ترحل وتستكثر عليه موادعك
كنك تخاف موادعي لك يجيبك
اقراك واتمك واحفظك واراجعك
تموت ماودك تفارق حبيبك
أغسل همومك والجروح ابمدامعك
لا تجعل الاحباط لحظة يصيبك
الحب يستاهل وانا خلني معك
في بالك ولا تفكر اني اسيبك
شفني أحبك وانته هناك سامعك
واضم طيفك والفضا ريح طيبك
كني معك من وين ما رحت اتابعك
واعد خطواتك خفا واعتنيبك
وحاول اني قدر الامكان امنعك
عن شي يسبب كدرك ونحيبك
ياللي ارتوى كل الحيا من منابعك
والزين يبداك وكبر ينتهيبك
كم لي وانا مع مر الايام جايعك
وشبعت من جور الظروف ولهيبك
واذا ان صوتي يسمعنه مسامعك
متى... بتشرق تهت انا من مغيبك
ذعار الديري