وارث الطيب

الشاعر الجميل محمد الدبيس وبعد غياب، يعود للاشراق مجدداً، من خلال نص جميل ومميز في سجايا الزميل العزيز نصار الخمسان الذي يستحق المدح وأكثر...!
ياليت كل الناس مثلك وشرواك
يالفضلي وافي زود مابك عذاريب
ياجعل يا بوخالد اللاش يفداك
يا وارث النوماس ويا وارث الطيب
نصار ابطلب خالق الخلق يجزاك
بالخير كله طالبه عالم الغيب
وبأطلبه من كل الأمراض يا قاك
في عافيه مهما غزا راسك الشيب
عندي رفيع الشان والرّب عللاك
عمٍ ولو دمّك من أقصى لجانيب
نصار كل الناس حبّوا سجاياك
وانشهد انك كاملٍ مابك العيب
يا طيب ساسك والفعايل وملقاك
واخلاقك الحلوة عظيمة بلا ريب
وسعود وخالد يوم يمشون ممشاك
ماهي غريبة وارثين المواجيب
الراك ما تنبت سوى مثلها راك
والليث ما ينجب فهودٍ ولا ذيب
هذي على هذي وهذا على ذاك
خلقة عظيمٍ رتّب الكون ترتيب
يالله ياللي رابحٍ من ترجّاك
يا لله عسى نصار ما شمسه تغيب

محمد الدبيس