الجرح القديم

لاتزيد الجرح يكفيني القديم
جرحي الأول بقلبي ما برى
لاتحول جنة الحب لجحيم
من يبيع الود عمره ما شرى
كل ما مديت لك كف ٍيتيم
خطوتك يالأسف ترجع ورى
دام عرق الحب في قلبك عقيم؟
لا تعاتبني على شي ٍٍ جرى
شوف حالي من سبب صدك سقيم
وأنت تسمع ونة الحزن وترى
ياتبدلني جحيمك بالنعيم؟؟
وتشفع أيام ٍٍ مضت كنا عشرى
أو تصد وصدتك لاشك ضيم
وشوفة المقفي إليا قفى عرى
الحزن في داخل أعماقي مقيم
والأماني والرجاء تحت الثرى
والعروق جياع والمسرى عتيم
وعن شديد البرد ما نلقى ذرى
ما بقالي يايباس الروح ديم
يرحم الله من على بالي طرى
وما يردك يالكريم الا اللئيم
سو فيني ما تود وما ترى
وزيدني جرح ٍ على الجرح القديم
أن برى... ولا لعله ما برى

خالد المخيديش