نزولاً عند رغبة الكثير من القراء والسؤال الدائم عن من قال هذة القصيدة ننشرها في زاوية من القائل وننتظر ردودكم
/>لا تقطع ارحامك ويشملك الوعيد
/>ولا تخسر الغالي ولا ترخص غلاه
/>واخوك لا تخسره لو انه عيد
/>يخطي مية مرة وتسمح له خطاه
/>وان كان شد الحبل حاول ما تزيد
/>ارخيه قبل الشد يوصل منتهاه
/>ولا تنصحه وقت الزعل ما يستفيد
/>واعرض عليه النصح في ساعة رضاه
/>وليا طلب رايك عطه رأياً سديد
/>وان ما طلبك الراي لا تبحث خفاه
/>واعرف ترى قرب المنازل ما يفيد
/>واحيان يبدي شي ما ودك تراه
/>لكن لا تقرب ولا تنزل بعيد
/>خلك على قول المثل حذفة عصاه
/>واحفظ حبال الود حفظك للوريد
/>اللي معلق فيه موتك والحياة
/>ترى الاخو مهما حصل يبقى عضيد
/>وترى عيال العم ما عنهم غناة
/>الناس دايم ما تهاب اللي وحيد
/>اللي ليا منه وقف محدً معاه
/>