| د. سعيد فهمي* |
أتقدم بكل الأسى والحزن لكل مواطن غلبان زي حالاتي من المصريين... اللي صنعوا ثورة بجد واللي وقفوا ضد الفساد والتمكين أواللي ركبوا الموجة وطلعوا من الكهوف وعملوا فيها متثورجين... اللي عارضوا النظام السابق وكمان بيقاوموا النظام الحالي واللي بيخبطوا دماغهم في الحيط ولسه عاملين فيها قال إيه معارضين... واللي مش عاجبهم الحال اللي بقينا فيه وشافوا حال بلد كانت أمن وأمان وبقت بين يوم وثورة مرتع للفوضى والفوضويين... والناس اللي عاوزين بلدهم أحسن بلد لكن أدائهم مجرد احتجاج صوري لا يسمن من جوع ولا بيهش ولا ينش وهم في البيت قدام التلفزيون بيتابعوا الأحداث وهم في الدفا قاعدين... والناس اللي عالقهاوي وكلامهم كتير عالفاضي والمليان ومصبوغ بالحسرة والألم على حال البلد لكن ساعة الجد تلاقيهم كل واحد يقول إحنا مالنا وهو ده حال السلبيين... خالص العزاء في الفقيدة الثورة اللي قامت في البلاد لراحة العباد وتحقيق الحرية والعدالة وده غير اسم الحزب الحاكم اللي كوادره عالسلطة متوحشين... لكن يافرحة ما تمت خدها الغراب وطار والناس واخده بالها ورغم كده مخروسة وساكتة شايفين ومطنشين... أصل خلاص عمنا سعد قالها من زمان وكأنه بيقرأ الطالع وكأنه كان حاسس وعارف حيكون حال بلدنا إيه وهي بتعاني من حكم المتأسلمين... عاوز تشاركنا العزاء وتشوف مظاهر الحزن والكآبة روح واتمشى شوية في الشوارع والميادين... روح وشوف حال الناس ووجوههم المصبوغة بالهم والغم من كل شيء حواليهم وبالذات الأمن الغايب بالقصد والعند واللي منه يا حول الله محرومين... لاحظ الغياب الأمني والشارع المفكوكة صواميله وشيوع الفوضى وتطبيق نظرية حقي بدراعي والله يكون في عون ضعيف الحيلة أمام جحافل البلطجية التسلطين... لاحظ أخلاقيات الناس اللي اتغيَّرت وضيقة النفس وتكشيرة كل واحد للتاني وبقى الكل للكل متربصين... روح وشوف حتلاقي الطيبة وخفة الدم والبال الرايق والضحكة الحلوة اللي كانت بتميّزنا في كل الدنيا وكأنها قربت تضيع خلاص من ملامح وشخصية وسلوك المصريين... روح شوف الضلمة في الشوارع وشعور الإحباط والفوضى الموجودة عن عمد أو تعبير عن عشوائية القرار عند الحاكم بعد حوار الطرشان بتاع الليل وآخره واللي بيرسخ انفصال إحساسه بالمواطنين... روح وراقب الحوار الوطني المزعوم واسمع خبير دستوري ملاكي لتفسير قوانينهم وهو بيطالب بحالة طوارئ لكل المحافظات وكأن مش كفاية إعلان الطوارئ على مدن الشرف والبسالة في خط القناة وأهلها الصامدين... عاوز تشوف الصورة أوضح تابع الحوار إياه وشوف النتيجة وتحويلها من قرارات لتوصيات يعني في النهاية حينفذوا المخطط الإخواني والقوى الحوارية تبصم عليه مجبرين... شوف فضيحة تعيين الآلاف من الإخونجية في مفاصل المحليات وشؤون المحافظات لتزوير العملية الانتخابية بنفس سلوك الحزب الوطني الفاسد للتكويش والتمكين... لاحظ تصريح حزب الشوم واللوم بالموافقة على مراقبة دولية للانتخابات رغم معارضتهم السابقة لأنهم خلاص ثبتوا كوادرهم في شئون الانتخابات وخلاص