يالله يا جالي الأمور المهمة
تجلي وهج قلبٍ برا حال راعية
البر دجته والبحر رحت يمه
يقطعك يا حظٍ على الله مساعيه
يوم ان ولد اللاش رزقه على أمه
رزقي على اللي ميت القشع يحييه
يا مل قلبٍ كل ما مات همه
دارت دواليب الدهر لين تحييه
فراق شمل الناس عيا يلمه
وقتٍ يشيب الراس من شايةٍ فيه
احدٍ ينام وحط راسه بكمه
و احدٍ تخم النوم عينه وتخطيه
واحدٍ يحاول بالردى بنت عمه
واحدٍ يحاول ستر عذراء عوانيه
ماني وانا بندر ببياع دمه
يقطعك يا بياع دمه ومهفيه
اللي يبيع لابسات الأزمه
ثورٍ يبي بيض الرعابيب تغنيه
يزعل ليا جت ليلة الدور يمه
يرضى بسوق المال فخوه وفابيه
خطو البخيل اللي يكبر معمه
يقرا الكتاب وواجب الله يخليه
اما هرج لك في رفيقه بنمه
ولا عطى وأمه تضيع هقاويه
انشدك ياللي كل فرضٍ تتمه
تقرا الكتاب وكل فرضٍ تصليه
ويش القليب اللي غميقٍ مجمه
ما فاد غرسه ماه عطشٍ سوانيه
تخالف الانظار شرقٍ ويمه
وكلٍّ هدف رأيه من الناس مرضيه
سَم السبب يا عارفٍ عنه سمه
سَم السبب يا عارفه قبل اسميه
شعر: بندر بن سرور
تجلي وهج قلبٍ برا حال راعية
البر دجته والبحر رحت يمه
يقطعك يا حظٍ على الله مساعيه
يوم ان ولد اللاش رزقه على أمه
رزقي على اللي ميت القشع يحييه
يا مل قلبٍ كل ما مات همه
دارت دواليب الدهر لين تحييه
فراق شمل الناس عيا يلمه
وقتٍ يشيب الراس من شايةٍ فيه
احدٍ ينام وحط راسه بكمه
و احدٍ تخم النوم عينه وتخطيه
واحدٍ يحاول بالردى بنت عمه
واحدٍ يحاول ستر عذراء عوانيه
ماني وانا بندر ببياع دمه
يقطعك يا بياع دمه ومهفيه
اللي يبيع لابسات الأزمه
ثورٍ يبي بيض الرعابيب تغنيه
يزعل ليا جت ليلة الدور يمه
يرضى بسوق المال فخوه وفابيه
خطو البخيل اللي يكبر معمه
يقرا الكتاب وواجب الله يخليه
اما هرج لك في رفيقه بنمه
ولا عطى وأمه تضيع هقاويه
انشدك ياللي كل فرضٍ تتمه
تقرا الكتاب وكل فرضٍ تصليه
ويش القليب اللي غميقٍ مجمه
ما فاد غرسه ماه عطشٍ سوانيه
تخالف الانظار شرقٍ ويمه
وكلٍّ هدف رأيه من الناس مرضيه
سَم السبب يا عارفٍ عنه سمه
سَم السبب يا عارفه قبل اسميه
شعر: بندر بن سرور