| د. سعيد فهمي (المصري أفندي) |
/>لذيذة قوي حركات القائمين عندنا على المنظومة الاعلامية... والمسؤولين عن صورة الاعلام في حكومتنا الفتية... ورغم عدم تأثيرهم ووجودهم على خريطة الاحداث بصورة قوية... وفشلها في ابراز واظهار صورة المحروسة الحضارية... وعدم السيطرة الاعلامية على ما يحدث من احداث يومية... وتسببهم في جعل التلفزيون المصري خارج المنافسة الفضائية... وذلك بسبب سياستهم البطيئة المملة الروتينية... وعدم الابتكار والتجديد والاعتماد على الارتجالية... وعدم وجود وجوه جديدة ولا افكار والمنظومة زي ما هي... ومذيعون اكل عليهم الدهر وشرب من ايام حرب المعيز والحروب الكلامية... ومذيعات اجارك الله من ضحايا هيروشيما ونجازاكي اليابانية... وممثلون نص كم بيعملوا مقالب متفقين عليها داخل الكواليس الفنية... وممثلات من آخر الصف بيقدموا برامج قال ايه حوارية... اداء بطيء واسلوب ممل وافكار ساذجة وسطحية... وديكورات من ايام الهكسوس ونقشات حتشبسوت الفرعونية... وتمثيليات بأفكار ألف ليلة وليلة تحت مسمى الدرامية... وقنوات بدم تقيل وتهريج ويقولوا عليها كوميدية... المهم تلاقي في الآخر منظومة سمك لبن تمر هندي وحاجة كدة عشوائية... عالم سداح مداح وخطة مسبوكة بالكوسة والملوخية!! وزارة الاعلام مشكورة راحت واشترت حقوق البث الفضائية... ومن فلوسي وفلوسك اتفشخرت وصرفت كل الميزانية... وعلشان حسبة برما وحماية الفنان المصري خلت العروض على قنواتها.
/>حصرية... وشفنا الاعلانات والدعاية في الشوارع والمباني بالنيون واللمبات الفسفورية...!!
/>الاعلانات بتقول «مفيش شيء حصري... كله على التلفزيون المصري...!!
/>المسؤولون في الاعلام افتكروا ان ده عنوان جديد... اتاريهم يا عيني مش عايشين معانا عصر حكومتنا الرشيدة... اللي ابتكرت العنوان ده وكان شعارها من زمن ماضي بعيد... وطبقت الشعار علينا بحذافيره من عصر الثورة المجيد... وياما حنعيشه زي ما بنشوف في عصرنا الحالي السعيد!!
/>حكومتنا حماها الله بتخاف علينا ولا بنشوف منها غير كلام... ووعودها زي كلام الليل يطلع عليه النهار ينام... مش عارف يا اخي ما فيش بينها وبين المواطن حب وهيام... وليه قراراتها زي الكابوس ليلاتي في الاحلام... والناس مش عارفة تغمض عنيها يا عيني مش عارفة تنام... من الاسعار والضرايب والاحتكار وجع قلب وجيب فاضي وآلام... هي ليه الحكومة بقت زي ابو رجل مسلوخة اللي بيجي في المنام... هي ليه مش عاوزة ترحمنا ولا عاوزانا نعيش في سلام...!! حكومتنا الرشيدة من زمان ابتكرت العنوان... وخلاص حركاتها انكشفت وبقت على كل لسان... وحاوطت عالمواطن من كل مكان وبقي مسكين غلبان... لا قادر يتلفت حواليه عايش خايف جبان... لأن حكومته جبارة لا بترحم ولا بتوفر له الامان...!! حكومتنا حماها الله مفيش حاجة للمواطن سابتها... ولا فيه خطوة تلهط سحتوت منه الا ومشيتها... وكل حاجة في البلد دخلت فيها شريك وارباحها لهطتها...!! زي شركات المحمول اللي اتفقت معاهم علينا وقسموا بينهم الارباح... والتجار سابتهم يستغلونا ودمنا بقي ليهم مباح... وبقينا نستنى حيحصل فينا ايه يوماتي يا عيني كل صباح... حكومة لا بترحم شعبها ولا شايفين لأي خطوة ليها نجاح...!! الست حكومة مافيش مصيبة لينا الا وعملتها... زي رفع الغاز اللي اسعاره لليهود خفضتها... وعملت شبكة مياه كبيرة والاسعار رفعتها... وتلاقي تقديرات عشوائية لعدادات مياه عطلانة ولا الحكومة اصلحتها... والكهرباء زي الطماطم مجنونة والحكومة رفعت اسعارها وولعتها... ومترو الانفاق راحت ورفعت قيمة التذاكر على الناس وزودتها...!! حتى السكة الحديد بسبب الجرارات الجديدة راحوا علينا