، وطائرات الشبح واطباق التصنت في المدارات الفضائية، وازاي العرب يخترعوا سلاح جديد غير مرصود للاجهزة الاستخبارية، اكيد فيه قواعد لصناعة «الجزم» الطائرة في البلاد الاسلامية، اخيرا يا عم بوش اكتشفت سر اسلحة الدمار الشامل العربية! لكن يا عيني مش حاتلحق ترجع كرامتك وتغير الاستراتيجية، ولا عندك وقت تكدب كدبة جديدة وتوهم البشرية، وتدعي ان بلادنا المسكينة مليانة اسلحة دمار شامل وجماعات ارهابية! لكن مش عارف ليه احنا العرب كنا بالخبر مبسوطين، مش مصدقين اللي حصل وكتير كنا شمتانين، وخرجت البيانات والمظاهرات مؤيدين، وكأننا غيرنا الكون ونسينا هزائمنا وبقينا منتصرين! واللي قال ان «الجزمة» ابلغ من اي كلام، وان هي اللي ها تفرض على اعدائنا الاستسلام، وان الجزمة استردت كرامتنا من براثن اللئام خلاص «الجزمة» حلت لينا المشكلة، خلاص حنعيش بكرامة من غير انكسار او بهدلة، بالذمة مش تفسيرنا للاحداث بقي آخر مهزلة! خلاص اتخلصنا من الكبت اللي جوانا، خلاص «الجزمة» حلت عقدنا اللي عايشة معانا، ونسينا المواطن اللي بينداس بالجزمة من مسؤولين عايشة ويانا الله يخليكم خلونا ننسى همنا، وخلونا في موضوع الراجل اللي انضرب بالجزمة على ارضنا، وبدل ما يستقبلوه بالورد اتبهدل يا عيني وسطنا، اتاريه كان جاي ياخذ نهاية خدمته من لحمنا ودمنا، واتاري كمان صعب حد يضحك علينا كلنا، لأن فيه اكيد ناس فينا مش بتفكر زينا، وفيه كمان ناس لسة فيها اللي بقي غايب عننا، زي الكرامة والنخوة اللي مش موجودة في قاموس زماننا وعصرنا! معلش يا مستر بوش احنا مش آسفين، ويا ريت ما تنساش اللي حصل لك على مر السنين، ويا ريت لما تروح في حتة وتقعد مع ناس مهمين، تخليهم يمنعون المؤتمرات الصحافية او يقابلوك حافيين، او ترسل بوارجك اللي في البحر دايما واقفين، علشان تبحث عن سر سلاح «الجزمة» اللعين، واللي خلاك في وضع بائس درامي مهين! هي دي مكافأة نهاية الخدمة يا عم بوش عندنا، فضيحة وقلة قيمة وكمان «الجزمة»، ارجوك ابعد عننا! صدقني انت في بلادنا خلاص مالكش لازمة، وان نسيت اللي حصل اوعى تنسى «الجزمة»!
/>said_elmasryfahmy@hotmail.com
/>
/>فجأة ومن دون مقدمات، وبعد ان تمت اجراءات الاستقبال والتشريفات، ورغم كل السرية لمثل هذه الزيارات، وحالة الطوارئ الشديدة استعدادا لكبار الشخصيات، نزل طاووس القرن الواحد والعشرين، يتباهى وسط قواته وحرسه الجبار المتين، جاء يتفقد احوال المارينز والرعية، بعد ان شعلل المنطقة بأفعاله الغبية، وزرع فيها بذور الفتنة والطائفية، في العراق وافغانستان ومختلف ارجاء الكرة الارضية، وبعد ان فشل في كبح جماح التجارب الايرانية، او منع برنامجها لصنع القنبلة النووية، وايضا في كشف مخابئ بن لادن الجهنمية، او الامساك بالملا عمر في الاراضي الافغانية، وبعد ان سقط حزبه في الانتخابات الاميركية، وانهار اقتصاد بلاده بفضل خططه العبقرية، وفقد الآلاف من جنوده في معارك وهمية، وشفط فلوس المنطقة تحت دعوة الحماية الامنية، واوهم العالم بوجود اسلحة الدمار بالاراضي العراقية، رغم تصريحاته بفشل اجهزته الاستخباراتية، وانها جاءت بتقارير مطبوخة بالفتة والملوخية واوهمته يا عيني ان هناك شياطين اعداء للحرية، يمتلكون برنامجا نوويا واسلحة بيولوجية!
/>جاء ليودع جنوده وضحاياه، ويزور للمرة الاخيرة الارض اللي حرقها بخطاياه، من غير كسوف او اسف على جرائمه وسوء نواياه، جاء والبراءة واضحة في عينيه يا ولداه! وبعد ان تمت مراسم الاستقبال وابتدأت محادثات النفاق والاستهبال، والتي جاءت لتبارك اتفاقية ميزان الكرامة اللي مال ووثقت بنود الاتفاقية المريبة تحت مسمى الاستقلال واعطت ذريعة قانونية لقوات الاحتلال، في التحكم بالثروة النفطية بمنتهى الاستغلال.
