| د. سعيد فهمي* |
/>أرجوك اقرأ كلامي بجد لأن خلاص فات وقت اللعب والهزار... الوطن في حالة مخاض ومحتاج للجميع وكل واحد فينا مسؤول ولازم يختار... الوطن بقى زي الأرض المحروثة بتتقلب بالمحراث اللي خلي دود الأرض يطلع علينا ويتوغل بتوحش ويطرح وباء بدل الفاكهة والخضار... دود الأرض بلبع الخير كله وبقى زي الجراد ينهش في كل مكان وساب الخراب لينا ولهط وحده الثمار... دود الأرض جرَّف الأرض كلها وطفش أهاليها وزوارها وخلاَّها أرض الخوف بعد ما كانت بلد أمن وأمان وللعالم واحة وفنار... اللي بيحصل في بلدنا محتاج تفكير بجد وبدون انحياز لحاكم أو معارض لأن كل الشواهد تثير البلبلة وتهدد الاستقرار... بلدنا بتنقسم والكل مصمم على العناد وكل الطرق في الساحة واخدانا للصدام والانهيار... الصورة ظاهرة وواضحة فصيل حاكم لا بيسمع ولا بيشوف وفصيل معارض بيعاند ويكابر ويقاطع باصرار... والضحية بلد بقى طعمه ماسخ من غير هوية مسلوب الارادة والطموح واتسرسبت ثورته واتلهطت كده عيني عينك في عز النهار... خلاص مفيش حاجة بقت تفتح النفس ولا عاد فيه أمل قريب طالما كل الطرق بقت مسدودة والوضع تقريبا بقى شبه منهار... اقتصاد متهالك وسياحة مضروبة وعيون علينا مرصودة وبطالة غير مسبوقة وفصيل بيلهط الوظائف لأتباعه بلا مبالاة لمشاعر ملايين العاطلين اللي قاعدين عالقهاوي يا عيني في حسرة وانتظار... برود المشاعر وسوء النوايا خلّي كل الفصائل في حالة تربص للآخر والكل واقف للتاني على الهفوة ولدمار الآخر في انتظار... ومكابرة ومعاندة ونفي وتأكيد للخبر من كل فريق والكل بيلف ويدور وسايبين البلد رايحة في داهية يعني ببساطة بتنهار... علشان كده صعب علينا نكتم الصوت أو نغطي عيوننا وندلدل وداننا وتبقى لينا ليَّة زيّ الخروف أو بديل زي الحمار... الأداء الهزيل للمسؤولين عن البلاد واضح للجميع من أول الصراع السياسي حتى رغيف العيش والبطالة وانهيار البورصة وأزمة السولار... التناحر والتنافس البغيض وعدم الثقة وغياب هيبة الحكم وضمور الانتماء للوطن بذور شيطانية بتطرح علينا كل يوم صراع وبتولَّع الدنيا نار... عاوز تشوف احنا بقينا فين واحنا بقينا ايه ومصر بقت ايه في عصر الجماعة روح شوف ترتيبنا الأمني والاقتصادي وشوف سعر الدولار... روح وشوف انفلات السوق ومافيا التجارة وارتفاع غير مسبوق للأسعار... بالذمة بلدي بلد النور والأمن أم الدنيا تبقى على آخر الزمن فريسة لمافيا المتأسلمين والمنتفعين اللي نهشوا البلد في الحكم والتجارة بأسلوب بقالة وشطارة التجار... روح شوف سبق الاصرار والترصد برجال الأعمال فالكل خائن وعميل والكل مُدان بالشبهات وسلم لي عالاستثمار... للأسف كأس حنضل وبنشربه غصب عننا والسبب الفذلكة والليمونة اياها وسوء الاختيار... الله يرحمك يا استيفان يا روستي لمَّا قلت اخترت يافالح أُسفخس عليك وعلى اللي عرفك الصندوق وخليت اللي يتحكم فينا مرءوس وبقال وسمسار... !! علشان تبقى مؤمن لازم تكون واثق ان مصر بلدك هي الوحيدة المذكورة في القرآن ... «ادخلوها ان شاء الله آمنين» قَول حق وفصل لكن للأسف تجاهلته طيور الظلام وبلد الأمن ضاع منه خلاص الأمان... مسلمون وفي الواقع متأسلمين وأشد أعداء الوطن والمواطن وجفاء وتجاهل ويقولوا قال ايه أنهم لينا اخوان... وطني بلد الخير والليل والجمال والسهرة الحلوة والضحكة الصافية والنكتة النادرة أصابها فيروس غريب غادر جبان... بقينا في زمن البخس وضاع الأمن والأمان والدليل لجان شعبية تقتل وتصلب الخارجين عن القانون بدلا من تسليمهم للشرطة في كل مكان... بقينا في زمن سمك لبن تمر هندي والدليل توزيع اختصاصات الدولة لأهل الثقة وشفنا سفر الحداد للبرلمان الأوروبي بعد وقف المساعدات وكأن مفيش وزير خارجية أو اقتصاد يتفاوض مع الأوروبيين والأمريكان... خلاص