مدري البارحه ويش افتكرت وسرحت
هي طواري.. أو إن هموم قلبي ثقال
هي طرت لي قديم الذكريات ولمحت
زول.. وإلا الحكاية كل بوها خيال
هجن ركاب فكري بالمشاعر وصحت
من هو اللي تغافلني وفك العقال
ضقت والبال عمس ومنقلب فوق تحت
هي من شوي.. يوم تفوح صفر الدلال
ودي أفرح ومن مبطي وأنا ما فرحت
ودي ألقى عن شموس الحبايب ظلال
كم سنه عقب مركوز النهد ما فتحت
قلبي ولا عيوني للغلا والجمال
لو بغيت انتهز فرصات واجد ربحت
كانت أجمل فرص عمري تنادي تعال
ما هو بعيب لازليت والا.. جنحت
من هو اللي بلغ فينا حدود الكمال
وأنت يا للي على حدود المحبة نزحت
كل ما شد لك حيلي تشد الرحال
ما شكيتك لو اني من جفاك.. إنذبحت
وانت شف حكمة الخالق ذبحك الدلال
لا تقول انك بذاك التصرف مزحت
يوم سويت في هاك النهار احتفال
ليه تفهم غلط... وش فيك لبعيد رحت
ما طلبتك تشيل الهم يا ابن الحلال
ما هجيتك.. ولكني بعد ما مدحت
كل بوهن عقب هالعشره أكبر محال
صاحبي.. دام انا منك وعليك.. انجرحت
لا تجيني على درب الخطا والحمال
تدري إني تحملت الكثير وسمحت
خابر إن التسامح من كريم الخصال
كم تغاضيت عن بعض الأمور وصفحت
ما دخلت بمتاهة عاشقين الجدال
كم زعلت وعلى شان الحبايب دمحت
قلت أبصبر عليهم والليالي طوال
ليتني من صواديف الزمان انتصحت
لكن الله.. يهونها على كل حال
ما شغل بالي إلا يوم أفكر بنحت
القصايد واحفظها قلوب الرجال
قالوا إني بترويض القوافي نجحت
قلت.. أجل كيف لو بزعل وأمس الحبال
لو تخوفت من درب الخطر ما فلحت
ما يهاب الصعاب إلا ردي العيال
عكس تيارهم شفني جزمت وسبحت
ما حرصت اني أترك للتراجع مجال
لو طموحي قريب من زمان استرحت
مير خابر محلي فوق روس الجبال
متعب التركي
هي طواري.. أو إن هموم قلبي ثقال
هي طرت لي قديم الذكريات ولمحت
زول.. وإلا الحكاية كل بوها خيال
هجن ركاب فكري بالمشاعر وصحت
من هو اللي تغافلني وفك العقال
ضقت والبال عمس ومنقلب فوق تحت
هي من شوي.. يوم تفوح صفر الدلال
ودي أفرح ومن مبطي وأنا ما فرحت
ودي ألقى عن شموس الحبايب ظلال
كم سنه عقب مركوز النهد ما فتحت
قلبي ولا عيوني للغلا والجمال
لو بغيت انتهز فرصات واجد ربحت
كانت أجمل فرص عمري تنادي تعال
ما هو بعيب لازليت والا.. جنحت
من هو اللي بلغ فينا حدود الكمال
وأنت يا للي على حدود المحبة نزحت
كل ما شد لك حيلي تشد الرحال
ما شكيتك لو اني من جفاك.. إنذبحت
وانت شف حكمة الخالق ذبحك الدلال
لا تقول انك بذاك التصرف مزحت
يوم سويت في هاك النهار احتفال
ليه تفهم غلط... وش فيك لبعيد رحت
ما طلبتك تشيل الهم يا ابن الحلال
ما هجيتك.. ولكني بعد ما مدحت
كل بوهن عقب هالعشره أكبر محال
صاحبي.. دام انا منك وعليك.. انجرحت
لا تجيني على درب الخطا والحمال
تدري إني تحملت الكثير وسمحت
خابر إن التسامح من كريم الخصال
كم تغاضيت عن بعض الأمور وصفحت
ما دخلت بمتاهة عاشقين الجدال
كم زعلت وعلى شان الحبايب دمحت
قلت أبصبر عليهم والليالي طوال
ليتني من صواديف الزمان انتصحت
لكن الله.. يهونها على كل حال
ما شغل بالي إلا يوم أفكر بنحت
القصايد واحفظها قلوب الرجال
قالوا إني بترويض القوافي نجحت
قلت.. أجل كيف لو بزعل وأمس الحبال
لو تخوفت من درب الخطر ما فلحت
ما يهاب الصعاب إلا ردي العيال
عكس تيارهم شفني جزمت وسبحت
ما حرصت اني أترك للتراجع مجال
لو طموحي قريب من زمان استرحت
مير خابر محلي فوق روس الجبال
متعب التركي