/>خلاص وبعد ان تمت المحادثات، وجاء اوان الكلمات والتصريحات، وامتلأت بالصحافيين القاعات، وخرج زعيم الكون في قاعة التشريفات ليدلي بحديث مهم للصحف والمجلات، ووقف يهندم نفسه امام الحاضرين والحاضرات وعدسات القنوات الفضائية والكاميرات وفجأة وبلا مقدمات، حدث في الصورة والارسال شيء مريب، ورصدت الكاميرات جسم طائر غريب، يسير بسرعة رهيبة وبتصويب عجيب، متجها نحو رأس الطاووس من غير رقيب، ليرى الجميع مشهدا كوميديا رهيبا، ويكتشفون ان الجسم الطائر ما هو إلا جزمة طارت على رأس مستر بوش المهيب! حد كان ممكن يصدق كده انه تحصل ازمة، وصحافي يطلق سلاحه على زعيم الكون في صورة «جزمة» في مشهد كوميدي درامي لرئيس مالوش لازمة! وبسرعة انقض على الصحافي مجموعة من الجان، في صورة رجال امن ولزوم الامان، ليذيقوه ما لذ وطاب من الضربات في كل مكان، المسكين خلاص بقي في خبر كان! وبسرعة اختفى الصحافي وذاع الخبر في الفضائيات، وجلس الناس فرحانين في شماتة امام كل القنوات، يتابعون بنهم عجيب ما حدث بكل اللغات، وتسابق في التعليق عالخبر المشاهدين والمشاهدات، وجاءت تعليقاتهم طريفة مليئة بالشماتة والقفشات! يا عيني عليك يا مستر بوش، مش عارف انت ليه من اللي حصل مدهوش، ايه يعني «جزمة» حفرت في سمعتك خربوش، مش هي دي نهاية كل مغرور منفوش، ومكافأة اللي دم الضحايا على يديه منقوش، وكان فاكر ان طريق المجد بدم المسلمين مفروش!
/>عيبك يا مستر بوش انك مش بتقرأ التاريخ، وفاكر اننا امة استسلامية جابوها من المريخ، ونسيت انك صنعت بغبائك للارهاب معامل تفريخ، عايز تخلي الكون على مزاجك وتطيح في العالم من غير توبيخ! مستر بوش يا عيني ثقافته اميركية، ومش عارف حاجة عن حكاوي المقاومة العربية، ولا يعرف شيئا عن اسلحتها الشعبية، كان فاكر القتال بس بالاسلحة الالكترونية، ونسي ان هناك اسلحة كتيرة بدائية، زي الطوب والحجارة في ملحمة الانتفاضة الفلسطينية، او سكين غرسها سليمان الحلبي في صدر زعيم الجيوش الفرنسية، او قبقاب ماتت بسببه شجرة الدر من ضرتها المفترية! المستر بوش نسي ضرب «الجزمة» والبهدلة، وفكره بقى مشوش وعينيه آخر زغللة! وراح يسأل نفسه هي فين المنظومة الامنية، وفين القواعد والرادارات وقوات المارينز القتالية، وطائرات الشبح واطباق التصنت في المدارات الفضائية، وازاي العرب يخترعوا سلاح جديد غير مرصود للاجهزة الاستخبارية، اكيد فيه قواعد لصناعة «الجزم» الطائرة في البلاد الاسلامية، اخيرا يا عم بوش اكتشفت سر اسلحة الدمار الشامل العربية! لكن يا عيني مش حاتلحق ترجع كرامتك وتغير الاستراتيجية، ولا عندك وقت تكدب كدبة جديدة وتوهم البشرية، وتدعي ان بلادنا المسكينة مليانة اسلحة دمار شامل وجماعات ارهابية! لكن مش عارف ليه احنا العرب كنا بالخبر مبسوطين، مش مصدقين اللي حصل وكتير كنا شمتانين، وخرجت البيانات والمظاهرات مؤيدين، وكأننا غيرنا الكون ونسينا هزائمنا وبقينا منتصرين! واللي قال ان «الجزمة» ابلغ من اي كلام، وان هي اللي ها تفرض على اعدائنا الاستسلام، وان الجزمة استردت كرامتنا من براثن اللئام خلاص «الجزمة» حلت لينا المشكلة، خلاص حنعيش بكرامة من غير انكسار او بهدلة، بالذمة مش تفسيرنا للاحداث بقي آخر مهزلة! خلاص اتخلصنا من الكبت اللي جوانا، خلاص «الجزمة» حلت عقدنا اللي عايشة معانا، ونسينا المواطن اللي بينداس بالجزمة من مسؤولين عايشة ويانا الله يخليكم خلونا ننسى همنا، وخلونا في موضوع الراجل اللي انضرب بالجزمة على ارضنا، وبدل ما يستقبلوه بالورد اتبهدل يا عيني وسطنا، اتاريه كان جاي ياخذ نهاية خدمته من لحمنا ودمنا، واتاري كمان صعب حد يضحك علينا كلنا، لأن فيه اكيد ناس فينا مش بتفكر زينا، وفيه كمان ناس لسة فيها اللي بقي غايب عننا، زي الكرامة والنخوة اللي مش موجودة في قاموس زماننا وعصرنا! معلش يا مستر بوش احنا مش آسفين، ويا ريت ما تنساش اللي حصل لك على مر السنين، ويا ريت لما تروح في حتة وتقعد مع ناس مهمين، تخليهم يمنعون المؤتمرات الصحافية او يقابلوك حافيين، او ترسل بوارجك اللي في البحر دايما واقفين، علشان تبحث عن سر سلاح «الجزمة» اللعين، واللي خلاك في وضع بائس درامي مهين! هي دي مكافأة نهاية الخدمة يا عم بوش عندنا، فضيحة وقلة قيمة وكمان «الجزمة»، ارجوك ابعد عننا! صدقني انت في بلادنا خلاص مالكش لازمة، وان نسيت اللي حصل اوعى تنسى «الجزمة»!
/>said_elmasryfahmy@hotmail.com
/>