دواوين

العمودي بهذا النص يشرح بوصف مختصر حال بعض الدواوين وروادها من خلال احرف الشعر
/>ديوان ينطر جيتّك بالشهر يوم
/>وديوان اذا جيته تمنيت فرقاه
/>وديوان تلقى فيه ضيقات وهموم
/>وديوان يطرد عنك كل المعاناة
/>وديوان اذا جيته مقدّر ومحشوم
/>وديوان تقديره عسى اللي يلواه
/>وديوان تطلع منه مبلي ومضيوم
/>وديوان عامر بالعدل والمساواه
/>وديوان راعيّه على الطيب مفطوم
/>وديوان راعيّه منع خير يمناه
/>وديوان بالتدليس والكذب ملغوم
/>وديوان تلقى الصدق يملى زواياه
/>وديوان في شينات الافكار مسموم
/>وديوان فيه العافية والمعافاة
/>وديوان فيه الجهل كومٍ على كوم
/>وديوان فيه العلم راعيه يلقاه
/>ومن شاف نفسه بالدواوين ملزوم
/>ختار ديوانٍ مناسب وينصاه
/>شعر: وليد العمودي
/>مفلح الطواري
/>