| د. سعيد فهمي * |
/>فيه حاجات كده لا تقدر تحاول تسأل عنها ولا تحاول تعرف ليها اسباب.. ومدام الدنيا بقت سمك لبن تمر هندي يبقى كل شيء مُباح وعادي يسودنا قانون الغاب.. لما تكون الحكاية بالدراع والبلطجة والتهديد يبقى تتنظر ايه لو الحق والعدل غاب.. قالوا نهضة وعهد جديد ومفيش خلاص احتكار واتاري مسرح العرايس شغال زي الفل ومكتب المقطم بيحرك الجميع باقتدار والدنيا بقت طلاسم وضباب.. البداية للاسف غير مشجعة بالمرة والهجوم الاعلامي مكثف والوضع بين الناس هباب في هباب.. شارع فوضي ورصيف مفقود وسلوكيات غير حضارية ورئيس من غير صلاحيات وانياب.. خلاص ضاعت السماحة بين الناس والثقة بقت مفقودة بين جماعة بتلهط الزلط وتحت مبدأ التكويش ضاعت المشاركة والمواطنة وكل شيء اصبح سراب.. ثورة وراحت لحالها وشعارات واكلناها بالهنا والشفا وجماعة الخير كوشت على البلد وملكت مفاتيح كل باب.. الوضع مش مُريح والناس حيرانة ومحتاجة تعرف راسها من رجليها وتعرف مين لهط ثورة الشباب.. الوقت بيجري بسرعة والحال اسوا من الاول وكل شيء من الامن للبسمة للفرحة بين الناس اندثر وغاب.. اللي بيحصل في المحروسة وضع هلامي مائع وواضح انه مخطط لينا نعيشه زي ما جماعة الخير كتباه ومخططاه في الكتاب.. الخلاصة مصر اتسلمت تسليم مفتاح والمقاول معروف والسمسار موجود والمحلل قاعد في المغارة بيحرس الباب.. رمضان كريم ولو كنت بتشوف مسلسل باب الخلق حتعرف ان الدنيا مع حكم جماعة الخير والقيادة الجديدة بقت خراب في خراب.. !! تمخض الجبل فولد فأرا وده كان تعليق المصريين على حكومة قنديل الواضح فيها النكهة الاخوانجية.. حكومة على نار هادية وببرود شديد بيلموها وواضح فيها الخلاف اكثر من الوفاق والدليل الوزارات السيادية.. ورئيس وزارة عليه 100 علامة استفهام وبالنسبة للثورجية والمواطنين مجهول النسب والهوية.. وصحافة وفضائيات مليانة زعيق وصراخ واتهامات صريحة للرئيس بالميول لتيار بعينه بسبب ميوله الحزبية.. واللي يقول مين قال مصر للمصريين وهو شايف بعنيه نشاط مكتب المرشد واستقباله للسفراء والوزراء الاجانب مش عارفين تحت اي بند وبأي صفة قانونية.. وقصر رئاسي مفتوح سداح مداح ولكل من هب ودب واللي يقول علشان نصلي الظهر جماعة واللي رايح يتسحر ويتبارك بالرقية الشرعية.. ورئيس واخداه الجلالة وسايب الدنيا ضلمة وبيدور ويلف عالمساجد بالجلابية.. وكاننا في عصر الخلفاء الراشدين وكان سيادته عاوز ياخد اجازة في رمضان ويتفرع للعبادة وملعون ابو الرعية.. جميل يبقى لينا رئيس يتقي ربنا فينا ولكن الاجمل ما ينساش يبدأ بقى مهامه اللي انتخبه الناس عليها ويهتم بشؤون المصراوية.. رئيسنا الجديد جزاه الله خير سايب بلدنا غرقانة في الظلمة وراح يوزع 20 الف طن سولار لقطاع غزة هدية لحماس علشان محطات الكهرباء فيها وتشغيل عربات المصريين المسروقة عن طريق الانفاق الحماسية.. رئيسنا الجديد جزاه الله خير اصدر قرار بالافراج والعفو عن 18 من قيادات التنظيم الدولي للاخوان