أصبحوا من الفوز واثقين... خالص عزائي لكل مصري حر شريف اتصدم في رئاسة معزولة عن طموحاته ولا هي هنا وتضرب الدنيا وتقلب وهي ودن من طين وودن من عجين... خالص عزائي لكل مصري مقهور وشايف حكامه بيزيدوا عليه همه بقرارات عشوائية وبمنتهى السلبية شايفين العيشة النار اللي هلكت كل المواطنين... لما يبقى فيه إعلان عصيان في بور سعيد والدنيا تبقى مولعة وحاكم ولا هو هنا يبقى إزاي حيكمل رئاسته وإزاي حنكون معاه مطمئنين... لما داخلية تبقى مهزوزة والناس تبقى مرعوبة وكأن غياب الأمن شيء متعمد ومقصود وكأنه تار بايت وبيخلصوه فينا وإحنا مش عارفين... لما تلاقي مخطط عاوز يطبق شعار الشعب والشرطة في خدمة الإخوان يبقى إحنا إيه تاني منتظرين... لما تلاقي جبهة فيها كل الطوائف السياسية وليها ميول سلطوية وبياناتها شعارات عنترية ومفصولة عن مطالب الشعب الحقيقية يبقى الأمل في مين وإمتى وفين... وإزاي نصدق أصوات كانت بتبهدل في حكم العسكر وبعد خراب مالطة راحوا ينادوا بالنجدة لتخليصهم من مغول الحكم المتأسلمين... خالص عزائي لبلد سمك لبن تمر هندي من غير كبير ولا مسؤول الشعب فيه واثق والناس له مصدقين... مسكينة يا مصر وحرام يطلوا جبينك بالحزن بحكومة فاشلة وحاكم لقراراته غير واثق ومكتب إرشاد متوغل وكاتم على نفسّنا وشكله كده مبرطع سنين وسنين... خالص عزائي لغياب القرار ومرشد متجوز البلد مسيار ومسؤول آخر من يعلم بيتكلم بالليل ويستنى التعليمات بالنهار وإحنا لا حول ولا قوه بنتفرج على سلخنا حَيّين... يا عيني عالمحروسة المقهورة المغشوشة واللي سلبوها فرحتها وكمموا صوتها واغتصبوا دستورها عيني عينك والفاعل مزنوق في مكتب الإرشاد والناس عارفين ومطنشين... يا عيني عليكي يا بهية يا أم طرحة وجلابية ومقهورة وبحكم الإخوان مطلية وبالفشل والديكتاتورية متحجبة باسم الأونطة والاستهبال لغزاة الحكم المتأسلمين...!!
مصر مش هي مصر ولا عاد ليها نفس الطعم أو اللون من أيام مينا ورمسيس في الدولة الفرعونية... الشكل بقى غير ولونها بقى باهت بعد حكم إخواننا وأصابتها أنيميا سياسية... لو بقينا سلبيين بلدنا حتحتضر وحتضيع هيبتها ومجدها يبقى مجرد ذكريات في الكتب التاريخية... مصر محاصرة بين حُكم فاشل ومعارضة خايبة قاعدة مستنية الفرج وحُكم على طبق من فضة وهيّ لا حول لها ولا قوة ضعيفة متخاذلة سلبية... الله يسامح كل صوت تخاذل وباع الوطن تحت باب العند واتفلسف وقال فلول وسلم البلد تسليم أهالي لمافيا المقطم وميليشياتها البلطجية... الدعوة عامة للمشاركة في العزاء والعنوان كل ميادين مصر من أسوان للاسكندرية... ادعوا معايا ربنا يرحم مصرنا من تتار العصر الحديث اللي سلبوا بلدي حريتها بتفريط المتفلسفين وأصحاب حسن النية... الخلاصة يا تيجي تاخد العزاء فيها يا إما تكون إيجابي وتشارك في تحريرها من ميليشيات الخراب والدموية... إنت فين يا الأدهم ولإمتى حتفضل بلدنا ليك مستنية... لا يفل الحديد إلا الحديد ولا يفل الإخوان إلا دكر راضع من صدر بهية... اللهم انقذ بهية... اللهم حرر بهية... .!!
