| د. سعيد فهمي* |
قالها من زمان حكيم « لو دامت لغيرك ما اتصلت إليك «.. وهي كده الدنيا وبقولها بكل أدب زي الخيارة يوم لك ويوم أكيد بكل تهذيب عليك.. دنيا غدارة وغباء وسوء إدارة وأيام غريبة عجيبة وصدق اللي قال إذا الميري ما ربكش يبقى أكيد حبايبك الإخوان حتربيك..العيب مش في اللي بيحصل من قرارات سواء صح أو غلط العيب يا عزيزي المواطن أكيد وبالتأكيد فيك..آه لو كنت فكرت لحظة وانت بتلغي عقلك أو كنت حسبت الحسابات وبصيت ولو للحظة حواليك.. نشنت يا فالح ونشانك أصاب الهدف لكن الطلقة خابت وطارت بأحلامك وفي الآخر ابقى قابلني لو ملكت صوتك بعد ما الطلقة جت فيك.. نشنت يا فالح والطلقة أصابت الهدف لكن جت الطلقة خايبة وكعبلت خطواتك وكسّرت كمان رجليك.. لو بتعرف تاريخك أو لو بتفهم أصلا كنت افتكرت تاريخ محمد علي وضحاياه السادة المماليك.. لو كان ليك قرون استشعار أو لو كان ردارك شغال كنت منعت اللي جرالك واللي شاركت فيه بسيناريو رديء من صنع إيديك..خلاص جيم أوفر ولا عزاء لمماليك العصر الحديث اللي خلو الكتكوت بين يوم وليلة نفش ريشه وخلاص رسمي بقى زي الديك..مش قالوا دنيا غرورة وكذابة والسلطة زي الكورة من رجل ده لرجل ده يعني بتروح وتيجي دواليك دواليك..بس المرة دي ابقى قابلني لو رجعت الفرصة تاني ولما تشوف حلمة ودنك ابقى احلم تشوفها تاني بعينيك.. وآهي فرصة علشان تبقوا فاضيين وتتابعوا نهايات مسلسلات رمضان وتشوفوا فرقة ناجي عطا الله ويا ترى نهايتها حتبقى سعيدة وللا زي مسلسل حياتنا دراماتيك..الله يرحمك يا دقن اللي قال «أحلى من الشرف مفيش» «ويا آه يا آه «خللي بقى المثالية والشرف والكلام الكبير يغرف من الدنيا ويديك..صحيح صدق اللي قال تبقى في إيدك وتقسم لغيرك وكل شيء وارد مدام اتلهينا بالسلطة ونام في العسل السلاحليك..!! اللي حصل مفاجأة متوقعة ونهاية لصراع السلطة في صورة بديهية..اللي حصل ضربة معلم من غير شك ونهاية لحقبة كبيرة من حكم المنظومة العسكرية..اللي حصل شئنا أم أبينا إعادة لترتيب البيت وحق طبيعي لرئيس بيمارس حقوقه اللي أقسم عليها في الإعلان الدستوري وقالوا عليها دستورية..اللي حصل مش انقلاب ولا تجريد سلطة ولكن هي لعبة شطرنج فاز فيها الأكثر طموحا وقدرة تنظيمية..مش حنقول مات الملك يحيا الملك لكن حنقول المهم مصر تفوق بقى من حرب عض الأصابع والصراعات الخفية..أنا لا عمري كنت حزب وطني ولا عمري حا اكون إخواني ولا حتى ناوي يبقى عندي ميول سياسية..ولا عُمر اللي يجوّز أمي حا أقول له يا عمي ولا حنافق أو أجامل حد والمهم مصلحة أم الدنيا بهية..قالوا المركب اللي فيها ريسين بتغرق والمركب كان ليها مليون ريس من عسكر وبرلمان وإخوان وأعضاء جمعية تأسيسية.. واهو الرئيس غربل العسكر عقبال ما يلجم لسان الجماعة ويسد مناخيرهم اللي بيحشروها في كل الشؤون الرئاسية..قلناها وبنعيدها مليون مرة عاوزين رئيس يتقي ربنا فينا ويحكمنا بالعدل ولا يفرطش في إرادته لمرشد أو أي واحد بيدّعي علينا العدالة والحرية..من حق الحاكم اختيار بطانته ومساعديه لأنه في الآخر هو المسؤول أمام الله وكمان الرعية..من حق الحاكم اختيار معاونيه حتى لو بمذبحة مماليك جديدة بس ياريت يكمل خطة محمد علي الجديد ويبني مصر الحديثة وينهض بيها ويكون قد المسؤولية.. قالوا الجمل طلع الشجرة وقالوا مرسي باني النهضة آدي البلد ورينا يا ريّس شطارتك وابدأ النهضة ودعمها بالحرية..قلناها زمان عسكري أو إخوانجي أو من بلاد الواق الواق المهم نطلع بقى من عنق الزجاجة ونشعر ان فيه بجد ثمار ثورة حقيقية..مش مشكلة يحكمنا مين لكن مش عاوزين نرجع من جديد لاحتكار فصيل واحد للسلطة ومظاهر الاستبداد تتحكم فينا بقيود الديكتاتورية..