وفوق البيعة قيادات الجماعات الاسلامية.. رئيسنا الجديد جزاه الله خير معذور ومشغول وافرج عن عشيرته ونسي في السجون شباب زي الفل راحوا في الرجلين في احداث ثورة يناير التاريخية.. رئيسنا الجديد جزاه الله خير طلع صدره رحب وكبير وبيقبل النقد بسعة صدر علشان كدة رفع دعاوى على الاعلام بالتزامن مع قضايا المعلم الكبير مرشد الثورة الاسلامية.. رئيسنا الجديد حماه الله بيؤمن بالتوريث ورغم انه كان بيهاجمه ايام الانتخابات الا انه اطلق اولاده علينا بتعليقاتهم على تويتر بتعليقات سمك لبن تمر هندي على شوية مهلبية.. رئيسنا الجديد حفظه الله اتحفنا وهدانا برئيس جديد للوزراء محتار في اختيار وزارة ومش عارف يراضي مين وللا مين ابتداء من تعليمات مكتب الارشاد حتى رغبات السيد رئيس الجمهورية.. رئيسنا الجديد اكرمه الله حبانا بمتحدث رسمي للرئاسة ما شاء الله يقول الخبر صباحا ويرجع ينفيه على المغربية.. وعاوز تتأكد من صحة الكلام روح وراجع صحف اسرائيل والرسائل المتبادلة بين سيادة الرئيس والقيادة الاسرائيلية.. الكلام كتير والاوجاع أكتر لكن الخلاصة ان الظاهر اللي تحسبه موسى يطلع فرعون وكان ريما رجعت لعادتها القديمة ومصر لسه زي ما هيّ.. حزب وطني جديد واحتكار للسلطة وتجارة وشطارة واسالوا مين اللي فاز بعطاء حملات النظافة القومية.. فوازير رمضان السنة دي عاملة مسابقة والسؤال ايه ياترى الفرق بين حزب وطني متسلط وصاحب تزوير واحتكار سلطة وحزب جديد بنفس الاسلوب لكن بدقن وجلابية.. رمضان كريم ومش حنفهم ولا مهم نجاوب السؤال لكن المهم نفوق ونفهم القضية.. والقضية هي ان فيه وطن بيتلهط ويتشفط وبيتسلم تسليم مفتاح في صفقة مريبة سرية.. ما حدش فاهم حاجة ولا حد عارف مين اللي فرط فينا بسهولة وسلمنا لقوماندوز الميدان اللي عملوا فيها ثوار ولهطوا ثمار ثورة الشباب اللي كانت بريئة ونقية.. بيقولوا رمضان كريم وفيه بيتحبس الشياطين امال مين دول اللي شايفينهم ليل ونهار على القنوات الفضائية.. رمضان كريم والله اكرم وقادر ان شاء الله يرحمنا من المخطط المرسوم ويحفظ مصر من القلوب المتحجرة المليانة بالحقد والغل وحُب السلطة والديكتاتورية.. ايماني بالله كبير وايماني كمان موجود بجنود من عند الله وهبوا حياتهم لوطنهم ومؤمنين ان مش هو ده آخر المطاف ولا هي دي نهاية القضية.. رمضان كريم والله اكرم ويحييك ويحيينا ربنا وعلى رمضان اللي جاي تكون انقشعت الغُمة واتنسمنا فعلا حرية.. يا ترى فهمت اللي بيحصل وللا نقول الفزورة من جديد ويضيع علينا السحور وتضيع معانا بهية.. صبرنا وقاسينا كتير والشعب خلاص وصل لآخره ومستني بعد صيام طويل العيدية.. والعيدية مصر ترجع لاصحابها من جديد وولادها يتخلصوا من الحزب الوطني الجديد ونتنسم هوا نظيف من غير دقن وجلابية.. صعب نعيش بالشكل ده وصعب نبلع بعد الصيام قيادة من غير لون او طعم او رائحة يعني زي شوربة الخضار المسلوقة بفراخ الجمعية.. يا ترى امتى حتيجي العيدية يا ترى امتى حتتحرر بهية.. !!
