بثت فضائية «الحياة» المصرية، مقطعا صوتيا مسجلا، دار بين الرئيس المعزول محمد مرسي ورئيس هيئة الدفاع عنه محمد سليم العوا، عن طلب الرئيس السابق أموالا لينفق منها، في محبسه داخل سجن برج العرب، وأنه سأل عن أسباب ترقية وزير الدفاع عبد الفتاح السيسي إلى رتبه المشير في هذا التوقيت.وجاء في الحوار الذي لم تذكر الفضائية كيف حصلت عليه، أنه سأل عن أخبار البلد وأحوالها، وأنه ردد مرات عدة أن الجيش يمكن أن ينقلب على السيسي.وفي ما يلي نص الحوار:• مرسي: قولي على أخبار الدنيا، ملخص سريع كده.- العوا: الدنيا كويسة، لا بأس بها، الناس كلها مشغولة، بالانتخابات الجديدة، آه الصور ملت الشوارع، والتظاهرات موجودة في كل المدن وكل القرى في الليل كل يوم والمصادمات ما بتتوقفش، لكن ده كله ملوش نتيجة، نحن في عمل غير منتج، العمل المنتج حاجة تانية، لازم الناس تقعد وتتكلم وتصل إلى حل، من دون الوصول إلى حل يا دكتور محمد ما فيش فايدة.• مرسي: ما فيش فايدة من ناحيتين.- العوا: من ناحيتين طبعا.• مرسي: مش كده ولا إيه؟- العوا : أيوه ما أنا بقول ما فيش فايدة من الناحيتين بالنسبة لمصر، الحقيقة أنا مش هممني مين ولا مين أنا لا هاممني إخوان، ولا هاممني المشير السيسي دلوقتي، أنا هاممني البلد... البلد بتضيع.• مرسي: وهو رقى نفسه لمشير ليه دلوقتي؟- العوا: لأ ده اللي رقاه المستشار عدلي منصور.• مرسي: لأ بغض النظر.- العوا: عشان يبقى حد آخر حاجة في العسكرية يعني.• مرسي: علشان لما يبقى رئيس يبقى ما فيش حد أقدم منه؟ولا علشان ميبقاش أنا اللي عملته؟- العوا: متبقاش إنت اللي عملته، ويبقى قائد أعلى بجد وبحق وحقيقي، دي كلها اعتبارات مهمة يعني.• مرسي: وهو عايز يبقى رئيس فعلا.- العوا: هيبقى إن شاء الله.• مرسي: هيسيب الجيش؟.- العوا: آه.• مرسي: مش خايف من انقلاب.- العوا: لا ما خلاص ما هو هيبقى القائد الأعلى هو حسني مبارك ساب الجيش أو الرئيس انور السادات الله يرحمه ساب الجيش.• مرسي: هيعملوا عليه انقلاب؟- العوا: لا• مرسي: ما هو اللي بينقلب بيُنقلب عليه، إنت مش فاكر وفيه نقطة أنا عايز حضرتك تتكلم فيها، مش عارف رئيس المحكمة مين، أنا محتاج فلوس في الأمانات، فدلوقتي معنديش زيارات، لا محامين، ولا أهل.- العوا: والفلوس دي لازم تدفع خلال زيارات، والا إيه؟• مرسي: أنا معرفش يعني دلوقتي أنا محتاج يبقى في حسابي فلوس عشان أعيش، ومفيش حوالة جت.والمرة اللي فاتت أنا قولتلهم لما كنا هنا كان يوم الثلاثاء، قالوا هنبعت بكره، اللي هو الأربعاء، قالوا هتوصل في نفس اليوم.- العوا: طب دلوقتي هاسأل المحامين مين اللي عمل كده.• مرسي: ما حنا عايزين نشوفلها حل وإلا إذا انتوا تجيبوا فلوس قدام القاضي وتدوها لحد من الضباط، يعني قصدي نعمل إجراء، ما ينفعش فلوسي اللي في الأمانات تخلص.- العوا: لأ ما ينفعشمرسي: لأن إحنا لينا مصاريف، واخد بالك، ومصلحة السجون لها...العوا: أيوه طبعا لها قواعد ونظم وأسس، مش هيصرفوا على محبوس احتياطيا على حسابهم.• مرسي: مش هيصرفوا علينا يعني- العوا: طبعا لأ دي نخلصها دلوقت إن شاء الله يا مع الدايرة، يا مع مصلحة السجون نفسها، نبعت حد.