|إعداد ليلــى أحمــد|
من أهم صفات القهاوي هي اللمة للحديث بين مجموعة من الاصدقاء ومع هذا الشهر الفضيل تزدحم الفضائيات بمختلف أنواع العطاءات الفنية المختلفة، من برامج ومسلسلات يحتار المشاهد ايا يتابع منها... وقد تركنا في فنون «الراي» المساحة لاستضافة القراء ليشاركوا في تسجيل آرائهم في قهاوي «الراي» المفتوحة 24 ساعة**.
يمكنكم مراسلتنا بارسال مسجاتكم على رقم الهاتف المنشور الى جانب ارسال ايميلاتكم على عنوان بريدنا الالكتروني وكلاهما منشوران بالصفحة ياللا خذ لك فاصلاً... وراسل... هنا حصيلة اليوم:
بوفهد:... أنا كويتي عتيج وعندي رأي ودي تقراه بنيتنا هبة حمادة مؤلفة مسلسل «ام البنات» اللي ابصم بالعشرة انه مسلسل مصري، انا عمري ما أذكر ان ابهاتنا طلبوا من امهاتنا انهم ينقعون ريولهم بطشت ماي هذا سلوك سي سيد المصري...وهالقصة تصلح حق رصد سنوات الخمسينات، حيث البنات ماكانوا يتعاملون والامهات جهلة... مو 2009 سعاد عبدالله ماكو شخصية والبنات ذليلات... وين صارت ترى حتى بمصر يا هبة ماكو شخصيات جذيه وفي الكويت عندنا وايد قضايا تصلح للكتابة.
****
• سليمان الرشيدي:... طارق العلي انت أسد الشاشة فارس الكوميديا في «طول بالك» و«ام سعف» والتوفيق لك ولكل من شاركك يا... أسد !
****
• عاشقة برهوم:... أهني ابراهيم دشتي على برنامجه على قناة «فلاش» وأرجو نشر صورته.
****
• أم محمد:... رووووعة والله لمياء طارق في دي. تيوب الكوميدي، ضابطة الدور في الحركة وتعابير الوجه... تونّس الله يوفقج.
- لمياء تسلم عليج يا أم محمد وتقول انها وايد حبت دورها مع داود وحست انهم اثنينهم متناغمين ويتميز بوحسين انه دائما يعطي فرصة عشان نقدم نفسنا صح... مشكورة يا ام محمد.
****
• سارة:... انا واااايد احترم باسمة حمادة طالعة طلعة عمري ما شفتها بهالابداع، وتخلصت من كل ماكياجها في «الهدامة» واللي عاجبني أكثر انها زمان كانت تمر مرور الكرام ماكنت احس فيها بس هالمرة وايد لفتت نظري وتعاطفت وياها، والاجمل انه مسوية تحسينات بسيطة وناعمة بوجهها مخليتها حدها طبيعية.. أبي اسم طبيب التجميل من فضلك ؟
- فعلا باسمة قدمت أدوار عمرها، ولو ان كثرة المسلسلات بهالشهر حرمت الكثير من متابعتها وبحاول... نطلع منها اسم الطبيب - هذا اذا كعادة أغلب الفنانات - ما نفت انها مسوية تحسين لاطلالتها.
****
• مريم:... أقوى دور لباسمة حمادة في «الهدامة» عجييييييبة... واقوى اثنين في « اليتيم» مرام وعلى جمعة.
*****
• ريمومة:... حرااام عليكم ليش موتوا حمد العماني دوره كان يهبل... احس ضاعوا بعده، تكفون حطوا صورة المرحوم صقر !...ووالله ما في احسن من «باب الحارة» و«ام البنات» ولو انه مبالغ فيه... بس ياللا تونسنا بحلاوة حمد قبل وفاتة... والحين مونسينا البنيات.
****
• زوزو:... ليش هالحليمة ما عندها حشيمة للشهر الفضيل، وليتها تبطل البدليات وتتمرن عشان تختفي الوصواصة من صوتها المزعج!
****
• مزاجية m:... انا معجبة بالممثلة المزيونة صمود ابدعتي بدورج بمسلسل «آخر صفقة».