عاوزين رئيس لكل المصريين من غير فاتورة حساب وترَصُد لأي صوت معارض مدام المعارضة من دون إسفاف وبمنتهى الموضوعية.. «قالوا ضربوا الأعور على عينه قال خسرانة خسرانة» والناس خلاص خسرت الجلد والسقط من حكم سابق واحنا شعب صبور لكن لو خاب أملنا في الحاكم الجديد مش حنصبر زي زمان حتى لو كانت حياتنا هي الثمن للكرامة والآدمية..صحيح الريس الجديد دبح القطة لكن من إمتى المصري بيخاف حتى لو ذبحوا له فيل أو حتى حاوطوه بمدفع أو بدقن وجلابية..الظريف في الموضوع ان زمان كان الذبح على العيد الكبير مش عارف ليه السنة دي بقى على العيد الصغير فياترى دي فزورة جديدة وللا سيناريو من كواليس توزيع السلطة وطلاسم محتاجة بس شوية مفهومية..خلاص الجمهورية الثانية بدأت يارب تكون خير علينا كلنا مش احنا نحلم ونثور وثمارها بدل ما يجنيها المصريون يلهطوها الإخوانجية.. رئيس بلدي له كل التقدير والاحترام طالما كان لكل المصريين لكن الخلاف مع جماعة الخير حاجة كده في الدم ومسألة عقائدية..المصريون مطالبون بدعم السيد الرئيس علشان يشعر انه مدعوم من شعب حقيقي مش جماعة بتجمع ميليشيات تأييد لتأييد قراراته وإظهارها بأنها رغبة شعبية.. لازم الرئيس يشعر بدعم كل المصريين ومن دون نفاق أو أيديولوجية معينة ولازم يستقوى بينا مش بجماعة مشتاقة تلهط الشرعية.. يا ريّس خلاص مفيش حجة وكل القرارات والسلطة بقت في إيديك فأرجوك أوعى تنسى وعدك وقسمك بمراعاة شؤون كل الرعية.. يا ريّس حاول وجرّب واتلفح بشعب مصر وحَجِم حركات المراهقين الإخوانجية.. ادعوا معي في ليلة القدر ربنا يحفظ مصر ورئيسنا يِلَجِم ملالي جماعة الخير وهي دي فعلا اللي حتخليه معبود كل المصريين وحتبقى هي دي فعلا العيدية..!!
said_elmasryfahmy@hotmail.com
قالها من زمان حكيم « لو دامت لغيرك ما اتصلت إليك «.. وهي كده الدنيا وبقولها بكل أدب زي الخيارة يوم لك ويوم أكيد بكل تهذيب عليك.. دنيا غدارة وغباء وسوء إدارة وأيام غريبة عجيبة وصدق اللي قال إذا الميري ما ربكش يبقى أكيد حبايبك الإخوان حتربيك..العيب مش في اللي بيحصل من قرارات سواء صح أو غلط العيب يا عزيزي المواطن أكيد وبالتأكيد فيك..آه لو كنت فكرت لحظة وانت بتلغي عقلك أو كنت حسبت الحسابات وبصيت ولو للحظة حواليك.. نشنت يا فالح ونشانك أصاب الهدف لكن الطلقة خابت وطارت بأحلامك وفي الآخر ابقى قابلني لو ملكت صوتك بعد ما الطلقة جت فيك.. نشنت يا فالح والطلقة أصابت الهدف لكن جت الطلقة خايبة وكعبلت خطواتك وكسّرت كمان رجليك.. لو بتعرف تاريخك أو لو بتفهم أصلا كنت افتكرت تاريخ محمد علي وضحاياه السادة المماليك.. لو كان ليك قرون استشعار أو لو كان ردارك شغال كنت منعت اللي جرالك واللي شاركت فيه بسيناريو رديء من صنع إيديك..خلاص جيم أوفر ولا عزاء لمماليك العصر الحديث اللي خلو الكتكوت بين يوم وليلة نفش ريشه وخلاص رسمي بقى زي الديك..مش قالوا دنيا غرورة وكذابة والسلطة زي الكورة من رجل ده لرجل ده يعني بتروح وتيجي دواليك دواليك..بس المرة دي ابقى قابلني لو رجعت الفرصة تاني ولما تشوف حلمة ودنك ابقى احلم تشوفها تاني بعينيك.. وآهي فرصة علشان تبقوا فاضيين وتتابعوا نهايات مسلسلات رمضان وتشوفوا فرقة ناجي عطا الله ويا ترى نهايتها حتبقى سعيدة وللا زي مسلسل حياتنا دراماتيك..الله يرحمك يا دقن اللي قال «أحلى من الشرف مفيش» «ويا آه يا آه «خللي بقى المثالية والشرف والكلام الكبير يغرف من الدنيا ويديك..صحيح صدق اللي قال تبقى في إيدك وتقسم لغيرك وكل شيء وارد مدام اتلهينا بالسلطة ونام في العسل السلاحليك..!! اللي حصل مفاجأة متوقعة ونهاية لصراع السلطة في صورة بديهية..