| د. سعيد فهمي * |
خلاص كل شيء انكشف وبان ووضحت خطة الخطوة خطوة الجهنمية... الولد في الكوتشينة بيقش اللي على الأرض لكن الشايب أبودقن هو اللي طلع ابن لذينة وقش الأخضر واليابس في الانتخابات التشريعية... امبارح كان الشعب والنهاردة الشورى وكله شرعي وقانوني وعلى عينك يا تاجر وزي ما انت عارف أكل العيش في المجلس يحب الخِفيّة... وليه ما يحصلش كده مدام فيه ناس كانت نايمة في الذرة ولعبوها صح ولهطوا وش الثورة بعد معركة هَم يا جمل وأحداثها الكوميدية... ومدام السادة شباب الثورة يا عيني بعد التنحي كان وراهم ميعاد مع الفضائيات والميكروفونات ونسيوا القضية... ومدام بقينا كلنا فلاسفة ومتثورجين وبقى عندنا ثوار ما شاء الله زي الرز وعلى كل لون في برامج التوك شو الفضائية... ومدام لقينا اللي يبرر ثورجة المولوتوف وحرق التاريخ بمنتهى البساطة وسوء القصد والنية... ومدام بنلاقي حارس مرمى بيتنطط في الفضائيات وبيقبض بالآلافات ونفسه يا عيني يصد أي سبوبة ثورية... ويهاجم مسؤول في الشرطة وزعلان ياعيني من الجنود الغلابة لتصديها للي عاملين ثوار ورايحين يحرقوا الداخلية... واللي كان العدو اللدود للاخوان والسلفيين ودلوقت بيسبح بحمدهم علشان الأستاذ من المرشحين ومحتاج امداد وتمويل للمعركة الرئاسية... والمرشح التاني اياه اللي نفسه ياعيني ينول الرضا وياخد بركة مولانا ويبقى المرشح المحتمل للأغلبية النيابية... مش عارف الناس دي بتنسى ولا الزهايمر بقى وباء في بلدنا وأعراضه بقت موجودة في جينات بعض السادة المرشحين بحكم السن وللا علشان هُم فاكرين نفسهم لسه شباب وبيمثلوا الأغلبية الشعبية... لما تشوف كل ده قدامنا يبقى لازم ننام ونحط في بطوننا بطيخة صيفي بس لازم تكون حمرا وتكون مدبوحهة بطريقة شرعية... الحكاية مش محتاجة فلسفة ولا فذلكة لكن لازم نراجع نفسنا ونشوف مين اللي استفاد واللي بيستفيد واللي لسه حيستفيد واعرف احنا بقينا كده ازاي وليه وايه هو أصل القضية... بص في الصورة كويس ودقق حتلاقي ان صاحب الصوت العالي واللي بيتلوِن حسب الظروف واللي بيشيد بالاسلام السياسي وحكمته هم نفس الوجوه بنفس الأفكار واللي كانوا بيتبرؤا من اخواننا علشان الشُبهة السياسية... فاكر كان كتير من الوجوه الموجودة في الترشيح والاعلام والصحافة بيوصموهم جهارا نهارا بالتطرف والارهاب وقلة الخبرة ودلوقت بيشيدوا بحكمتهم وتاريخهم السياسي وتجاربهم قال ايه الوطنية... الخلاصة لما يكون فيه مجتمع كده ونماذج بالوصف ده يبقى مش غريبة على أصحاب التيار الديني يلهطوا برلمان الشعب ويحلٌوا بالشورى في مهرجان اللوغاريتمات الانتخابية... قالوها كلمة وكانت حكمة واستهترنا بيها وقلنا مغرورين وأتاريها مش كلمة لكن كانت أُمنية مزروعة جواهم ورغبة حقيقية... مبروك للحاج فهمي الشورى ومولانا الكتاتني الشعب ولهم حق يتصوروا في الجرائد بيضحكوا على خيبة أمل كل أصحاب الشعارات السياسية... اللعبة لسه ما خلصتش والعين بقت تجهيز حكومة في التو واللحظة تحت شعار وأطيعوا أولي الأمر وأصحاب الأغلبية البرلمانية... مفيش واحد عنده حجة مش دول هم اللي بيمثلوا الشعب يبقى من حقهم كمان يلهطوا كراسي الحكومة الانتقالية... ما هو لازم يحصل كده علشان أسيادنا يقعدوا ويتفرغوا للهبرة الكبيرة اللي عليها العين والنية... ويقولوا احنا زاهدين في الحُكم والسُلطة وهم حاسبينها من زمان ومجهزين الريس الجديد وكمان النائب بتاعه تمام زي توزيعة اللجان التشريعية... الريس القادم لازم يكون كامل المواصفات ويدين بالسمع والطاعة لاخواننا اياهم وتحت بند يا عزيزي كلنا لازم نكون اخوان في المسؤولية... أما نائبه لازم يكون في قلبه نور وفي وجهه نور حسب ترتيب الأصوات أو توزيع الغنائم في المعارك الانتخابية... شفت بقى الناس دي ماشية ازاي وازاي مفيش عندها هزار والشباب