****
• محتارة:... تحية اعجاب بحمد العماني وانا كرهت ردينة... حسافة عليك تحبها في «أم البنات» انته احلى منها.
****
• العنود:... اعرف ان سعاد عبدالله سمرة شمسوية عشان صارت بيضة ومنورة، شنو اسم كريم التبييض اللي تستخدمه وااايد طالعة حلوة...
- أي احد تحت بروجكتورات اضاءة قوية حيييل اشتبينها تطلع... عنترة العبسي! وسعاد تهتم في العناية بنوعية طعامها وببشرتها وبنوعية كريم الترطيب المغذي للبشرة، واحد لليل والثاني للنهار... وهي ما تستخدم كريمات تبييض البشرة ياعنود!
****
• علي جاسم:... ممكن أقرص أذون اللي قص على مونيا وقال لها انك صالحة بالتمثيل والغناء، في برنامج و«ولا كلمه» على قناة فنون... الفريق الثاني خصمها فاز وهي تتمايع وترقص... شهالسخافة، هذه حتى برمجة احاسيسها مضروبة حتى.
****
• أسولة:... ياليت يكثر حسين المهدي اطلالاته طوله عاجبني ياريت القى واحد نفس طوله وكنت منور الشاشة في دي تيوب داود وكثر من هالحلو اللي عندك يا بوعلي.
****
• ام المزيون:... أكبر دليل على واقعية قصة مسلسل « ام البنات»...الحادث اللي نشر بالجرايد أول أيام رمضان عن البنت اللي طعنت ابوها بسكين بسبب اهاناته المتكررة لأمها.
****
• فطم:... والله احساس عالي عند حليمة كل هالكراهية والنقد على لبسها ومصاختها وحجي الناس عن طلعتها عالناس بنصايف الليل قرب السحور وهي شبه مفصخة كل هالضغط مو مخليج تعتزلين... ولي الحين تطلعين وتغمزين... صج ماكو احساس!
- يا فطم الامور مو سبهللا... في عقد ملتزمة فيه مع الام بي سي عندها لآخر الشهر...
****
• بوعذبي:... اشدعوة عليه عبدالحسين عبدالرضا لي الحين عباله الشاب الوسيم البطل اللي لازم ينحب ويعشق، صار عمره خمسة وسبعين سنة ومسوي روحه عاشق... الكبار والمخضرمين لما يكبرون يحطون خبراتهم في خدمة مجتمعهم من خلال الفن؟... واحنا الله بالخير عبدالحسين عاشق وسعاد رمز لضعف المرأة وحياة رايحة فيها... شوف «طاش ما طاش» السعودي اللي ينقلون بكل مصداقية هموم الناس ومشاكل المجتمع وانتوا تصدرون تخريف آخر العمر للناس...
****
• توفيه:... فديتك يعقوب عبدالله تهبل باليتيم بس ناقصك... newlook.
- يتيم ونيو لوك... هذا تعليق يعقوب وعقبها ابتسم.
****
• نونا: ابراهيم دشتي من ايام الاكاديمية نجم محبوب بس ضايق خلقي عليه نجومية وابداع ولا قناة سنعة تطلبه والله حرام.
****
• جولي: الله يرحم ايامج يا أمل العوضي وين رحتي... هاللي جابوها بدالك لا ذوق ولا ذرابة وذيك الليلة تقول حق ريال طول بعرض: انت يا ابوالشورت....؟ والله اسلوب... يرحم ايام شطانة وخفة دم امول العوضي.. على فكرة وين صارت ؟
- أمل العوضي تزوجت واعتزلت... «قد...» ترجع في يوم من الايام.
****
• بنت الصقعبي: اشفي خشم حليمة صاير هالكبر، وشفايفها وارمة بعد قولو مو نافخة، مو هذه حليمة اللي لجتنا بروحتها لحج بيت الله، اشفيها الحين تكرم حجتها بالتفصخ عند أذان السحور، والعادة كل البنات يحبون الماكياج بس حليمة والهام الفضالة يسبحون فيه...!
