شاعر يعشقه الشعر وتشوم لنظمه القوافي نص يحمل العزة نفسها والشموخ والتواضع بعزة نفس انه عطية البدري.**
ذكرتك والحشى مجلس ضيافه والهموم ضيوف
وانا مجبور لو مالي مزاج اضحك مع ضيوفي
ومن باب المعزب في ضيوفه ديماً مكلوف
أعمر دلتي وسط الخفوق ويشتعل جوفي
كأني فوق صدري قد كتبت اغاثة الملهوف
ولا غير الهموم اللي تدكه تفهم حروفي
تهل مزون حزني في غيابك والضيا مكسوف
مثل مزن البلاد اللي تسمّي بنّها كوفي
يا ليتك تستمع لي يوم ناديتك تعال وشوف
ولكن القدر مني خذاك وشانت ظروفي
انا يا بوي ما احسب للزمان اللي يسل سيوف
بعد هم الصديق اللي يحاول يكسر سيوفي
يكم زله تمر قبال عيني كنّي المكفوف
اغض الطرف عنها بالرضى واشّر لها طوفي
عشقت الصوف لكن وين سوقك يا عتيق الصوف
ابا ابيع البريسم واشتريك بكل مصروفي
مضى عمري وانا ما غير اكرر ليت والا سوف
وانا ادري ليت هذي ما تناسبني ولا توفي
ذكرتك والزمن مدة بخيل ولا معاه كفوف
وانا والله اموت ولا أمد لمثله كفوفي
شعر:عطية الكوح البدري
ذكرتك والحشى مجلس ضيافه والهموم ضيوف
وانا مجبور لو مالي مزاج اضحك مع ضيوفي
ومن باب المعزب في ضيوفه ديماً مكلوف
أعمر دلتي وسط الخفوق ويشتعل جوفي
كأني فوق صدري قد كتبت اغاثة الملهوف
ولا غير الهموم اللي تدكه تفهم حروفي
تهل مزون حزني في غيابك والضيا مكسوف
مثل مزن البلاد اللي تسمّي بنّها كوفي
يا ليتك تستمع لي يوم ناديتك تعال وشوف
ولكن القدر مني خذاك وشانت ظروفي
انا يا بوي ما احسب للزمان اللي يسل سيوف
بعد هم الصديق اللي يحاول يكسر سيوفي
يكم زله تمر قبال عيني كنّي المكفوف
اغض الطرف عنها بالرضى واشّر لها طوفي
عشقت الصوف لكن وين سوقك يا عتيق الصوف
ابا ابيع البريسم واشتريك بكل مصروفي
مضى عمري وانا ما غير اكرر ليت والا سوف
وانا ادري ليت هذي ما تناسبني ولا توفي
ذكرتك والزمن مدة بخيل ولا معاه كفوف
وانا والله اموت ولا أمد لمثله كفوفي
شعر:عطية الكوح البدري