بتوع الميدان نايمين في العسل مع عادل امام مع الـمُزة بطلة الفيلم اللي كانت زي المهلبية... يا أخي غريبة أتاري فيه ناس شرقانة سُلطة وساعة الجد يروحوا ويلحسوا أي وعد يبعدهم عن أمنيتهم في الحكم مهما أقسموا ومهما كان الجدل حول خطتهم السرية... المشكلة الفعلية انك قدام تيار مُنظم وماشي معاك بقانونك اللي وضعه بهوات مرحلة الحُكم الماضي صاحب شعار التوريث والمنظومة العائلية... معلش تبقى ثورة وتقسم لغيرك وكفاية عليك تروح تسب العسكر حُماة الوطن أو تروح تحرق الداخلية... مش قالوا في الأمثال فيه ناس بتتثورج ولا تكسبش وناس بتكسب من غير ثورة وأتاري مش كفاية تموت في الميدان أو تنفقع عينك بخرطوش أو رصاصة مطاطية... يا ترى عرفت كلمة السر وازاي تكسب من غير مجهود وللا لسة حتتلهي على عينك وتشتم عالفيس بوك أو تنشر ذم في العسكر وتتهمهم بالتفريط وعدم الحصول على شهادة الايزو في ادارة الفترة الانتقالية... أرجوك خُد بالك من كلامي قبل مايقصفوا قلمي ويكسروا راسي بعد اكتمال الرباعي المأمول الشعب والشورى والحكومة والرئاسية... يا عم روووووح وتقولي ثورة طب بأمارة ايه وفين شباب الثورة حتى الثورة الأمورة نفسها فين هي... عليه العوض ومنه العوض وأهي دقني أهه لو تنازلوا عن الحكم حتى لو بحجة القسمة التوافقية... السلام عليكم وأشوفك باذن الله بعد خمس سنين لكن صدقوني حتلاقيهم في كل مكان بحجة التغيير والتجربة لكن الأكيد حتكون الأمور زي ما هي... يا ترى مين السبب خيابة أهل الميدان وللا شطارة اخواننا اياهم لكن مش مهم السبب المهم مين حيكون الضحية... الله يعوًض علينا ويحرس من اهمالنا وتفريطنا في حقوقنا أم الدنيا بهية... اللهم أحرس المحروسة واحميها من اللي بيضحكوا علينا بقال الله وقال الرسول تحت بند صندوق الانتخاب والأغلبية والشرعية... اللهم احفظ بهية يااااااارب تحفظ بهية... !!
Said_elmasryfahmy@hotmail.com
خلاص كل شيء انكشف وبان ووضحت خطة الخطوة خطوة الجهنمية... الولد في الكوتشينة بيقش اللي على الأرض لكن الشايب أبودقن هو اللي طلع ابن لذينة وقش الأخضر واليابس في الانتخابات التشريعية... امبارح كان الشعب والنهاردة الشورى وكله شرعي وقانوني وعلى عينك يا تاجر وزي ما انت عارف أكل العيش في المجلس يحب الخِفيّة... وليه ما يحصلش كده مدام فيه ناس كانت نايمة في الذرة ولعبوها صح ولهطوا وش الثورة بعد معركة هَم يا جمل وأحداثها الكوميدية... ومدام السادة شباب الثورة يا عيني بعد التنحي كان وراهم ميعاد مع الفضائيات والميكروفونات ونسيوا القضية... ومدام بقينا كلنا فلاسفة ومتثورجين وبقى عندنا ثوار ما شاء الله زي الرز وعلى كل لون في برامج التوك شو الفضائية... ومدام لقينا اللي يبرر ثورجة المولوتوف وحرق التاريخ بمنتهى البساطة وسوء القصد والنية... ومدام بنلاقي حارس مرمى بيتنطط في الفضائيات وبيقبض بالآلافات ونفسه يا عيني يصد أي سبوبة ثورية... ويهاجم مسؤول في الشرطة وزعلان ياعيني من الجنود الغلابة لتصديها للي عاملين ثوار ورايحين يحرقوا الداخلية... واللي كان العدو اللدود للاخوان والسلفيين ودلوقت بيسبح بحمدهم علشان الأستاذ من المرشحين ومحتاج امداد وتمويل للمعركة الرئاسية... والمرشح التاني اياه اللي نفسه ياعيني ينول الرضا وياخد بركة مولانا ويبقى المرشح المحتمل للأغلبية النيابية... مش عارف الناس دي بتنسى ولا الزهايمر بقى وباء في بلدنا وأعراضه بقت موجودة في جينات بعض السادة المرشحين بحكم السن وللا علشان هُم فاكرين نفسهم لسه شباب وبيمثلوا الأغلبية الشعبية... لما تشوف كل ده قدامنا يبقى لازم ننام ونحط في بطوننا بطيخة صيفي بس لازم تكون حمرا وتكون مدبوحهة بطريقة شرعية... الحكاية مش محتاجة فلسفة ولا فذلكة لكن لازم نراجع نفسنا ونشوف مين اللي استفاد واللي بيستفيد واللي لسه حيستفيد