****
• بوعلي: انا اقترح الغاء كل برامج الكاميرا الخفية، لان كل سنة المقالب يسوونها بنفس الفنانين والسالفة انكشفت...
- هم يعتقدون انهم «مطوفينها» عليكم...
****
• شباب ديوانية المعوشرجي: بنعرف ليش الممثلات الخليجيات اشكالهم غلط كلهم تفخ ونفخ... اشمعنى الممثلات السوريات والمصريات ما عندهم هالضيم اللي نشوفه على شاشتنا الخليجية وكله كوم والحجية حليمة بولند بملابس مثل قمصان النوم بنصايص الليل... اعوذ بالله من الشيطان الرجيم...
- يا شباب الضليمة شينه شوفوا وجه لوسي المنفوخ في «حكايات نسوان» بينفجر من الحقن، والعدوى سرت على الممثلات السوريات في المسلسلات، والصحف تنتقدهم بس ما يبالغون بالحقن مثل خنبقة الخليجيات. لان غالبيتهم يروحون لوحدة فيليبينية تشتغل بصالون بو نجمة الا ربع.
****
• ووفي: عبير الوزان وايد تقط ويها على خلق الله وحليمة حدها over وقمر رمضان هالسنة فاطمة الصفي طبيعية وتهبل وستايلها ناعم. فديتها.
****
• عواشي: مسلسل مها محمد رووعة ودورها اروع تعجبني اختياراتها للادوار مب مثل الفنانات اللي كله يقدمون تصنع ومصاخة.
- مهوية تسلم عليك وتقولج مشكوورة لاهتمامج عواشي، وهي فعلا لعبت دور حلو في و«عاد الماضي» بس بسبب الزحمة في المسلسلات والفضائيات هالمسلسل ما اخذ حقه في المشاهدة.
****
• * أسماء: الله يستر على هالبوخرشد... ابصراحة احس ان هالكائن موطبيعي... برنامجه بصوب ودعاية سوق السالمية بصوب... ليش هالمخلوق يسوي بنفسه جذيه لا يكون عباله انه قاعد يضحك الناس والله لأ... صححوا له الموضوع... الله يستر عليه!
- تصدقين يا أسما هذه تركيبة بوخرشد الطبيعية هو ما يمثل هو خلقة جذيه.
****
• توشو: احلى شي هالصفحة قهاوي «الراي» مخليتنا نطلع حرتنا! وطارق العلي وينه عن «هذا ولدنا» و«صج حظوظ».
- يقولج طارق قاعد أنوع مايصير اكرر نفسي ويهديك اكبر تحية.
****
• طن: مسلسلات هالسنة مثل كل سنة، مغازل وسحر وفساد وناس ترقص وناس سكرانة شنو هذا خلونا قريش قبل الاسلام... ومحد مثل طارق العلي فديته مونسنا وشايل همومنا ويطرح قضايا من واقعنا في «ام سعف» و«طول بالك» اما الباجي حدث ولا حرج، آخر شي تكفون قضبو حليمة ترا فشلتنا!
- حليمة تعبر عن نفسها مو عن أي احد !
• مريومة: هالرباعي العجييييب حياة وعلي جمعة وصلاح الملا والحملي هم اللي بس مونسينا.
****
• أحلاهم وأتحداهم: احبج وااايد يا الهام الفضالة مبدعة في «موزة ولوزة» مسلسل جميل وممتع... ويا شوجي انا احبج واااايد.
****
• أووور:... وااايد حابة البنوتة الرقيقة حصة اللوغاني في «جولة وحجي نقوله» بس ماكياجها وملابسها الواااايد مو مناسبين للطبخ والمطبخ... ليتني اشوف حصونة ببنطلون جينز بسيط وتي شيرت و«سلبرز» مسطح وشعر من دون فووم وماكياجها فاونديشن عشان التلفزيون وغلوز للشفايف وماسكارا للرموش وبس... رح تطلع جمالها الطبيعي وبتطلع واااايد احلى...
- معاك حق في كل ملاحظاتك ومنا لبنيتنا الحلوة حصة.
