البارحـة ساهـر والدمـع يجـري
/>والقلب حزن علـى فرقـى حبيبـه
/>كريـم يابـارق ينـوض حــدري
/>واللي سرى بالغداري يقتـدي بـه
/>والى ضـرب وادي خـلاه يجـري
/>عسى طروش البوادي ترتوي بـه
/>متخفي لابـس لـه بشـت بـدري
/>حسبي على البشت واللي غرني به
/>يامدرج الساق حالي منـك مبـري
/>بـري النجاجيـر عيـدان صليبـه
/>ابـو قـرون تغـذى بالشمطـري
/>مثل السفايف على كـور النجيبـه
/>ابو عيـون الـى دلـت تخـزري
/>ترمي بالاسباب ويل اللـي تصيبـه
/>ابـو خديـد يشـادي نجـم فجـري
/>والا القمـر لاانتحى يبغـي مغيبـه
/>ابو نهيـد كمـا الفنجـال زبـري
/>ويمزع الثوب مـن حـال غصيبـه
/>ياليتنـي عالـم بالغـيـب وادري
/>عن غض الانهاد من هو من نصيبه
/>ياليتنـي حايـف ويقـال خبـري
/>انهب صخيف الحشا ثم اغدي بـه
/>من طاب لي طبت له والكل يـدري
/>واللي يتغلي علينـا وش نبـي بـه
/>ان مت حطوا بدرب البيض قبـري
/>تكفون حطوا على قبـري نصيبـه
/>يا من يرد الحبيب وياخـذ اجـري
/>قفـا بـلا سبـة ربـي حسيـبـه
/>ماقدر الله على المخلـوق يجـري
/>والعبد لزما تـرى ياخـذ نصيبـه
/>وا قو ما صابنـي وا قـو صبـري
/>لعـل مـا صابنـي منـه يصيبـه
/>يا الله طلبنـاك مغنـي كـل فقـري
/>كـل علـى قد حالـه تعتنـي بــه
/>|شعر: سليمان بن شريم|
/>