واعرف احنا بقينا كده ازاي وليه وايه هو أصل القضية... بص في الصورة كويس ودقق حتلاقي ان صاحب الصوت العالي واللي بيتلوِن حسب الظروف واللي بيشيد بالاسلام السياسي وحكمته هم نفس الوجوه بنفس الأفكار واللي كانوا بيتبرؤا من اخواننا علشان الشُبهة السياسية... فاكر كان كتير من الوجوه الموجودة في الترشيح والاعلام والصحافة بيوصموهم جهارا نهارا بالتطرف والارهاب وقلة الخبرة ودلوقت بيشيدوا بحكمتهم وتاريخهم السياسي وتجاربهم قال ايه الوطنية... الخلاصة لما يكون فيه مجتمع كده ونماذج بالوصف ده يبقى مش غريبة على أصحاب التيار الديني يلهطوا برلمان الشعب ويحلٌوا بالشورى في مهرجان اللوغاريتمات الانتخابية... قالوها كلمة وكانت حكمة واستهترنا بيها وقلنا مغرورين وأتاريها مش كلمة لكن كانت أُمنية مزروعة جواهم ورغبة حقيقية... مبروك للحاج فهمي الشورى ومولانا الكتاتني الشعب ولهم حق يتصوروا في الجرائد بيضحكوا على خيبة أمل كل أصحاب الشعارات السياسية... اللعبة لسه ما خلصتش والعين بقت تجهيز حكومة في التو واللحظة تحت شعار وأطيعوا أولي الأمر وأصحاب الأغلبية البرلمانية... مفيش واحد عنده حجة مش دول هم اللي بيمثلوا الشعب يبقى من حقهم كمان يلهطوا كراسي الحكومة الانتقالية... ما هو لازم يحصل كده علشان أسيادنا يقعدوا ويتفرغوا للهبرة الكبيرة اللي عليها العين والنية... ويقولوا احنا زاهدين في الحُكم والسُلطة وهم حاسبينها من زمان ومجهزين الريس الجديد وكمان النائب بتاعه تمام زي توزيعة اللجان التشريعية... الريس القادم لازم يكون كامل المواصفات ويدين بالسمع والطاعة لاخواننا اياهم وتحت بند يا عزيزي كلنا لازم نكون اخوان في المسؤولية... أما نائبه لازم يكون في قلبه نور وفي وجهه نور حسب ترتيب الأصوات أو توزيع الغنائم في المعارك الانتخابية... شفت بقى الناس دي ماشية ازاي وازاي مفيش عندها هزار والشباب بتوع الميدان نايمين في العسل مع عادل امام مع الـمُزة بطلة الفيلم اللي كانت زي المهلبية... يا أخي غريبة أتاري فيه ناس شرقانة سُلطة وساعة الجد يروحوا ويلحسوا أي وعد يبعدهم عن أمنيتهم في الحكم مهما أقسموا ومهما كان الجدل حول خطتهم السرية... المشكلة الفعلية انك قدام تيار مُنظم وماشي معاك بقانونك اللي وضعه بهوات مرحلة الحُكم الماضي صاحب شعار التوريث والمنظومة العائلية... معلش تبقى ثورة وتقسم لغيرك وكفاية عليك تروح تسب العسكر حُماة الوطن أو تروح تحرق الداخلية... مش قالوا في الأمثال فيه ناس بتتثورج ولا تكسبش وناس بتكسب من غير ثورة وأتاري مش كفاية تموت في الميدان أو تنفقع عينك بخرطوش أو رصاصة مطاطية... يا ترى عرفت كلمة السر وازاي تكسب من غير مجهود وللا لسة حتتلهي على عينك وتشتم عالفيس بوك أو تنشر ذم في العسكر وتتهمهم بالتفريط وعدم الحصول على شهادة الايزو في ادارة الفترة الانتقالية... أرجوك خُد بالك من كلامي قبل مايقصفوا قلمي ويكسروا راسي بعد اكتمال الرباعي المأمول الشعب والشورى والحكومة والرئاسية... يا عم روووووح وتقولي ثورة طب بأمارة ايه وفين شباب الثورة حتى الثورة الأمورة نفسها فين هي... عليه العوض ومنه العوض وأهي دقني أهه لو تنازلوا عن الحكم حتى لو بحجة القسمة التوافقية... السلام عليكم وأشوفك باذن الله بعد خمس سنين لكن صدقوني حتلاقيهم في كل مكان بحجة التغيير والتجربة لكن الأكيد حتكون الأمور زي ما هي... يا ترى مين السبب خيابة أهل الميدان وللا شطارة اخواننا اياهم لكن مش مهم السبب المهم مين حيكون الضحية... الله يعوًض علينا ويحرس من اهمالنا وتفريطنا في حقوقنا أم الدنيا بهية... اللهم أحرس المحروسة واحميها من اللي بيضحكوا علينا بقال الله وقال الرسول تحت بند صندوق الانتخاب والأغلبية والشرعية... اللهم احفظ بهية يااااااارب تحفظ بهية... !!
Said_elmasryfahmy@hotmail.com