****
• حنيين التميمي: ليعقوب عبدالله ماتوقعت ان دورك كلش عادي هالسنة... اشفيييك.
****
• نوارة: مين ما بيحبش فاطمة وهي ماشية وبتعدي... حق فاطمة الصفي في «الحب الكبير» و«ام البنات».. اداء كتييير حلو، والصبغة كتتتير نايسسسس يسلمو فطووووم على هالطلة... والاداء الاجمل.
****
• شوق:... ونوستونا يا«الراي» على هالصفحة الحلوة خليتونا نعبر عن نفسنا... واحسن ممثل حسين المهدي وصليلة اعجابي ياليلى واحسن ممثلة احلام حسن.
****
• عيناوية: أحلى مسلسل بعد الفطور «خوصة وبوصة» على سما دبي.
****
• أبلة أرنوووبة: طول عمر احمد الصالح أدواره حلوة بس في «هوامير الصحراء» كلش مو عاجبني وماله هدف... واللي مونسنا صح هو شهاب حاجية في «عيني عينك» الوحيد اللي صج يضحكنا.
****
• عاشقة المطربة نوال: احلى مسلسل «بلقيس» و«صدق وعده» و«بيني وبينكم» و«خواطر الشقيري» وابي اعرف آخر اخبار فنانتي الحبوبة نوال بلييييييز.
- نوال صار لها ثلاثة اشهر بره الكويت كانت في تركيا وعقبها راحت بيروت وما زالت هناك وهي في اجازة راحة وعسل واستجمام وشحن نفسها بطاقة جديدة حق الموسم الجديد... وكان يفترض تغني في حفل بعيد الفطر بس اعتذرت...
****
• حلا الكويت: مرااااام فنتق ماصار تينن و«ام البنات» مسلسل مصري بامتياز...
****
• أم عبدالله: ما أقول الا حسافة ملحمة «الهدامة» يمثلونها غير كويتيين... والنعم فيهم بس «برع» يعني برة... ترى واااايد قوية...مايصير هذا من دحام المخرج اشلون بتقنعنا.
****
• بوسعود: اشفيه عبدالحسين عبدالرضا ينزل مستواه عقب كل هالتاريخ الطويل قاعد يهزأ نفسه، وحسافة على داود، والبنات جياكر وحاطين ماكياج عرايس وعمليات تشويه يسمونها تجميل... والله حراااام الواحد يضيع وقته وياكم، يامعودة كلها ريموت ابعد عن الشين اللي عندنا واروح أطالع الزين كله على القنوات الاجنبية.
****
• رجفة خفوقي:... اشفيها الممثلة ملاك ماخذة لها لفة على كل المسلسلات مو مخلية احد يعتب عليها... تصوروا... في كل مسلسل رازة فيسها... شنو ماكو شغل لوووووووووول.
****
• أم نور: «رسائل من صدف» أكثر من رائع نصا واداء خصوصا حبيب قلبي غانم الصالح وبرامج التقليد كلهم قلدوا بوعيدة وبوخرشد وخالد عبدالجليل... كل هذا بشهر واحد اشصاير؟
****
• اشواق: أهني داود حسين على دي. تيوب واهدي تحية حق محمد الوادي اللي تمثيله وااايد حلوو وكنت اتمنى اشوفك أكثر على الشاشة لانك مميز وطلتك تهبل.
- الوادي يسلم عليج ويشكر لطفج.
****
• الزين:... شوجي مبدعة هالسنة وكل ادوارها حلوة ومختلفة عن بعضها، بس لو يفكونا من براطم شيماء وملاقت وتصنع موميا مونيا وماكياج بدرية احمد جنها رايحة عرس، ويافديييييت روح حمد العماني، ياااااا لبة قلبه، يا فدييييييييت اللي جابته، بصراحة أحلى وأجمل ما خلق ربي ما شفت أحد بجمال وفن واخلاق وطيبة فوقها شطارته في اختياره لأدواره... ولك ياحمد تؤبشني !
