| د. سعيد فهمي |
ألا أونا... ألا دو... ألا تري... فُتح المزاد... !! قَرب قَرب وتعالى وشوف وطن بيبعوه ولاده برخص التراب... تعالوا وشوفوا ناس بتحرق بلدها وبمنتهى الإمعان في الكراهية وبينعقوا فينا زي الغراب... وحوش في هيئة بشر اللي بيحرق واللي بيقتل واللي بيسحل واللي عاوز يهدد هيبة الدولة ويفرض علينا أسلوب الغاب... أتاري البلد دي مرصودة وأتاريها مُحاطة بعدو من الخارج لكن الأخطر من اللي جواها واللي قاعدين ينهشوا فيها بحجة اللوم والعتاب... أتاري مش كفاية علينا وقف الحال ونزف المال ووقف حال الاقتصاد لكن كمان احراق ومولوتوف وأطفال شوارع وضحايا من رصيد الوطن من الجنود والشباب... مين اللي قال ان الصورة اللي بنشوفها هي ثورة أو مظاهرة هو من امتى كان عنوان أي ثورة يبقى هو الخراب... يا خسارة عليكي يا بلد لما ولادك يعملوا فيها وطنيين ويقعدوا يزايدوا عليكي وهم شايفين نار الفتنة على بُعد خطوة من الباب... ياخسارة عليكي يا بلد لما يبقىاعلامك ومثقفينك واللي عاملين ناشطين يروحوا يخلوا الصورة هَم وكرب وحياتنا هباب في هباب... وده وارد وممكن مدام فيه ناس ممكن تحرق وتقتل علشان 50 جنيه أو حتة لحمة أو حتى أكلة كباب... تعالى وشوف نتيجة الدلع والطبطبة والنمل لما يطلع له أسنان مسوسة وأنياب... كان لازم يحصل كده مع غياب حزم الادارة وسوء الحزم والاطمئنان لكلمة شرف من ناس اتعودوا على المراوغة وعشق الأنا والذات وهمجية من غير عتاب... صعب لما تغيب الحكمة في ادارة الأزمات وأصعب نسيب مشاعرنا لاعلام مغلوط وناس بيقولوا عن نفسهم نشطاء ومثقفين بيدوروا عن دور وعاوزين يسوقونا زي الغنم والدواب... المزاد انفتح ياللا يا مشتاق تعالى واخرب لك حاجة وخُد لك صورة مع مبنى محروق أو تاريخ بيدمروه أو اطلع في برنامج علشان يلمعوك يمكن في يوم تبقى واحد من النواب... يا خسارة كانت زمان بلدنا كل ما تزيد في العمر نشعر وكأنها شابة مش عارف ليه حاسس دلوقت ان الوطن شعرُه شاب... !! قرب قرب وتعالى وشوف لما البلد ولادها بيفضحوها عالفضائيات وفي الشارع بيشعللوها وبيزيدوا فيها النار واللهيب... وكأن دود الأرض طلع من جحوره علشان ينهش فينا ويزرع الفتنة والخراب ويخلي الوطن حزين مقهور كئيب... تعالى شوف بانوراما الميدان وناس على كل شكل ولون اللي لابس خوزة واللي لابس كوفية واللي لابسين أقنعة على وجوههم واللي لابسين جلاليب... الميدان مليان بكل شكل ولون اللي بيقولوا عليه من الناشطين واللي صدق انه اعلامي واللي مرشح في الانتخابات واللي عامل فيها مثقف وأديب... ماحدش بقى عارف حاجة ولا فاهم ايه اللي بيحصل لكن الأكيد ان حوالينا ناس ليها مخطط مسبوق ومدروس وخطط ممنهجة وخرائط جاهزة موجودة من زمان في الدواليب... خد بالك واتعلم درس من اللي بيحصل واللي حيحصل واعرف ان ده جزاء قلة الخبرة واللي بيصنع ثورة هُواه من غير تشطيب... أكيد حيبقى سؤال غبي للي بيسأل من مصلحة مين اللي بيحصل ومين اللي عاوزها فوضى وان الشرعية عنها تضيع وتغيب... خليها ثورة أوخليها فوضى أو خليها زي ما انت عاوز وخلينا نتفرج ونشوف العدو من الحبيب... لكن مش علشان واثقين انها محروسة يبقى نسيبها تتوه عن عنينا أحسن تضيع من أيدينا وزي ما بيقولوا مرة تصيب ومرة تخيب... !!