/>
/>فيه حاجات كده لا تقدر تحاول تسأل عنها ولا تحاول تعرف ليها اسباب.. ومدام الدنيا بقت سمك لبن تمر هندي يبقى كل شيء مُباح وعادي يسودنا قانون الغاب.. لما تكون الحكاية بالدراع والبلطجة والتهديد يبقى تتنظر ايه لو الحق والعدل غاب.. قالوا نهضة وعهد جديد ومفيش خلاص احتكار واتاري مسرح العرايس شغال زي الفل ومكتب المقطم بيحرك الجميع باقتدار والدنيا بقت طلاسم وضباب.. البداية للاسف غير مشجعة بالمرة والهجوم الاعلامي مكثف والوضع بين الناس هباب في هباب.. شارع فوضي ورصيف مفقود وسلوكيات غير حضارية ورئيس من غير صلاحيات وانياب.. خلاص ضاعت السماحة بين الناس والثقة بقت مفقودة بين جماعة بتلهط الزلط وتحت مبدأ التكويش ضاعت المشاركة والمواطنة وكل شيء اصبح سراب.. ثورة وراحت لحالها وشعارات واكلناها بالهنا والشفا وجماعة الخير كوشت على البلد وملكت مفاتيح كل باب.. الوضع مش مُريح والناس حيرانة ومحتاجة تعرف راسها من رجليها وتعرف مين لهط ثورة الشباب.. الوقت بيجري بسرعة والحال اسوا من الاول وكل شيء من الامن للبسمة للفرحة بين الناس اندثر وغاب.. اللي بيحصل في المحروسة وضع هلامي مائع وواضح انه مخطط لينا نعيشه زي ما جماعة الخير كتباه ومخططاه في الكتاب.. الخلاصة مصر اتسلمت تسليم مفتاح والمقاول معروف والسمسار موجود والمحلل قاعد في المغارة بيحرس الباب.. رمضان كريم ولو كنت بتشوف مسلسل باب الخلق حتعرف ان الدنيا مع حكم جماعة الخير والقيادة الجديدة بقت خراب في خراب.. !! تمخض الجبل فولد فأرا وده كان تعليق المصريين على حكومة قنديل الواضح فيها النكهة الاخوانجية.. حكومة على نار هادية وببرود شديد بيلموها وواضح فيها الخلاف اكثر من الوفاق والدليل الوزارات السيادية.. ورئيس وزارة عليه 100 علامة استفهام وبالنسبة للثورجية والمواطنين مجهول النسب والهوية.. وصحافة وفضائيات مليانة زعيق وصراخ واتهامات صريحة للرئيس بالميول لتيار بعينه بسبب ميوله الحزبية.. واللي يقول مين قال مصر للمصريين وهو شايف بعنيه نشاط مكتب المرشد واستقباله للسفراء والوزراء الاجانب مش عارفين تحت اي بند وبأي صفة قانونية.. وقصر رئاسي مفتوح سداح مداح ولكل من هب ودب واللي يقول علشان نصلي الظهر جماعة واللي رايح يتسحر ويتبارك بالرقية الشرعية.. ورئيس واخداه الجلالة وسايب الدنيا ضلمة وبيدور ويلف عالمساجد بالجلابية.. وكاننا في عصر الخلفاء الراشدين وكان سيادته عاوز ياخد اجازة في رمضان ويتفرع للعبادة وملعون ابو الرعية.. جميل يبقى لينا رئيس يتقي ربنا فينا ولكن الاجمل ما ينساش يبدأ بقى مهامه اللي انتخبه الناس عليها ويهتم بشؤون المصراوية.. رئيسنا الجديد جزاه الله خير سايب بلدنا غرقانة في الظلمة وراح يوزع 20 الف طن سولار لقطاع غزة هدية لحماس علشان محطات الكهرباء فيها وتشغيل عربات المصريين المسروقة عن طريق الانفاق الحماسية.. رئيسنا الجديد جزاه الله خير اصدر قرار بالافراج والعفو عن 18 من قيادات التنظيم الدولي للاخوان وفوق