للتواصل مع «قهاوي الراي»
خذ لك «فاصل» وراسل:
• المسجات: 66136056
• إيميل: fonon@alraialaam.com
من أهم صفات القهاوي هي اللمة للحديث بين مجموعة من الاصدقاء ومع هذا الشهر الفضيل تزدحم الفضائيات بمختلف أنواع العطاءات الفنية المختلفة، من برامج ومسلسلات يحتار المشاهد ايا يتابع منها... وقد تركنا في فنون «الراي» المساحة لاستضافة القراء ليشاركوا في تسجيل آرائهم في قهاوي «الراي» المفتوحة 24 ساعة**.
يمكنكم مراسلتنا بارسال مسجاتكم على رقم الهاتف المنشور الى جانب ارسال ايميلاتكم على عنوان بريدنا الالكتروني وكلاهما منشوران بالصفحة ياللا خذ لك فاصلاً... وراسل... هنا حصيلة اليوم:
بوفهد:... أنا كويتي عتيج وعندي رأي ودي تقراه بنيتنا هبة حمادة مؤلفة مسلسل «ام البنات» اللي ابصم بالعشرة انه مسلسل مصري، انا عمري ما أذكر ان ابهاتنا طلبوا من امهاتنا انهم ينقعون ريولهم بطشت ماي هذا سلوك سي سيد المصري...وهالقصة تصلح حق رصد سنوات الخمسينات، حيث البنات ماكانوا يتعاملون والامهات جهلة... مو 2009 سعاد عبدالله ماكو شخصية والبنات ذليلات... وين صارت ترى حتى بمصر يا هبة ماكو شخصيات جذيه وفي الكويت عندنا وايد قضايا تصلح للكتابة.
****
• سليمان الرشيدي:... طارق العلي انت أسد الشاشة فارس الكوميديا في «طول بالك» و«ام سعف» والتوفيق لك ولكل من شاركك يا... أسد !
****
• عاشقة برهوم:... أهني ابراهيم دشتي على برنامجه على قناة «فلاش» وأرجو نشر صورته.
****
• أم محمد:... رووووعة والله لمياء طارق في دي. تيوب الكوميدي، ضابطة الدور في الحركة وتعابير الوجه... تونّس الله يوفقج.
- لمياء تسلم عليج يا أم محمد وتقول انها وايد حبت دورها مع داود وحست انهم اثنينهم متناغمين ويتميز بوحسين انه دائما يعطي فرصة عشان نقدم نفسنا صح... مشكورة يا ام محمد.
****
• سارة:... انا واااايد احترم باسمة حمادة طالعة طلعة عمري ما شفتها بهالابداع، وتخلصت من كل ماكياجها في «الهدامة» واللي عاجبني أكثر انها زمان كانت تمر مرور الكرام ماكنت احس فيها بس هالمرة وايد لفتت نظري وتعاطفت وياها، والاجمل انه مسوية تحسينات بسيطة وناعمة بوجهها مخليتها حدها طبيعية.. أبي اسم طبيب التجميل من فضلك ؟
- فعلا باسمة قدمت أدوار عمرها، ولو ان كثرة المسلسلات بهالشهر حرمت الكثير من متابعتها وبحاول... نطلع منها اسم الطبيب - هذا اذا كعادة أغلب الفنانات - ما نفت انها مسوية تحسين لاطلالتها.
****
• مريم:... أقوى دور لباسمة حمادة في «الهدامة» عجييييييبة... واقوى اثنين في « اليتيم» مرام وعلى جمعة.
*****
• ريمومة:... حرااام عليكم ليش موتوا حمد العماني دوره كان يهبل... احس ضاعوا بعده، تكفون حطوا صورة المرحوم صقر !...ووالله ما في احسن من «باب الحارة» و«ام البنات» ولو انه مبالغ فيه... بس ياللا تونسنا بحلاوة حمد قبل وفاتة... والحين مونسينا البنيات.
****
• زوزو:... ليش هالحليمة ما عندها حشيمة للشهر الفضيل، وليتها تبطل البدليات وتتمرن عشان تختفي الوصواصة من صوتها المزعج!
****
• مزاجية m:... انا معجبة بالممثلة المزيونة صمود ابدعتي بدورج بمسلسل «آخر صفقة».