اقتصادنا بقى عايش بطريقة عشانا عليك يا رب وحسنة أو قرض يا محسنين ومنحة قليلة تستر بلاوي كثيرة أو متأسلم عريان... يا ترى ايه اللي خلانا كده ومين اللي وصلنا لخراب الذمة والضمير وخلانا مشتاقين للأمان... ملعون أبو القهر على التدليس على اللي عاوز يرجّع لينا فرعون من جديد وزبانيه من جماعات هامان... أرض المحروسة معقول تبقى أرض الخوف يسرح فيها الغراب والبوم ويمرح فيها البلتجي واللي عامل فيها شاطر واللي مسور بواحد من الضمير عريان... أرض العزة والكرامة مش ممكن تبقى مرتع للفوضى وحصن للعميل والمتآمر واللي باع واللي خان... مين قال بلد المُعز وأرض الأنبياء والأهرامات والنيل تعيش زي السبايا لقطيع مجهول النسب والأصل موطنه الأصلي قاع السراديب في الليمان... الساكت عن الحق شيطان أخرس والساكت عن فوضى المحروسة آثم ومجرم وجبان... نفديك يا وطن بالروح والدم مين قال مهما كان التيار شديد علينا ان الوطن علينا هان... !! أرض المحروسة مش حتبقى أرض الخوف مهما كان المشهد ومش ممكن علينا تهون... اللي حيفرط في أمن بلدنا يبقى مش مننا مفيش حد فينا عميل ولا مجنون... مصر حتفضل مصر مهما غزاها الجراد أو حتى فصيل بالسلطة مهووس ومفتون... مصر حتعيش أرض أمان مش أرض خوف مهما كان مخطط العم سام وحلفاؤه من المتأسلمين وتلاميذ صهيون... يمكن عواد باع أرضه صحيح لكن احنا مش حنبيع يا سيد الارشاد مهما كان ومهما يحصل ويكون... فاهم مش حنبيع واخبط دماغك في الحيط أو حتى روح وأذِن للصبح في طولون... خلاص الكيل فاض والشعب منتظر أول بيان في أول نشرة أو في حتى حدوتة قبل النوم أو برنامج مايطلبه المستمعون... هو ده القرار والاختيار وهو ده الشيء الوحيد اللي ممكن في سبيله كل شيء يهون... خلاص فاضل على الحلو دقة وكل شيء حييجي وحناخد حقنا بالحق والاصرار وصحيفة السوابق وكله بالقانون... آي والله صحيفة السوابق والقانون...!!
/>
/>أرجوك اقرأ كلامي بجد لأن خلاص فات وقت اللعب والهزار... الوطن في حالة مخاض ومحتاج للجميع وكل واحد فينا مسؤول ولازم يختار... الوطن بقى زي الأرض المحروثة بتتقلب بالمحراث اللي خلي دود الأرض يطلع علينا ويتوغل بتوحش ويطرح وباء بدل الفاكهة والخضار... دود الأرض بلبع الخير كله وبقى زي الجراد ينهش في كل مكان وساب الخراب لينا ولهط وحده الثمار... دود الأرض جرَّف الأرض كلها وطفش أهاليها وزوارها وخلاَّها أرض الخوف بعد ما كانت بلد أمن وأمان وللعالم واحة وفنار... اللي بيحصل في بلدنا محتاج تفكير بجد وبدون انحياز لحاكم أو معارض لأن كل الشواهد تثير البلبلة وتهدد الاستقرار... بلدنا بتنقسم والكل مصمم على العناد وكل الطرق في الساحة واخدانا للصدام والانهيار... الصورة ظاهرة وواضحة فصيل حاكم لا بيسمع ولا بيشوف وفصيل معارض بيعاند ويكابر ويقاطع باصرار... والضحية بلد بقى طعمه ماسخ من غير هوية مسلوب الارادة والطموح واتسرسبت ثورته واتلهطت كده عيني عينك في عز النهار... خلاص مفيش حاجة بقت تفتح النفس ولا عاد فيه أمل قريب طالما كل الطرق بقت مسدودة والوضع تقريبا بقى شبه منهار... اقتصاد متهالك وسياحة مضروبة وعيون علينا مرصودة وبطالة غير مسبوقة وفصيل بيلهط الوظائف لأتباعه بلا مبالاة لمشاعر ملايين العاطلين اللي قاعدين عالقهاوي يا عيني في حسرة وانتظار... برود المشاعر وسوء النوايا خلّي كل الفصائل في حالة تربص للآخر والكل واقف للتاني على الهفوة ولدمار الآخر في انتظار... ومكابرة ومعاندة ونفي وتأكيد للخبر من كل فريق والكل بيلف ويدور وسايبين البلد رايحة في داهية يعني ببساطة بتنهار... علشان كده صعب علينا نكتم الصوت أو نغطي عيوننا وندلدل وداننا وتبقى لينا ليَّة زيّ الخروف أو بديل زي الحمار... الأداء الهزيل للمسؤولين عن البلاد واضح للجميع من أول الصراع السياسي حتى رغيف العيش