وغلوها... ولو راحت ترصف اي طريق جديد يزرعوا فيه بوابة ويقفلوها... والناس في الراحة والجاية تدفع غصب عن عين ابوها... يعني باختصار مفيش حاجة للناس تسهل عليهم حياتهم الا ونسيوها... ولا فيه دمغات او رسوم في اي معاملة الا وفرضوها... واراضي على طول البلاد وعرضها على الهوامير بملاليم وزعوها.. والناس تدفع الوف علشان حتة ارض بالقرعة شوية يا خدوا والاغلبية يحرموها... حتى اللي فازوا بالارض شافوا الذل علشان يبنوها... لأن الست حكومة وضعت شروط صعبة للبناء علشان الناس يعجزوها زي قروض البنوك اللي متاحة للهليبة علشان ينهبوها... وان حاولت تاخد قرض بملاليم حتلاقي شروط وتعقيدات عالناس علشان يزهقوها... وفلوس زبالة تدفعها اجباري وفي الآخر سابوها في الشوارع وكوموها... ونهاية المطاف ضريبة عقارية على بيوت الناس وكل 5 سنوات يروحوا ويزيدوها... مش كفاية ضريبة المبيعات اللي قصمت ظهر الناس ولسة بيتحملوها... الله يسامح اللي كان السبب ويحرم اللي خربوها...!!
/>عرفت ايه الحكاية وايه سر الاعلان... يا ترى يا هل ترى لسة حاسس انك انسان...!!
/>صدقني «مفيش شيء حصري... كله عالمواطن المصري» وسلم لي عالباذنجان... تحب تاكل بلوظة وللا تيجي نروح السيما ونشوف فيلم المذنبون او فيلم مرجان احمد مرجان... يا عم سيبها عالباسط وربنا يكفيك ويكفينا شر القهر والحرمان... والاعيب حكومة مفترية ذكية مالهاش امان... بذمتك كل الحاجات دي لو فكرت فيها اكيد حيجيلك جنان... يا اخي سيبك من المقالة وروح احجز لك في مستشفى المجانين مكان... وصدقني انسى العز واكل الوز واترحم على ايام زمان... وقول يا رب امتى ابقى مواطن بس بدرجة انسان...!!
/>Said_elmasryfahmy@hotmail.com
/>
/>لذيذة قوي حركات القائمين عندنا على المنظومة الاعلامية... والمسؤولين عن صورة الاعلام في حكومتنا الفتية... ورغم عدم تأثيرهم ووجودهم على خريطة الاحداث بصورة قوية... وفشلها في ابراز واظهار صورة المحروسة الحضارية... وعدم السيطرة الاعلامية على ما يحدث من احداث يومية... وتسببهم في جعل التلفزيون المصري خارج المنافسة الفضائية... وذلك بسبب سياستهم البطيئة المملة الروتينية... وعدم الابتكار والتجديد والاعتماد على الارتجالية... وعدم وجود وجوه جديدة ولا افكار والمنظومة زي ما هي... ومذيعون اكل عليهم الدهر وشرب من ايام حرب المعيز والحروب الكلامية... ومذيعات اجارك الله من ضحايا هيروشيما ونجازاكي اليابانية... وممثلون نص كم بيعملوا مقالب متفقين عليها داخل الكواليس الفنية... وممثلات من آخر الصف بيقدموا برامج قال ايه حوارية... اداء بطيء واسلوب ممل وافكار ساذجة وسطحية... وديكورات من ايام الهكسوس ونقشات حتشبسوت الفرعونية... وتمثيليات بأفكار ألف ليلة وليلة تحت مسمى الدرامية... وقنوات بدم تقيل وتهريج ويقولوا عليها كوميدية... المهم تلاقي في الآخر منظومة سمك لبن تمر هندي وحاجة كدة عشوائية... عالم سداح مداح وخطة مسبوكة بالكوسة والملوخية!! وزارة الاعلام مشكورة راحت واشترت حقوق البث الفضائية... ومن فلوسي وفلوسك اتفشخرت وصرفت كل الميزانية... وعلشان حسبة برما وحماية الفنان المصري خلت العروض على قنواتها.
/>حصرية... وشفنا الاعلانات والدعاية في الشوارع والمباني بالنيون واللمبات الفسفورية...!!
/>الاعلانات بتقول «مفيش شيء حصري... كله على التلفزيون المصري...!!
/>المسؤولون في الاعلام افتكروا ان ده عنوان جديد... اتاريهم يا عيني مش عايشين معانا عصر حكومتنا الرشيدة... اللي ابتكرت العنوان ده وكان شعارها من زمن ماضي بعيد... وطبقت الشعار علينا بحذافيره من عصر الثورة المجيد... وياما حنعيشه زي ما بنشوف في عصرنا الحالي السعيد!!