البيعة قيادات الجماعات الاسلامية.. رئيسنا الجديد جزاه الله خير معذور ومشغول وافرج عن عشيرته ونسي في السجون شباب زي الفل راحوا في الرجلين في احداث ثورة يناير التاريخية.. رئيسنا الجديد جزاه الله خير طلع صدره رحب وكبير وبيقبل النقد بسعة صدر علشان كدة رفع دعاوى على الاعلام بالتزامن مع قضايا المعلم الكبير مرشد الثورة الاسلامية.. رئيسنا الجديد حماه الله بيؤمن بالتوريث ورغم انه كان بيهاجمه ايام الانتخابات الا انه اطلق اولاده علينا بتعليقاتهم على تويتر بتعليقات سمك لبن تمر هندي على شوية مهلبية.. رئيسنا الجديد حفظه الله اتحفنا وهدانا برئيس جديد للوزراء محتار في اختيار وزارة ومش عارف يراضي مين وللا مين ابتداء من تعليمات مكتب الارشاد حتى رغبات السيد رئيس الجمهورية.. رئيسنا الجديد اكرمه الله حبانا بمتحدث رسمي للرئاسة ما شاء الله يقول الخبر صباحا ويرجع ينفيه على المغربية.. وعاوز تتأكد من صحة الكلام روح وراجع صحف اسرائيل والرسائل المتبادلة بين سيادة الرئيس والقيادة الاسرائيلية.. الكلام كتير والاوجاع أكتر لكن الخلاصة ان الظاهر اللي تحسبه موسى يطلع فرعون وكان ريما رجعت لعادتها القديمة ومصر لسه زي ما هيّ.. حزب وطني جديد واحتكار للسلطة وتجارة وشطارة واسالوا مين اللي فاز بعطاء حملات النظافة القومية.. فوازير رمضان السنة دي عاملة مسابقة والسؤال ايه ياترى الفرق بين حزب وطني متسلط وصاحب تزوير واحتكار سلطة وحزب جديد بنفس الاسلوب لكن بدقن وجلابية.. رمضان كريم ومش حنفهم ولا مهم نجاوب السؤال لكن المهم نفوق ونفهم القضية.. والقضية هي ان فيه وطن بيتلهط ويتشفط وبيتسلم تسليم مفتاح في صفقة مريبة سرية.. ما حدش فاهم حاجة ولا حد عارف مين اللي فرط فينا بسهولة وسلمنا لقوماندوز الميدان اللي عملوا فيها ثوار ولهطوا ثمار ثورة الشباب اللي كانت بريئة ونقية.. بيقولوا رمضان كريم وفيه بيتحبس الشياطين امال مين دول اللي شايفينهم ليل ونهار على القنوات الفضائية.. رمضان كريم والله اكرم وقادر ان شاء الله يرحمنا من المخطط المرسوم ويحفظ مصر من القلوب المتحجرة المليانة بالحقد والغل وحُب السلطة والديكتاتورية.. ايماني بالله كبير وايماني كمان موجود بجنود من عند الله وهبوا حياتهم لوطنهم ومؤمنين ان مش هو ده آخر المطاف ولا هي دي نهاية القضية.. رمضان كريم والله اكرم ويحييك ويحيينا ربنا وعلى رمضان اللي جاي تكون انقشعت الغُمة واتنسمنا فعلا حرية.. يا ترى فهمت اللي بيحصل وللا نقول الفزورة من جديد ويضيع علينا السحور وتضيع معانا بهية.. صبرنا وقاسينا كتير والشعب خلاص وصل لآخره ومستني بعد صيام طويل العيدية.. والعيدية مصر ترجع لاصحابها من جديد وولادها يتخلصوا من الحزب الوطني الجديد ونتنسم هوا نظيف من غير دقن وجلابية.. صعب نعيش بالشكل ده وصعب نبلع بعد الصيام قيادة من غير لون او طعم او رائحة يعني زي شوربة الخضار المسلوقة بفراخ الجمعية.. يا ترى امتى حتيجي العيدية يا ترى امتى حتتحرر بهية.. !!
/>