اللي بيحصل في بلادي شيء غير مسبوق وخلي كل واحد مش مصدق اللي بيشوفه وقاعد بيفكر في الأحداث حزين مذهول... السيناريوهات وحفلات المزاد اللي على مستقبل المحروسة زادت عن حدها وأصبحت فوق المعقول... المزايدة على استقرار الوطن ونهشه على الفضائيات ومستوى التخريب واثارة الفتن شيء همجي وغير مقبول... صعب لما نشوف مصالحنا من خرم ابرة وننسى مستقبل وطننا لكن لازم كان يحصل كده مدام الرؤية غايبة والفكر مقفول... للأسف حوار الطرشان لسة مٌسَيطر على كل الأطراف والود خلاص غاب والغربان زادوا حوالينا والخطر عالباب وبقينا في انتظار انذار بعلم الوصول... صعب نفرط بغباوتنا في مصير وطن بناه أجدادنا بالعرق والدم وزرعوا فيه المجد والعزة وتيجي الأحفاد تبيعه بتراب الفلوس وتفرط ببلاش في المحصول... للأسف اللي بيحصل فينا ده الكل ودون استثناء عنه أكيد مسؤول... كان لازم يحصل كده مدام لسة بنفكر بس في مصالحنا وغرائزنا ولغينا من قاموس حياتنا التفكير بالعقول... ياترى هو السبب مين رخاوة العسكر ولا طيور الظلام ولا أنصاف المثقفين والاعلام الرخيص ولا أكل الفول... ربنا يسترها وتمر الأيام عليها وعلينا بخير ويكفيها ويكفينا شر الناشطين السيس وأدعياء الثورجة واللي فيها لأخفيها واللي بيفكر بعقول العجول... صعب قوي وعيب على أي واحد عامل فيها ثورجي ويوهموه وكأنه صاحب قضية وهو للأسف مضحوك عليه دلدول... آآآآآه ياوطن ياريتك تقفل مزادك علينا كلنا وتبيعنا في سوق التلات لأنه للأسف أتاريك طلعت كتير قوي علينا والظاهر طلعنا كلنا ومن دون استثناء فلول... !!
said_elmasryfahmy@hotmail.com
ألا أونا... ألا دو... ألا تري... فُتح المزاد... !! قَرب قَرب وتعالى وشوف وطن بيبعوه ولاده برخص التراب... تعالوا وشوفوا ناس بتحرق بلدها وبمنتهى الإمعان في الكراهية وبينعقوا فينا زي الغراب... وحوش في هيئة بشر اللي بيحرق واللي بيقتل واللي بيسحل واللي عاوز يهدد هيبة الدولة ويفرض علينا أسلوب الغاب... أتاري البلد دي مرصودة وأتاريها مُحاطة بعدو من الخارج لكن الأخطر من اللي جواها واللي قاعدين ينهشوا فيها بحجة اللوم والعتاب... أتاري مش كفاية علينا وقف الحال ونزف المال ووقف حال الاقتصاد لكن كمان احراق ومولوتوف وأطفال شوارع وضحايا من رصيد الوطن من الجنود والشباب... مين اللي قال ان الصورة اللي بنشوفها هي ثورة أو مظاهرة هو من امتى كان عنوان أي ثورة يبقى هو الخراب... يا خسارة عليكي يا بلد لما ولادك يعملوا فيها وطنيين ويقعدوا يزايدوا عليكي وهم شايفين نار الفتنة على بُعد خطوة من الباب... ياخسارة عليكي يا بلد لما يبقىاعلامك ومثقفينك واللي عاملين ناشطين يروحوا يخلوا الصورة هَم وكرب وحياتنا هباب في هباب... وده وارد وممكن مدام فيه ناس ممكن تحرق وتقتل علشان 50 جنيه أو حتة لحمة أو حتى أكلة كباب... تعالى وشوف نتيجة الدلع والطبطبة والنمل لما يطلع له أسنان مسوسة وأنياب... كان لازم يحصل كده مع غياب حزم الادارة وسوء الحزم والاطمئنان لكلمة شرف من ناس اتعودوا على المراوغة وعشق الأنا والذات وهمجية من غير عتاب... صعب لما تغيب الحكمة في ادارة الأزمات وأصعب نسيب مشاعرنا لاعلام مغلوط وناس بيقولوا عن نفسهم نشطاء ومثقفين بيدوروا عن دور وعاوزين