الطير له محبيه ووقت القنص فالماضي كان له طراة والصيد متوفر والشاعر بدر الحويفي من الشعراء البارزين وصقار من الطراز الاول اسند هذه القصيدة **على الشاعر المرحوم سمير بن صليهم وهو كذلك شاعر كبير وصقار وكان لقصائده الأثر الكبير في ذاكرة الكثير من محبي القنص وولع الطير.
لا والله اللى راح وقت الصقاره
والبر ما يعْجبك لارحت دّوار
والبر عجن مدلهمن اغباره
والشكوى لله ميته كل الأشجار
وماتت دباديب الخلا بالجحاره
قضَى عليها الجوع من قل الأمطار
وتشكي على اللي رزقها بقتداره
اللي نصر موسَى على كل سحّار
الله يعيد لكل وادي خضاره
ويغيثنا ويبدل العسر بيسار
غيثن من المنشا يعم انتشاره
دفاق رفاقن حقوقن ومدرار
هذا أوضعي حول طيري مداره
يبي نظر توجيه ذربين الأشوار
الطير نقله يا النشاما خساره
ينعاف لو هو يذبح الصيد وخيار
يا سمير يا راع الولع وأنت كاره
يا أبن صليهم مكرم الضيف والجار
محتاج رايك يا حكيم العباره
رجال عرف ومن طويلين الأشبار
عطني نظرك الطير قّطع اشكاره
قاسي من البرقع غرابيل وضرار
من قل تفريعه تصيبه حراره
نقنص ونرجع ما تمغط ولا طار
أنا اطلقه ولا تحمْل أوزاره
ياسمير انا من قصة الطير محتار
يا سمير ما شفنا من الطير باره
بلاه من قل الصيد والطير ما بار
حبه بقلبي بانيله عماره
على حجر وفروعها عشرة أدوار
شعبيته عندي تمثل سفاره
لو كان دور الطير مقفي ومنهار
تذكر علّيه نوزته ونحداره
يشره على زرق الغلب وقع وطيار
يا زين تفريعه بخطو الزباره
بالنازيه ما بين جدلا وسنّار
خطو أشقرن مابه أملوع ونزاره
وبالوكر ما يكفخ وللخرب حشار
وأظن عايش ودعه باختياره
ما شافله بهواية الصيد معيار
أطلق سراح الطير وأصدر قراره
من عقب ماهو للمناعير سبار
يا ماجهم للصيد بأول نهاره
أيام هندابه مع الطير مختار
وهده على المضياح من راس قاره
وأهوى على روضن نواميه نّوار
ودلى على خربن أكبارن فقاره
وعلقبه اللي للحفافين جزار
يوم الولع له ذوق فن ومهاره
وعايش يطلع من عكاشات ويسار
واليوم ناشه من زمانه غياره
لا باس يالطيب عسى خير ومجار
واللي فتل قيدي فتله اهجاره
على الشرف ماهو على ميتت النار
والسيف لابده من لاند ثاره
والحصن يخلف جريها طول الأعمار
واللي حذف بأول شبابه أجماره
يشقى بها غيره ويقنع بما صار
وجهتها والحر تكفيه اشاره
لرجال كلمتهم ثمينه وشّعار
واللي يشاور ينتظر مستشاره
والشور له عند الرجاجيل مقدار
ومضمون وضعي للولع واختصاره
يالربع أنا ماني عن الطير صبار
غديت مثل اللي عليه الخفاره
بالبيت جالس بين فيه ومصهار
مصبر على جو البلد والحضاره
وهوايتي شوف الصحاري والأقفار
مالي أهوايه بكتساب النجاره
والرزق عند اللي خلق خلقه أطوار
وأرسلت كلمات احترام أوقاره
دافع وفى ما قلتها زيف وقمار
ورسالتي عني تنوب الزياره
قصدي بها نوع استشاره وتذكار
مندوبنا جاكم وخوذوخباره
ياهل الكويت وحمضونا بالاخبار
ياهل البلاد اللي عزيزن جواره
أخواننا واعواننا سر وجهار
الدين واحد والهدف والإداره
اسلام بالعليا لنا رمز وشعار
نسير مع هدى الرسول ومساره
الدين واحد والعقيدة والأنظار