said_elmasryfahmy@hotmail.com
أتقدم بكل الأسى والحزن لكل مواطن غلبان زي حالاتي من المصريين... اللي صنعوا ثورة بجد واللي وقفوا ضد الفساد والتمكين أواللي ركبوا الموجة وطلعوا من الكهوف وعملوا فيها متثورجين... اللي عارضوا النظام السابق وكمان بيقاوموا النظام الحالي واللي بيخبطوا دماغهم في الحيط ولسه عاملين فيها قال إيه معارضين... واللي مش عاجبهم الحال اللي بقينا فيه وشافوا حال بلد كانت أمن وأمان وبقت بين يوم وثورة مرتع للفوضى والفوضويين... والناس اللي عاوزين بلدهم أحسن بلد لكن أدائهم مجرد احتجاج صوري لا يسمن من جوع ولا بيهش ولا ينش وهم في البيت قدام التلفزيون بيتابعوا الأحداث وهم في الدفا قاعدين... والناس اللي عالقهاوي وكلامهم كتير عالفاضي والمليان ومصبوغ بالحسرة والألم على حال البلد لكن ساعة الجد تلاقيهم كل واحد يقول إحنا مالنا وهو ده حال السلبيين... خالص العزاء في الفقيدة الثورة اللي قامت في البلاد لراحة العباد وتحقيق الحرية والعدالة وده غير اسم الحزب الحاكم اللي كوادره عالسلطة متوحشين... لكن يافرحة ما تمت خدها الغراب وطار والناس واخده بالها ورغم كده مخروسة وساكتة شايفين ومطنشين... أصل خلاص عمنا سعد قالها من زمان وكأنه بيقرأ الطالع وكأنه كان حاسس وعارف حيكون حال بلدنا إيه وهي بتعاني من حكم المتأسلمين... عاوز تشاركنا العزاء وتشوف مظاهر الحزن والكآبة روح واتمشى شوية في الشوارع والميادين... روح وشوف حال الناس ووجوههم المصبوغة بالهم والغم من كل شيء حواليهم وبالذات الأمن الغايب بالقصد والعند واللي منه يا حول الله محرومين... لاحظ الغياب الأمني والشارع المفكوكة صواميله وشيوع الفوضى وتطبيق نظرية حقي بدراعي والله يكون في عون ضعيف الحيلة أمام جحافل البلطجية التسلطين... لاحظ أخلاقيات الناس اللي اتغيَّرت وضيقة النفس وتكشيرة كل واحد للتاني وبقى الكل للكل متربصين... روح وشوف حتلاقي الطيبة وخفة الدم والبال الرايق والضحكة الحلوة اللي كانت بتميّزنا في كل الدنيا وكأنها قربت تضيع خلاص من ملامح وشخصية وسلوك المصريين... روح شوف الضلمة في الشوارع وشعور الإحباط والفوضى الموجودة عن عمد أو تعبير عن عشوائية القرار عند الحاكم بعد حوار الطرشان بتاع الليل وآخره واللي بيرسخ انفصال إحساسه بالمواطنين... روح وراقب الحوار الوطني المزعوم واسمع خبير دستوري ملاكي لتفسير قوانينهم وهو بيطالب بحالة طوارئ لكل المحافظات وكأن مش كفاية إعلان الطوارئ على مدن الشرف والبسالة في خط القناة وأهلها الصامدين... عاوز تشوف الصورة أوضح تابع الحوار إياه وشوف النتيجة وتحويلها من قرارات لتوصيات يعني في النهاية حينفذوا المخطط الإخواني والقوى الحوارية تبصم عليه مجبرين... شوف فضيحة تعيين الآلاف من الإخونجية في مفاصل المحليات وشؤون المحافظات لتزوير العملية الانتخابية بنفس سلوك الحزب الوطني الفاسد للتكويش والتمكين... لاحظ تصريح حزب الشوم واللوم بالموافقة على مراقبة دولية للانتخابات رغم معارضتهم السابقة لأنهم خلاص ثبتوا كوادرهم في شئون الانتخابات وخلاص أصبحوا