مازالت اوراق الشاعر الجميل نايف صقر، من أجمل الأوراق شعرا وعشقا في كتاب الشعر، فهو من أكثر الأسماء جنوحا نحو التميز في كتاباته.
هنا بعض تلك الأوراق المميزة التي تكشف الكثير من أناقة المشاعر في مساء الشعر.
زيارة
الناس تقدر تزورك وانت فـ المشفى
وأنا اعذرك واحسد المرضى سرايرها
عليل كان النسيم ومرّ بك واقفى
طيب كأنه صبا نجد لحواضرها
يا ناعم فالفصول وفالكلام ادفى
من طارى النار في يابس مكاسرها
بسهاد اجمعك فعيوني عشان أغفى
ويسهرني الحسن فطيوفك وأسامرها
والدمع ياما همى من نبضة وطفى
على المناديل ببكاها وماطرها
أوطان كل القلوب وقلبك المنفى
وأعود له من دروبي قبل اسافرها
دعوات الأحباب فسلال الزهر ترفى
إصغيّرات الجروح اللي نكبّرها
وأنا أرجى الله تطيب وخاطرك يشفى
وتفارق الباس والمرضى سرايرها
خماسين... الوله
القلب كل أرباعه خليّ وعروق
يقرى به الضامي قصيدة سرابه
للريح في رمله تباريح وحروق
وتلعب خماسين الوله في ترابه
ومع القلم دنّ ابيض الطرس يا صفوق
راع الهوى ما جابن الورق جابه
لو ما النحل لحكاية الشهد مخلوق
ما كمرّم الله العسل في كتابه
لو للسحايب ياطويل الهدب سوق
شريت لك برق رهيف وسحابه
هتانها يا صاحبي لو هطل فوق
اخضرت اطراف السما من عتابه
شاعر عيونك لا كتب فيك طاروق
تختال ازارير الزهر في ثيابه
ما تنبت الفرقا بختري ورقروق
ولا تشرح الصدر الحزين الربابه
وكان انكرت صوتي وتوديهي النوق
بموت من قل الوفا والصبابه
يا أسباب ما أعاني من الوجد والشوق
من غبت وجروحك بقلبي تشابه
دروبك يالسهر
سقيت أرض السهر ليلٍ قراح ولا نبت مرقاد
وانا بالي جريد للغرام و... ورقْ هوجاسه
تقول ان النظر محسود ورموش التعب حساد
تقول ان القلق بين المحاني صبّ وسواسه
جراد الهم لا يرعى عروقي والجروح جداد
وعنق الريم لا يشرب فراقي والجفا كاسه
حشاي وغيبته عني سيوف مرهفه وغماد
وقلبي حابسه لمواجهه والشوق حباّسه
حبيبي مالقى البردان لجروحك دفا وضماد
سوى نار الثمام من الحروف ورمث قرطاسه
كسرها في نجر باله حمسها والهوى وقاد
على جمر القوافي قلبه البردان محماسه
يبي تشرب عيونك دلته والهيل والميعاد
ولا وده تنحى والغريق يوزع انفاسه
دروبك يالسهر ما وصلتني ديرة المرقاد
وانا بالي جريدٍ للغرام و... ورقْ هوجاسه
خيره
خلص كل الكلام ولا بقى غير القصيد عتاب
نشف وجه الجراح ولا بقى غير السهر راحه
سلامات تطولك لا تجيني خايف مرتاب
ترى لك وحشة مثل الظلام ان مات مصباحه
ترى لعيوني اكثر من صديق وللخفوق احباب
اشوفك تختصرهم في خفوقي يا أول جراحه
على هونك ترفق ياشتاي البارد الكذاب
تراها قفلتين... الطعنتين... ان قلت ذباحه
بـ أشوفك بـ المحك بـ اتذكرك لا غابوا الغيّاب
وابا اصرخ من حشاي ورحلة الغفران تفاحه
الا ياكبرها وانتي وأنا واثنينا الاغراب
على قلب خساير غيرته في ذمة ارباحه
رهنت لغيبتك ظل نحيل ودمعتين وباب
على قلبي قفلته والوفا همّه ومفتاحه
تفضل نعمة النسيان ما ابغىلا ابتعدت اصحاب
عطاياك القديمة والجديد الياس وارماحه
بقي طيف بـ احرسه في عيوني لك عليه اهداب
ولاني حاجبه ياوجهته لا هداك مرواحه
خلص كل الكلام اهديت لك لون الوداع خضاب
مهر كف دفاها من عذاب مصافحي راحه
نسيان
لو... ما سليتك ما نسيت وتذكرت
ولو ما انجرحت من الجفا ما بريتك
للغيث دارك لو قسيت وتكبرت
ياللي كتبتك من غلاك وقريتك
ياما نزفتك يا هواي وتكدرت
وياما غفت شمس الهجوس وسريتك
وان لا عني هجرك جحدت وتصبرت
وان سولفت عنك القصايد حكيتك
قلبي مقيلك يالغزال ان تذيرت
والله يبيحك يالقراح ان ظميتك
يا صاحبي ياللي قسيت وتكاثرت
وصلك عليّ... ومهجتي سقف بيتك
انا حبيبك لا انتشيت وتحيرت
وانا جفاك ادمى حشاي وجفيك
وألا انت جبري... لا انهدمت وتكسّرت
فوق الورق لابحت فيك وكنيتك
هنا بعض تلك الأوراق المميزة التي تكشف الكثير من أناقة المشاعر في مساء الشعر.