ضد البغيض ليا تشايط عشاره
لطار في جو السما عج واغبار
وصلوا على الهادي رسول البشاره
وعداد ماسار القلم فوق الأسطار
شعر: بدر الحويفي
لا والله اللى راح وقت الصقاره
والبر ما يعْجبك لارحت دّوار
والبر عجن مدلهمن اغباره
والشكوى لله ميته كل الأشجار
وماتت دباديب الخلا بالجحاره
قضَى عليها الجوع من قل الأمطار
وتشكي على اللي رزقها بقتداره
اللي نصر موسَى على كل سحّار
الله يعيد لكل وادي خضاره
ويغيثنا ويبدل العسر بيسار
غيثن من المنشا يعم انتشاره
دفاق رفاقن حقوقن ومدرار
هذا أوضعي حول طيري مداره
يبي نظر توجيه ذربين الأشوار
الطير نقله يا النشاما خساره
ينعاف لو هو يذبح الصيد وخيار
يا سمير يا راع الولع وأنت كاره
يا أبن صليهم مكرم الضيف والجار
محتاج رايك يا حكيم العباره
رجال عرف ومن طويلين الأشبار
عطني نظرك الطير قّطع اشكاره
قاسي من البرقع غرابيل وضرار
من قل تفريعه تصيبه حراره
نقنص ونرجع ما تمغط ولا طار
أنا اطلقه ولا تحمْل أوزاره
ياسمير انا من قصة الطير محتار
يا سمير ما شفنا من الطير باره
بلاه من قل الصيد والطير ما بار
حبه بقلبي بانيله عماره
على حجر وفروعها عشرة أدوار
شعبيته عندي تمثل سفاره
لو كان دور الطير مقفي ومنهار
تذكر علّيه نوزته ونحداره
يشره على زرق الغلب وقع وطيار
يا زين تفريعه بخطو الزباره
بالنازيه ما بين جدلا وسنّار
خطو أشقرن مابه أملوع ونزاره
وبالوكر ما يكفخ وللخرب حشار
وأظن عايش ودعه باختياره
ما شافله بهواية الصيد معيار
أطلق سراح الطير وأصدر قراره
من عقب ماهو للمناعير سبار
يا ماجهم للصيد بأول نهاره
أيام هندابه مع الطير مختار
وهده على المضياح من راس قاره
وأهوى على روضن نواميه نّوار
ودلى على خربن أكبارن فقاره
وعلقبه اللي للحفافين جزار
يوم الولع له ذوق فن ومهاره
وعايش يطلع من عكاشات ويسار
واليوم ناشه من زمانه غياره
لا باس يالطيب عسى خير ومجار
واللي فتل قيدي فتله اهجاره
على الشرف ماهو على ميتت النار
والسيف لابده من لاند ثاره
والحصن يخلف جريها طول الأعمار
واللي حذف بأول شبابه أجماره
يشقى بها غيره ويقنع بما صار
وجهتها والحر تكفيه اشاره
لرجال كلمتهم ثمينه وشّعار
واللي يشاور ينتظر مستشاره
والشور له عند الرجاجيل مقدار
ومضمون وضعي للولع واختصاره
يالربع أنا ماني عن الطير صبار
غديت مثل اللي عليه الخفاره
بالبيت جالس بين فيه ومصهار
مصبر على جو البلد والحضاره
وهوايتي شوف الصحاري والأقفار
مالي أهوايه بكتساب النجاره
والرزق عند اللي خلق خلقه أطوار
وأرسلت كلمات احترام أوقاره
دافع وفى ما قلتها زيف وقمار
ورسالتي عني تنوب الزياره
قصدي بها نوع استشاره وتذكار
مندوبنا جاكم وخوذوخباره
ياهل الكويت وحمضونا بالاخبار
ياهل البلاد اللي عزيزن جواره
أخواننا واعواننا سر وجهار
الدين واحد والهدف والإداره
اسلام بالعليا لنا رمز وشعار
نسير مع هدى الرسول ومساره
الدين واحد والعقيدة والأنظار
ضد البغيض ليا تشايط عشاره
لطار في جو السما عج واغبار
وصلوا على الهادي رسول البشاره
وعداد ماسار القلم فوق الأسطار
شعر: بدر الحويفي