من الفوز واثقين... خالص عزائي لكل مصري حر شريف اتصدم في رئاسة معزولة عن طموحاته ولا هي هنا وتضرب الدنيا وتقلب وهي ودن من طين وودن من عجين... خالص عزائي لكل مصري مقهور وشايف حكامه بيزيدوا عليه همه بقرارات عشوائية وبمنتهى السلبية شايفين العيشة النار اللي هلكت كل المواطنين... لما يبقى فيه إعلان عصيان في بور سعيد والدنيا تبقى مولعة وحاكم ولا هو هنا يبقى إزاي حيكمل رئاسته وإزاي حنكون معاه مطمئنين... لما داخلية تبقى مهزوزة والناس تبقى مرعوبة وكأن غياب الأمن شيء متعمد ومقصود وكأنه تار بايت وبيخلصوه فينا وإحنا مش عارفين... لما تلاقي مخطط عاوز يطبق شعار الشعب والشرطة في خدمة الإخوان يبقى إحنا إيه تاني منتظرين... لما تلاقي جبهة فيها كل الطوائف السياسية وليها ميول سلطوية وبياناتها شعارات عنترية ومفصولة عن مطالب الشعب الحقيقية يبقى الأمل في مين وإمتى وفين... وإزاي نصدق أصوات كانت بتبهدل في حكم العسكر وبعد خراب مالطة راحوا ينادوا بالنجدة لتخليصهم من مغول الحكم المتأسلمين... خالص عزائي لبلد سمك لبن تمر هندي من غير كبير ولا مسؤول الشعب فيه واثق والناس له مصدقين... مسكينة يا مصر وحرام يطلوا جبينك بالحزن بحكومة فاشلة وحاكم لقراراته غير واثق ومكتب إرشاد متوغل وكاتم على نفسّنا وشكله كده مبرطع سنين وسنين... خالص عزائي لغياب القرار ومرشد متجوز البلد مسيار ومسؤول آخر من يعلم بيتكلم بالليل ويستنى التعليمات بالنهار وإحنا لا حول ولا قوه بنتفرج على سلخنا حَيّين... يا عيني عالمحروسة المقهورة المغشوشة واللي سلبوها فرحتها وكمموا صوتها واغتصبوا دستورها عيني عينك والفاعل مزنوق في مكتب الإرشاد والناس عارفين ومطنشين... يا عيني عليكي يا بهية يا أم طرحة وجلابية ومقهورة وبحكم الإخوان مطلية وبالفشل والديكتاتورية متحجبة باسم الأونطة والاستهبال لغزاة الحكم المتأسلمين...!!
مصر مش هي مصر ولا عاد ليها نفس الطعم أو اللون من أيام مينا ورمسيس في الدولة الفرعونية... الشكل بقى غير ولونها بقى باهت بعد حكم إخواننا وأصابتها أنيميا سياسية... لو بقينا سلبيين بلدنا حتحتضر وحتضيع هيبتها ومجدها يبقى مجرد ذكريات في الكتب التاريخية... مصر محاصرة بين حُكم فاشل ومعارضة خايبة قاعدة مستنية الفرج وحُكم على طبق من فضة وهيّ لا حول لها ولا قوة ضعيفة متخاذلة سلبية... الله يسامح كل صوت تخاذل وباع الوطن تحت باب العند واتفلسف وقال فلول وسلم البلد تسليم أهالي لمافيا المقطم وميليشياتها البلطجية... الدعوة عامة للمشاركة في العزاء والعنوان كل ميادين مصر من أسوان للاسكندرية... ادعوا معايا ربنا يرحم مصرنا من تتار العصر الحديث اللي سلبوا بلدي حريتها بتفريط المتفلسفين وأصحاب حسن النية... الخلاصة يا تيجي تاخد العزاء فيها يا إما تكون إيجابي وتشارك في تحريرها من ميليشيات الخراب والدموية... إنت فين يا الأدهم ولإمتى حتفضل بلدنا ليك مستنية... لا يفل الحديد إلا الحديد ولا يفل الإخوان إلا دكر راضع من صدر بهية... اللهم انقذ بهية... اللهم حرر بهية... .!!
said_elmasryfahmy@hotmail.com