****
• محتارة:... تحية اعجاب بحمد العماني وانا كرهت ردينة... حسافة عليك تحبها في «أم البنات» انته احلى منها.
****
• العنود:... اعرف ان سعاد عبدالله سمرة شمسوية عشان صارت بيضة ومنورة، شنو اسم كريم التبييض اللي تستخدمه وااايد طالعة حلوة...
- أي احد تحت بروجكتورات اضاءة قوية حيييل اشتبينها تطلع... عنترة العبسي! وسعاد تهتم في العناية بنوعية طعامها وببشرتها وبنوعية كريم الترطيب المغذي للبشرة، واحد لليل والثاني للنهار... وهي ما تستخدم كريمات تبييض البشرة ياعنود!
****
• علي جاسم:... ممكن أقرص أذون اللي قص على مونيا وقال لها انك صالحة بالتمثيل والغناء، في برنامج و«ولا كلمه» على قناة فنون... الفريق الثاني خصمها فاز وهي تتمايع وترقص... شهالسخافة، هذه حتى برمجة احاسيسها مضروبة حتى.
****
• أسولة:... ياليت يكثر حسين المهدي اطلالاته طوله عاجبني ياريت القى واحد نفس طوله وكنت منور الشاشة في دي تيوب داود وكثر من هالحلو اللي عندك يا بوعلي.
****
• ام المزيون:... أكبر دليل على واقعية قصة مسلسل « ام البنات»...الحادث اللي نشر بالجرايد أول أيام رمضان عن البنت اللي طعنت ابوها بسكين بسبب اهاناته المتكررة لأمها.
****
• فطم:... والله احساس عالي عند حليمة كل هالكراهية والنقد على لبسها ومصاختها وحجي الناس عن طلعتها عالناس بنصايف الليل قرب السحور وهي شبه مفصخة كل هالضغط مو مخليج تعتزلين... ولي الحين تطلعين وتغمزين... صج ماكو احساس!
- يا فطم الامور مو سبهللا... في عقد ملتزمة فيه مع الام بي سي عندها لآخر الشهر...
****
• بوعذبي:... اشدعوة عليه عبدالحسين عبدالرضا لي الحين عباله الشاب الوسيم البطل اللي لازم ينحب ويعشق، صار عمره خمسة وسبعين سنة ومسوي روحه عاشق... الكبار والمخضرمين لما يكبرون يحطون خبراتهم في خدمة مجتمعهم من خلال الفن؟... واحنا الله بالخير عبدالحسين عاشق وسعاد رمز لضعف المرأة وحياة رايحة فيها... شوف «طاش ما طاش» السعودي اللي ينقلون بكل مصداقية هموم الناس ومشاكل المجتمع وانتوا تصدرون تخريف آخر العمر للناس...
****
• توفيه:... فديتك يعقوب عبدالله تهبل باليتيم بس ناقصك... newlook.
- يتيم ونيو لوك... هذا تعليق يعقوب وعقبها ابتسم.
****
• نونا: ابراهيم دشتي من ايام الاكاديمية نجم محبوب بس ضايق خلقي عليه نجومية وابداع ولا قناة سنعة تطلبه والله حرام.
****
• جولي: الله يرحم ايامج يا أمل العوضي وين رحتي... هاللي جابوها بدالك لا ذوق ولا ذرابة وذيك الليلة تقول حق ريال طول بعرض: انت يا ابوالشورت....؟ والله اسلوب... يرحم ايام شطانة وخفة دم امول العوضي.. على فكرة وين صارت ؟
- أمل العوضي تزوجت واعتزلت... «قد...» ترجع في يوم من الايام.
****
• بنت الصقعبي: اشفي خشم حليمة صاير هالكبر، وشفايفها وارمة بعد قولو مو نافخة، مو هذه حليمة اللي لجتنا بروحتها لحج بيت الله، اشفيها الحين تكرم حجتها بالتفصخ عند أذان السحور، والعادة كل البنات يحبون الماكياج بس حليمة والهام الفضالة يسبحون فيه...!