زيارة
الناس تقدر تزورك وانت فـ المشفى
وأنا اعذرك واحسد المرضى سرايرها
عليل كان النسيم ومرّ بك واقفى
طيب كأنه صبا نجد لحواضرها
يا ناعم فالفصول وفالكلام ادفى
من طارى النار في يابس مكاسرها
بسهاد اجمعك فعيوني عشان أغفى
ويسهرني الحسن فطيوفك وأسامرها
والدمع ياما همى من نبضة وطفى
على المناديل ببكاها وماطرها
أوطان كل القلوب وقلبك المنفى
وأعود له من دروبي قبل اسافرها
دعوات الأحباب فسلال الزهر ترفى
إصغيّرات الجروح اللي نكبّرها
وأنا أرجى الله تطيب وخاطرك يشفى
وتفارق الباس والمرضى سرايرها
خماسين... الوله
القلب كل أرباعه خليّ وعروق
يقرى به الضامي قصيدة سرابه
للريح في رمله تباريح وحروق
وتلعب خماسين الوله في ترابه
ومع القلم دنّ ابيض الطرس يا صفوق
راع الهوى ما جابن الورق جابه
لو ما النحل لحكاية الشهد مخلوق
ما كمرّم الله العسل في كتابه
لو للسحايب ياطويل الهدب سوق
شريت لك برق رهيف وسحابه
هتانها يا صاحبي لو هطل فوق
اخضرت اطراف السما من عتابه
شاعر عيونك لا كتب فيك طاروق
تختال ازارير الزهر في ثيابه
ما تنبت الفرقا بختري ورقروق
ولا تشرح الصدر الحزين الربابه
وكان انكرت صوتي وتوديهي النوق
بموت من قل الوفا والصبابه
يا أسباب ما أعاني من الوجد والشوق
من غبت وجروحك بقلبي تشابه
دروبك يالسهر
سقيت أرض السهر ليلٍ قراح ولا نبت مرقاد
وانا بالي جريد للغرام و... ورقْ هوجاسه
تقول ان النظر محسود ورموش التعب حساد
تقول ان القلق بين المحاني صبّ وسواسه
جراد الهم لا يرعى عروقي والجروح جداد
وعنق الريم لا يشرب فراقي والجفا كاسه
حشاي وغيبته عني سيوف مرهفه وغماد
وقلبي حابسه لمواجهه والشوق حباّسه
حبيبي مالقى البردان لجروحك دفا وضماد
سوى نار الثمام من الحروف ورمث قرطاسه
كسرها في نجر باله حمسها والهوى وقاد
على جمر القوافي قلبه البردان محماسه
يبي تشرب عيونك دلته والهيل والميعاد
ولا وده تنحى والغريق يوزع انفاسه
دروبك يالسهر ما وصلتني ديرة المرقاد
وانا بالي جريدٍ للغرام و... ورقْ هوجاسه
خيره
خلص كل الكلام ولا بقى غير القصيد عتاب
نشف وجه الجراح ولا بقى غير السهر راحه
سلامات تطولك لا تجيني خايف مرتاب
ترى لك وحشة مثل الظلام ان مات مصباحه
ترى لعيوني اكثر من صديق وللخفوق احباب
اشوفك تختصرهم في خفوقي يا أول جراحه
على هونك ترفق ياشتاي البارد الكذاب
تراها قفلتين... الطعنتين... ان قلت ذباحه
بـ أشوفك بـ المحك بـ اتذكرك لا غابوا الغيّاب
وابا اصرخ من حشاي ورحلة الغفران تفاحه
الا ياكبرها وانتي وأنا واثنينا الاغراب
على قلب خساير غيرته في ذمة ارباحه
رهنت لغيبتك ظل نحيل ودمعتين وباب
على قلبي قفلته والوفا همّه ومفتاحه
تفضل نعمة النسيان ما ابغىلا ابتعدت اصحاب
عطاياك القديمة والجديد الياس وارماحه
بقي طيف بـ احرسه في عيوني لك عليه اهداب
ولاني حاجبه ياوجهته لا هداك مرواحه
خلص كل الكلام اهديت لك لون الوداع خضاب
مهر كف دفاها من عذاب مصافحي راحه
نسيان
لو... ما سليتك ما نسيت وتذكرت
ولو ما انجرحت من الجفا ما بريتك
للغيث دارك لو قسيت وتكبرت
ياللي كتبتك من غلاك وقريتك
ياما نزفتك يا هواي وتكدرت
وياما غفت شمس الهجوس وسريتك
وان لا عني هجرك جحدت وتصبرت
وان سولفت عنك القصايد حكيتك
قلبي مقيلك يالغزال ان تذيرت
والله يبيحك يالقراح ان ظميتك
يا صاحبي ياللي قسيت وتكاثرت
وصلك عليّ... ومهجتي سقف بيتك
انا حبيبك لا انتشيت وتحيرت
وانا جفاك ادمى حشاي وجفيك
وألا انت جبري... لا انهدمت وتكسّرت
فوق الورق لابحت فيك وكنيتك