اللي حصل ضربة معلم من غير شك ونهاية لحقبة كبيرة من حكم المنظومة العسكرية..اللي حصل شئنا أم أبينا إعادة لترتيب البيت وحق طبيعي لرئيس بيمارس حقوقه اللي أقسم عليها في الإعلان الدستوري وقالوا عليها دستورية..اللي حصل مش انقلاب ولا تجريد سلطة ولكن هي لعبة شطرنج فاز فيها الأكثر طموحا وقدرة تنظيمية..مش حنقول مات الملك يحيا الملك لكن حنقول المهم مصر تفوق بقى من حرب عض الأصابع والصراعات الخفية..أنا لا عمري كنت حزب وطني ولا عمري حا اكون إخواني ولا حتى ناوي يبقى عندي ميول سياسية..ولا عُمر اللي يجوّز أمي حا أقول له يا عمي ولا حنافق أو أجامل حد والمهم مصلحة أم الدنيا بهية..قالوا المركب اللي فيها ريسين بتغرق والمركب كان ليها مليون ريس من عسكر وبرلمان وإخوان وأعضاء جمعية تأسيسية.. واهو الرئيس غربل العسكر عقبال ما يلجم لسان الجماعة ويسد مناخيرهم اللي بيحشروها في كل الشؤون الرئاسية..قلناها وبنعيدها مليون مرة عاوزين رئيس يتقي ربنا فينا ويحكمنا بالعدل ولا يفرطش في إرادته لمرشد أو أي واحد بيدّعي علينا العدالة والحرية..من حق الحاكم اختيار بطانته ومساعديه لأنه في الآخر هو المسؤول أمام الله وكمان الرعية..من حق الحاكم اختيار معاونيه حتى لو بمذبحة مماليك جديدة بس ياريت يكمل خطة محمد علي الجديد ويبني مصر الحديثة وينهض بيها ويكون قد المسؤولية.. قالوا الجمل طلع الشجرة وقالوا مرسي باني النهضة آدي البلد ورينا يا ريّس شطارتك وابدأ النهضة ودعمها بالحرية..قلناها زمان عسكري أو إخوانجي أو من بلاد الواق الواق المهم نطلع بقى من عنق الزجاجة ونشعر ان فيه بجد ثمار ثورة حقيقية..مش مشكلة يحكمنا مين لكن مش عاوزين نرجع من جديد لاحتكار فصيل واحد للسلطة ومظاهر الاستبداد تتحكم فينا بقيود الديكتاتورية..عاوزين رئيس لكل المصريين من غير فاتورة حساب وترَصُد لأي صوت معارض مدام المعارضة من دون إسفاف وبمنتهى الموضوعية.. «قالوا ضربوا الأعور على عينه قال خسرانة خسرانة» والناس خلاص خسرت الجلد والسقط من حكم سابق واحنا شعب صبور لكن لو خاب أملنا في الحاكم الجديد مش حنصبر زي زمان حتى لو كانت حياتنا هي الثمن للكرامة والآدمية..صحيح الريس الجديد دبح القطة لكن من إمتى المصري بيخاف حتى لو ذبحوا له فيل أو حتى حاوطوه بمدفع أو بدقن وجلابية..الظريف في الموضوع ان زمان كان الذبح على العيد الكبير مش عارف ليه السنة دي بقى على العيد الصغير فياترى دي فزورة جديدة وللا سيناريو من كواليس توزيع السلطة وطلاسم محتاجة بس شوية مفهومية..خلاص الجمهورية الثانية بدأت يارب تكون خير علينا كلنا مش احنا نحلم ونثور وثمارها بدل ما يجنيها المصريون يلهطوها الإخوانجية.. رئيس بلدي له كل التقدير والاحترام طالما كان لكل المصريين لكن الخلاف مع جماعة الخير حاجة كده في الدم ومسألة عقائدية..المصريون مطالبون بدعم السيد الرئيس علشان يشعر انه مدعوم من شعب حقيقي مش جماعة بتجمع ميليشيات تأييد لتأييد قراراته وإظهارها بأنها رغبة شعبية.. لازم الرئيس يشعر بدعم كل المصريين ومن دون نفاق أو أيديولوجية معينة ولازم يستقوى بينا مش بجماعة مشتاقة تلهط الشرعية.. يا ريّس خلاص مفيش حجة وكل القرارات والسلطة بقت في إيديك فأرجوك أوعى تنسى وعدك وقسمك بمراعاة شؤون كل الرعية.. يا ريّس حاول وجرّب واتلفح بشعب مصر وحَجِم حركات المراهقين الإخوانجية.. ادعوا معي في ليلة القدر ربنا يحفظ مصر ورئيسنا يِلَجِم ملالي جماعة الخير وهي دي فعلا اللي حتخليه معبود كل المصريين وحتبقى هي دي فعلا العيدية..!!
said_elmasryfahmy@hotmail.com