والبطالة وانهيار البورصة وأزمة السولار... التناحر والتنافس البغيض وعدم الثقة وغياب هيبة الحكم وضمور الانتماء للوطن بذور شيطانية بتطرح علينا كل يوم صراع وبتولَّع الدنيا نار... عاوز تشوف احنا بقينا فين واحنا بقينا ايه ومصر بقت ايه في عصر الجماعة روح شوف ترتيبنا الأمني والاقتصادي وشوف سعر الدولار... روح وشوف انفلات السوق ومافيا التجارة وارتفاع غير مسبوق للأسعار... بالذمة بلدي بلد النور والأمن أم الدنيا تبقى على آخر الزمن فريسة لمافيا المتأسلمين والمنتفعين اللي نهشوا البلد في الحكم والتجارة بأسلوب بقالة وشطارة التجار... روح شوف سبق الاصرار والترصد برجال الأعمال فالكل خائن وعميل والكل مُدان بالشبهات وسلم لي عالاستثمار... للأسف كأس حنضل وبنشربه غصب عننا والسبب الفذلكة والليمونة اياها وسوء الاختيار... الله يرحمك يا استيفان يا روستي لمَّا قلت اخترت يافالح أُسفخس عليك وعلى اللي عرفك الصندوق وخليت اللي يتحكم فينا مرءوس وبقال وسمسار... !! علشان تبقى مؤمن لازم تكون واثق ان مصر بلدك هي الوحيدة المذكورة في القرآن ... «ادخلوها ان شاء الله آمنين» قَول حق وفصل لكن للأسف تجاهلته طيور الظلام وبلد الأمن ضاع منه خلاص الأمان... مسلمون وفي الواقع متأسلمين وأشد أعداء الوطن والمواطن وجفاء وتجاهل ويقولوا قال ايه أنهم لينا اخوان... وطني بلد الخير والليل والجمال والسهرة الحلوة والضحكة الصافية والنكتة النادرة أصابها فيروس غريب غادر جبان... بقينا في زمن البخس وضاع الأمن والأمان والدليل لجان شعبية تقتل وتصلب الخارجين عن القانون بدلا من تسليمهم للشرطة في كل مكان... بقينا في زمن سمك لبن تمر هندي والدليل توزيع اختصاصات الدولة لأهل الثقة وشفنا سفر الحداد للبرلمان الأوروبي بعد وقف المساعدات وكأن مفيش وزير خارجية أو اقتصاد يتفاوض مع الأوروبيين والأمريكان... خلاص اقتصادنا بقى عايش بطريقة عشانا عليك يا رب وحسنة أو قرض يا محسنين ومنحة قليلة تستر بلاوي كثيرة أو متأسلم عريان... يا ترى ايه اللي خلانا كده ومين اللي وصلنا لخراب الذمة والضمير وخلانا مشتاقين للأمان... ملعون أبو القهر على التدليس على اللي عاوز يرجّع لينا فرعون من جديد وزبانيه من جماعات هامان... أرض المحروسة معقول تبقى أرض الخوف يسرح فيها الغراب والبوم ويمرح فيها البلتجي واللي عامل فيها شاطر واللي مسور بواحد من الضمير عريان... أرض العزة والكرامة مش ممكن تبقى مرتع للفوضى وحصن للعميل والمتآمر واللي باع واللي خان... مين قال بلد المُعز وأرض الأنبياء والأهرامات والنيل تعيش زي السبايا لقطيع مجهول النسب والأصل موطنه الأصلي قاع السراديب في الليمان... الساكت عن الحق شيطان أخرس والساكت عن فوضى المحروسة آثم ومجرم وجبان... نفديك يا وطن بالروح والدم مين قال مهما كان التيار شديد علينا ان الوطن علينا هان... !! أرض المحروسة مش حتبقى أرض الخوف مهما كان المشهد ومش ممكن علينا تهون... اللي حيفرط في أمن بلدنا يبقى مش مننا مفيش حد فينا عميل ولا مجنون... مصر حتفضل مصر مهما غزاها الجراد أو حتى فصيل بالسلطة مهووس ومفتون... مصر حتعيش أرض أمان مش أرض خوف مهما كان مخطط العم سام وحلفاؤه من المتأسلمين وتلاميذ صهيون... يمكن عواد باع أرضه صحيح لكن احنا مش حنبيع يا سيد الارشاد مهما كان ومهما يحصل ويكون... فاهم مش حنبيع واخبط دماغك في الحيط أو حتى روح وأذِن للصبح في طولون... خلاص الكيل فاض والشعب منتظر أول بيان في أول نشرة أو في حتى حدوتة قبل النوم أو برنامج مايطلبه المستمعون... هو ده القرار والاختيار وهو ده الشيء الوحيد اللي ممكن في سبيله كل شيء يهون... خلاص فاضل على الحلو دقة وكل شيء حييجي وحناخد حقنا بالحق والاصرار وصحيفة السوابق وكله بالقانون... آي والله صحيفة السوابق والقانون...!!
/>