****
• بوعلي: انا اقترح الغاء كل برامج الكاميرا الخفية، لان كل سنة المقالب يسوونها بنفس الفنانين والسالفة انكشفت...
- هم يعتقدون انهم «مطوفينها» عليكم...
****
• شباب ديوانية المعوشرجي: بنعرف ليش الممثلات الخليجيات اشكالهم غلط كلهم تفخ ونفخ... اشمعنى الممثلات السوريات والمصريات ما عندهم هالضيم اللي نشوفه على شاشتنا الخليجية وكله كوم والحجية حليمة بولند بملابس مثل قمصان النوم بنصايص الليل... اعوذ بالله من الشيطان الرجيم...
- يا شباب الضليمة شينه شوفوا وجه لوسي المنفوخ في «حكايات نسوان» بينفجر من الحقن، والعدوى سرت على الممثلات السوريات في المسلسلات، والصحف تنتقدهم بس ما يبالغون بالحقن مثل خنبقة الخليجيات. لان غالبيتهم يروحون لوحدة فيليبينية تشتغل بصالون بو نجمة الا ربع.
****
• ووفي: عبير الوزان وايد تقط ويها على خلق الله وحليمة حدها over وقمر رمضان هالسنة فاطمة الصفي طبيعية وتهبل وستايلها ناعم. فديتها.
****
• عواشي: مسلسل مها محمد رووعة ودورها اروع تعجبني اختياراتها للادوار مب مثل الفنانات اللي كله يقدمون تصنع ومصاخة.
- مهوية تسلم عليك وتقولج مشكوورة لاهتمامج عواشي، وهي فعلا لعبت دور حلو في و«عاد الماضي» بس بسبب الزحمة في المسلسلات والفضائيات هالمسلسل ما اخذ حقه في المشاهدة.
****
• * أسماء: الله يستر على هالبوخرشد... ابصراحة احس ان هالكائن موطبيعي... برنامجه بصوب ودعاية سوق السالمية بصوب... ليش هالمخلوق يسوي بنفسه جذيه لا يكون عباله انه قاعد يضحك الناس والله لأ... صححوا له الموضوع... الله يستر عليه!
- تصدقين يا أسما هذه تركيبة بوخرشد الطبيعية هو ما يمثل هو خلقة جذيه.
****
• توشو: احلى شي هالصفحة قهاوي «الراي» مخليتنا نطلع حرتنا! وطارق العلي وينه عن «هذا ولدنا» و«صج حظوظ».
- يقولج طارق قاعد أنوع مايصير اكرر نفسي ويهديك اكبر تحية.
****
• طن: مسلسلات هالسنة مثل كل سنة، مغازل وسحر وفساد وناس ترقص وناس سكرانة شنو هذا خلونا قريش قبل الاسلام... ومحد مثل طارق العلي فديته مونسنا وشايل همومنا ويطرح قضايا من واقعنا في «ام سعف» و«طول بالك» اما الباجي حدث ولا حرج، آخر شي تكفون قضبو حليمة ترا فشلتنا!
- حليمة تعبر عن نفسها مو عن أي احد !
• مريومة: هالرباعي العجييييب حياة وعلي جمعة وصلاح الملا والحملي هم اللي بس مونسينا.
****
• أحلاهم وأتحداهم: احبج وااايد يا الهام الفضالة مبدعة في «موزة ولوزة» مسلسل جميل وممتع... ويا شوجي انا احبج واااايد.
****
• أووور:... وااايد حابة البنوتة الرقيقة حصة اللوغاني في «جولة وحجي نقوله» بس ماكياجها وملابسها الواااايد مو مناسبين للطبخ والمطبخ... ليتني اشوف حصونة ببنطلون جينز بسيط وتي شيرت و«سلبرز» مسطح وشعر من دون فووم وماكياجها فاونديشن عشان التلفزيون وغلوز للشفايف وماسكارا للرموش وبس... رح تطلع جمالها الطبيعي وبتطلع واااايد احلى...
- معاك حق في كل ملاحظاتك ومنا لبنيتنا الحلوة حصة.