يسوقونا زي الغنم والدواب... المزاد انفتح ياللا يا مشتاق تعالى واخرب لك حاجة وخُد لك صورة مع مبنى محروق أو تاريخ بيدمروه أو اطلع في برنامج علشان يلمعوك يمكن في يوم تبقى واحد من النواب... يا خسارة كانت زمان بلدنا كل ما تزيد في العمر نشعر وكأنها شابة مش عارف ليه حاسس دلوقت ان الوطن شعرُه شاب... !! قرب قرب وتعالى وشوف لما البلد ولادها بيفضحوها عالفضائيات وفي الشارع بيشعللوها وبيزيدوا فيها النار واللهيب... وكأن دود الأرض طلع من جحوره علشان ينهش فينا ويزرع الفتنة والخراب ويخلي الوطن حزين مقهور كئيب... تعالى شوف بانوراما الميدان وناس على كل شكل ولون اللي لابس خوزة واللي لابس كوفية واللي لابسين أقنعة على وجوههم واللي لابسين جلاليب... الميدان مليان بكل شكل ولون اللي بيقولوا عليه من الناشطين واللي صدق انه اعلامي واللي مرشح في الانتخابات واللي عامل فيها مثقف وأديب... ماحدش بقى عارف حاجة ولا فاهم ايه اللي بيحصل لكن الأكيد ان حوالينا ناس ليها مخطط مسبوق ومدروس وخطط ممنهجة وخرائط جاهزة موجودة من زمان في الدواليب... خد بالك واتعلم درس من اللي بيحصل واللي حيحصل واعرف ان ده جزاء قلة الخبرة واللي بيصنع ثورة هُواه من غير تشطيب... أكيد حيبقى سؤال غبي للي بيسأل من مصلحة مين اللي بيحصل ومين اللي عاوزها فوضى وان الشرعية عنها تضيع وتغيب... خليها ثورة أوخليها فوضى أو خليها زي ما انت عاوز وخلينا نتفرج ونشوف العدو من الحبيب... لكن مش علشان واثقين انها محروسة يبقى نسيبها تتوه عن عنينا أحسن تضيع من أيدينا وزي ما بيقولوا مرة تصيب ومرة تخيب... !!
اللي بيحصل في بلادي شيء غير مسبوق وخلي كل واحد مش مصدق اللي بيشوفه وقاعد بيفكر في الأحداث حزين مذهول... السيناريوهات وحفلات المزاد اللي على مستقبل المحروسة زادت عن حدها وأصبحت فوق المعقول... المزايدة على استقرار الوطن ونهشه على الفضائيات ومستوى التخريب واثارة الفتن شيء همجي وغير مقبول... صعب لما نشوف مصالحنا من خرم ابرة وننسى مستقبل وطننا لكن لازم كان يحصل كده مدام الرؤية غايبة والفكر مقفول... للأسف حوار الطرشان لسة مٌسَيطر على كل الأطراف والود خلاص غاب والغربان زادوا حوالينا والخطر عالباب وبقينا في انتظار انذار بعلم الوصول... صعب نفرط بغباوتنا في مصير وطن بناه أجدادنا بالعرق والدم وزرعوا فيه المجد والعزة وتيجي الأحفاد تبيعه بتراب الفلوس وتفرط ببلاش في المحصول... للأسف اللي بيحصل فينا ده الكل ودون استثناء عنه أكيد مسؤول... كان لازم يحصل كده مدام لسة بنفكر بس في مصالحنا وغرائزنا ولغينا من قاموس حياتنا التفكير بالعقول... ياترى هو السبب مين رخاوة العسكر ولا طيور الظلام ولا أنصاف المثقفين والاعلام الرخيص ولا أكل الفول... ربنا يسترها وتمر الأيام عليها وعلينا بخير ويكفيها ويكفينا شر الناشطين السيس وأدعياء الثورجة واللي فيها لأخفيها واللي بيفكر بعقول العجول... صعب قوي وعيب على أي واحد عامل فيها ثورجي ويوهموه وكأنه صاحب قضية وهو للأسف مضحوك عليه دلدول... آآآآآه ياوطن ياريتك تقفل مزادك علينا كلنا وتبيعنا في سوق التلات لأنه للأسف أتاريك طلعت كتير قوي علينا والظاهر طلعنا كلنا ومن دون استثناء فلول... !!
said_elmasryfahmy@hotmail.com