/>حكومتنا حماها الله بتخاف علينا ولا بنشوف منها غير كلام... ووعودها زي كلام الليل يطلع عليه النهار ينام... مش عارف يا اخي ما فيش بينها وبين المواطن حب وهيام... وليه قراراتها زي الكابوس ليلاتي في الاحلام... والناس مش عارفة تغمض عنيها يا عيني مش عارفة تنام... من الاسعار والضرايب والاحتكار وجع قلب وجيب فاضي وآلام... هي ليه الحكومة بقت زي ابو رجل مسلوخة اللي بيجي في المنام... هي ليه مش عاوزة ترحمنا ولا عاوزانا نعيش في سلام...!! حكومتنا الرشيدة من زمان ابتكرت العنوان... وخلاص حركاتها انكشفت وبقت على كل لسان... وحاوطت عالمواطن من كل مكان وبقي مسكين غلبان... لا قادر يتلفت حواليه عايش خايف جبان... لأن حكومته جبارة لا بترحم ولا بتوفر له الامان...!! حكومتنا حماها الله مفيش حاجة للمواطن سابتها... ولا فيه خطوة تلهط سحتوت منه الا ومشيتها... وكل حاجة في البلد دخلت فيها شريك وارباحها لهطتها...!! زي شركات المحمول اللي اتفقت معاهم علينا وقسموا بينهم الارباح... والتجار سابتهم يستغلونا ودمنا بقي ليهم مباح... وبقينا نستنى حيحصل فينا ايه يوماتي يا عيني كل صباح... حكومة لا بترحم شعبها ولا شايفين لأي خطوة ليها نجاح...!! الست حكومة مافيش مصيبة لينا الا وعملتها... زي رفع الغاز اللي اسعاره لليهود خفضتها... وعملت شبكة مياه كبيرة والاسعار رفعتها... وتلاقي تقديرات عشوائية لعدادات مياه عطلانة ولا الحكومة اصلحتها... والكهرباء زي الطماطم مجنونة والحكومة رفعت اسعارها وولعتها... ومترو الانفاق راحت ورفعت قيمة التذاكر على الناس وزودتها...!! حتى السكة الحديد بسبب الجرارات الجديدة راحوا علينا وغلوها... ولو راحت ترصف اي طريق جديد يزرعوا فيه بوابة ويقفلوها... والناس في الراحة والجاية تدفع غصب عن عين ابوها... يعني باختصار مفيش حاجة للناس تسهل عليهم حياتهم الا ونسيوها... ولا فيه دمغات او رسوم في اي معاملة الا وفرضوها... واراضي على طول البلاد وعرضها على الهوامير بملاليم وزعوها.. والناس تدفع الوف علشان حتة ارض بالقرعة شوية يا خدوا والاغلبية يحرموها... حتى اللي فازوا بالارض شافوا الذل علشان يبنوها... لأن الست حكومة وضعت شروط صعبة للبناء علشان الناس يعجزوها زي قروض البنوك اللي متاحة للهليبة علشان ينهبوها... وان حاولت تاخد قرض بملاليم حتلاقي شروط وتعقيدات عالناس علشان يزهقوها... وفلوس زبالة تدفعها اجباري وفي الآخر سابوها في الشوارع وكوموها... ونهاية المطاف ضريبة عقارية على بيوت الناس وكل 5 سنوات يروحوا ويزيدوها... مش كفاية ضريبة المبيعات اللي قصمت ظهر الناس ولسة بيتحملوها... الله يسامح اللي كان السبب ويحرم اللي خربوها...!!
/>عرفت ايه الحكاية وايه سر الاعلان... يا ترى يا هل ترى لسة حاسس انك انسان...!!
/>صدقني «مفيش شيء حصري... كله عالمواطن المصري» وسلم لي عالباذنجان... تحب تاكل بلوظة وللا تيجي نروح السيما ونشوف فيلم المذنبون او فيلم مرجان احمد مرجان... يا عم سيبها عالباسط وربنا يكفيك ويكفينا شر القهر والحرمان... والاعيب حكومة مفترية ذكية مالهاش امان... بذمتك كل الحاجات دي لو فكرت فيها اكيد حيجيلك جنان... يا اخي سيبك من المقالة وروح احجز لك في مستشفى المجانين مكان... وصدقني انسى العز واكل الوز واترحم على ايام زمان... وقول يا رب امتى ابقى مواطن بس بدرجة انسان...!!
/>Said_elmasryfahmy@hotmail.com
/>