****
• حنيين التميمي: ليعقوب عبدالله ماتوقعت ان دورك كلش عادي هالسنة... اشفيييك.
****
• نوارة: مين ما بيحبش فاطمة وهي ماشية وبتعدي... حق فاطمة الصفي في «الحب الكبير» و«ام البنات».. اداء كتييير حلو، والصبغة كتتتير نايسسسس يسلمو فطووووم على هالطلة... والاداء الاجمل.
****
• شوق:... ونوستونا يا«الراي» على هالصفحة الحلوة خليتونا نعبر عن نفسنا... واحسن ممثل حسين المهدي وصليلة اعجابي ياليلى واحسن ممثلة احلام حسن.
****
• عيناوية: أحلى مسلسل بعد الفطور «خوصة وبوصة» على سما دبي.
****
• أبلة أرنوووبة: طول عمر احمد الصالح أدواره حلوة بس في «هوامير الصحراء» كلش مو عاجبني وماله هدف... واللي مونسنا صح هو شهاب حاجية في «عيني عينك» الوحيد اللي صج يضحكنا.
****
• عاشقة المطربة نوال: احلى مسلسل «بلقيس» و«صدق وعده» و«بيني وبينكم» و«خواطر الشقيري» وابي اعرف آخر اخبار فنانتي الحبوبة نوال بلييييييز.
- نوال صار لها ثلاثة اشهر بره الكويت كانت في تركيا وعقبها راحت بيروت وما زالت هناك وهي في اجازة راحة وعسل واستجمام وشحن نفسها بطاقة جديدة حق الموسم الجديد... وكان يفترض تغني في حفل بعيد الفطر بس اعتذرت...
****
• حلا الكويت: مرااااام فنتق ماصار تينن و«ام البنات» مسلسل مصري بامتياز...
****
• أم عبدالله: ما أقول الا حسافة ملحمة «الهدامة» يمثلونها غير كويتيين... والنعم فيهم بس «برع» يعني برة... ترى واااايد قوية...مايصير هذا من دحام المخرج اشلون بتقنعنا.
****
• بوسعود: اشفيه عبدالحسين عبدالرضا ينزل مستواه عقب كل هالتاريخ الطويل قاعد يهزأ نفسه، وحسافة على داود، والبنات جياكر وحاطين ماكياج عرايس وعمليات تشويه يسمونها تجميل... والله حراااام الواحد يضيع وقته وياكم، يامعودة كلها ريموت ابعد عن الشين اللي عندنا واروح أطالع الزين كله على القنوات الاجنبية.
****
• رجفة خفوقي:... اشفيها الممثلة ملاك ماخذة لها لفة على كل المسلسلات مو مخلية احد يعتب عليها... تصوروا... في كل مسلسل رازة فيسها... شنو ماكو شغل لوووووووووول.
****
• أم نور: «رسائل من صدف» أكثر من رائع نصا واداء خصوصا حبيب قلبي غانم الصالح وبرامج التقليد كلهم قلدوا بوعيدة وبوخرشد وخالد عبدالجليل... كل هذا بشهر واحد اشصاير؟
****
• اشواق: أهني داود حسين على دي. تيوب واهدي تحية حق محمد الوادي اللي تمثيله وااايد حلوو وكنت اتمنى اشوفك أكثر على الشاشة لانك مميز وطلتك تهبل.
- الوادي يسلم عليج ويشكر لطفج.
****
• الزين:... شوجي مبدعة هالسنة وكل ادوارها حلوة ومختلفة عن بعضها، بس لو يفكونا من براطم شيماء وملاقت وتصنع موميا مونيا وماكياج بدرية احمد جنها رايحة عرس، ويافديييييت روح حمد العماني، ياااااا لبة قلبه، يا فدييييييييت اللي جابته، بصراحة أحلى وأجمل ما خلق ربي ما شفت أحد بجمال وفن واخلاق وطيبة فوقها شطارته في اختياره لأدواره... ولك ياحمد تؤبشني !
للتواصل مع «قهاوي الراي»
خذ لك «فاصل» وراسل:
• المسجات: 66136056
• إيميل: fonon@alraialaam.com