نية سفر
لي شهر وشوي عيني محاربهـا المنـام
ودي احضـر جـوازي وادورلـي خـوي
بينـي وبينـه مسافـات وحـدود ونظـام
واحد فرقـاه شاويتـن فـوادي شـوي
بس ابـا ازوره مثـل مايـزارون الكـرام
لين عيني مـن قبالـه وشوفـه ترتـوي
لافي الغيداني
نهاية طريق
محبوبـتـي... مـوعـد زفـافـك لـيــا حـــان
ابنسـحـب... واتـركـلـك دمـوعــي ضـيــوف
جعـل الفـرح يعـزف علـى دربــك الـحـان
وعيـنـك بـعـد فـرقــاي ماتـبـكـي حـســوف
خــلان... نـبـقـى لاخـــر الـعـمـر خـــلان
وان مـا كسبـتـك قــرب ؟ تكفيـنـي طـيـوف
عبدالله بوعجيم
قرار صعب
اطري الفرقى وانا ما من صماله
وادري ان فرقاه ماهي بالسهوله
كم عذول قد عذلني في وصاله
ومن عذلني قلت له نفس المقوله
ما يخلي حالة الرجال حاله
غير بنتٍ في مواقفها رجوله
رشيد الدهام
بقايا حزن
دعاك الشوق ياطيف الغلا ولا الجروح اجداد
اوانك مالقيت من المواجع غير، ذا السيرة
تذكّرني عذابي وانتحى لك طايع منقاد
وتروى من عروقي لين اموت ويالله الخيره
طلبتك خلنى ماعاد جرحي دمعة وسهاد
كبرت وكبرت جروح الغرام وشان تدبيره
ابعاد التركي
غرام بدوي
أطوي فراشي كل ما نسنس عصير
وآغنّي جروحي لصوت الشمالي
لين أنتبه بان الدموع المسايير
سالت على ذكرى السنين الخوالي
وأضحك ودمعي في عيوني محايير
مابي أحد يدري وش اللي جرالي
و أمسح دموعي بغفلة الناس وآسير
أبغي مكان ( م ) المخاليق خالي
لا يقطعه راعي ولا يانسه طير
ولا يقربه شخص عن الوجد سالي
حمدان المحرمي
آخر حل
مابلت الدنيا ضما ناشـف الريـق
ولابان بوجيـه الرفاقـه رفاقـه
قل للرفيق الي حدانا على الضيـق
لابوه عـرف ولعنبوهـا صداقـه
فالصوت نبرات التعاسه مواريـق
يامن يـرد العلـم لهـل العلاقـه
ويقول مال الحر غيـر الشواهيـق
لوتعشق سبوقه ثرى ارضه عشاقه
مساعد جميل
ختامها مسك
الأثرياء بشوت واسوار وابراج
ورغباتهم ما بين سري وعاجل
وتالقى حراويهم منافق وهراج
ناهيك عن شلة شويعر وداجل
لا تستضيق ان عشت كادح ومحتاج
الفقر فالغالب ضريبة مراجل
شعر: نايف بندر
لي شهر وشوي عيني محاربهـا المنـام
ودي احضـر جـوازي وادورلـي خـوي
بينـي وبينـه مسافـات وحـدود ونظـام
واحد فرقـاه شاويتـن فـوادي شـوي
بس ابـا ازوره مثـل مايـزارون الكـرام
لين عيني مـن قبالـه وشوفـه ترتـوي
لافي الغيداني
نهاية طريق
محبوبـتـي... مـوعـد زفـافـك لـيــا حـــان
ابنسـحـب... واتـركـلـك دمـوعــي ضـيــوف
جعـل الفـرح يعـزف علـى دربــك الـحـان
وعيـنـك بـعـد فـرقــاي ماتـبـكـي حـســوف
خــلان... نـبـقـى لاخـــر الـعـمـر خـــلان
وان مـا كسبـتـك قــرب ؟ تكفيـنـي طـيـوف
عبدالله بوعجيم
قرار صعب
اطري الفرقى وانا ما من صماله
وادري ان فرقاه ماهي بالسهوله
كم عذول قد عذلني في وصاله
ومن عذلني قلت له نفس المقوله
ما يخلي حالة الرجال حاله
غير بنتٍ في مواقفها رجوله
رشيد الدهام
بقايا حزن
دعاك الشوق ياطيف الغلا ولا الجروح اجداد
اوانك مالقيت من المواجع غير، ذا السيرة
تذكّرني عذابي وانتحى لك طايع منقاد
وتروى من عروقي لين اموت ويالله الخيره
طلبتك خلنى ماعاد جرحي دمعة وسهاد
كبرت وكبرت جروح الغرام وشان تدبيره
ابعاد التركي
غرام بدوي
أطوي فراشي كل ما نسنس عصير
وآغنّي جروحي لصوت الشمالي
لين أنتبه بان الدموع المسايير
سالت على ذكرى السنين الخوالي
وأضحك ودمعي في عيوني محايير
مابي أحد يدري وش اللي جرالي
و أمسح دموعي بغفلة الناس وآسير
أبغي مكان ( م ) المخاليق خالي
لا يقطعه راعي ولا يانسه طير
ولا يقربه شخص عن الوجد سالي
حمدان المحرمي
آخر حل
مابلت الدنيا ضما ناشـف الريـق
ولابان بوجيـه الرفاقـه رفاقـه
قل للرفيق الي حدانا على الضيـق
لابوه عـرف ولعنبوهـا صداقـه
فالصوت نبرات التعاسه مواريـق
يامن يـرد العلـم لهـل العلاقـه
ويقول مال الحر غيـر الشواهيـق
لوتعشق سبوقه ثرى ارضه عشاقه
مساعد جميل
ختامها مسك
الأثرياء بشوت واسوار وابراج
ورغباتهم ما بين سري وعاجل
وتالقى حراويهم منافق وهراج
ناهيك عن شلة شويعر وداجل
لا تستضيق ان عشت كادح ومحتاج
الفقر فالغالب ضريبة مراجل
شعر: نايف بندر