تصفح الصحف وشاهد الفضائيات المحلية لمدة أربعة أيام خلال زيارته الأخيرة لي، وفي اليوم الأخير قال لي «بلدكم عجيب كبر جف إيدي وفيه مشاكل قارة» هذا ما قاله لي صديقي الخليجي الذي زارني، فما كان مني قبل أن يغادر البلد إلا أن أخذته إلى الديوانية التي عروقها في الماي كي يعرف الوضع على حقيقته وليس كما تتناقله وسائل الإعلام المحلية... وهذا ما سمعه...
* * *
أبوالوليد: أقول يا جماعة الوضع في البلد الحمدلله بخير وعافية والمطلوب بس نتكاتف كلنا لحل مشاكلنا.
أبومساعد: انت شايف اللي يصير في البلد.
أبوالوليد: ها بدينا يا بومساعد في لبس النظارة السودة... الدنيا بخير بس تفائل خلك متفائل.
أبومساعد: وين أتفاءل وانفلونزا الخنازير تهددنا في كل مكان والربع ما يدرون عن شي حتى إعيالنا ما ندري نوديهم المدارس هذه السنة أو لأ.
أبوالوليد: بس... بس يا بومساعد اشدعوه سويت البلد خراب... كل شي له حل اصبر بس اصبر... هذا انت شايف العطلة الصيفية انتهت والكل قاعد يرجع، البلد بعد ما صيفوا بره واستأنسوا... والحكومة بعد بترجع إن شاء الله وتبدي بالشغل بنشاط وحيوية انت طبعاً تحسب الوزراء اللي سافروا علشان الوناسة وسهرات وأكل ونوم؟!!! لا... لا... الربع قاعدين شغل ليل نهار وهم بره الكويت علشانكم يفكرون فيكم وفي مشاكلكم بس ما يبون يكونون تحت ضغط الحر والغبار. عرفت الحين؟!!!
أبومساعد: يعني هم جايين من المصايف ومعاهم الحلول حق مشاكل البلد؟
أبوالوليد: نعم كل مشكلة ولها حل بس بعطيكم مشكلة وحده ما دام في ناس غرب في الديوانية واشلون الحكومة حلتها، هي مشكلة انفلونزا الخنازير يا جماعة المجالس بالأمانات... الحكومة لقت حل لهذا المرض الخبيث، لا والحل بنربح منه كبلد افلوس وايد وبصير مساند للدخل القومي... بس ما يبون يعلنون عنه خايفين ينقطع الدواء من السوق المحلي وعلشان بعد يسحبون كل الكميات من الأسواق العالمية ونعيد تصدير الدواء مرة ثانية حق العالم بعد تصنيعه وتعليبه ونكتب عليه صنع في الكويت... نعم... وكد افلوس وكد ملايين وخل نفطك في أرضك حق الأجيال القادمة.
أبومساعد: خوش أخبار، الحل شنو بوالوليد؟
أبوالوليد: شوف مثل ما قلت لكم المجالس بالأمانات يا جماعة... لقوا أن «الياوي» يطرد انفلونزا الخنازير من البيت ومن جذيه يبون يبخرون الديرة كلها يبون يحطون مباخر إكبار... في كل منطقة مبخر، علشان تنظف من الخنازير عفواً أنفلونزا الخنازير.
أبومساعد: الحل طلع ياوي؟!!!
أبوالوليد: ها بومساعد بدينا بالمطنزة جدام الضيوف ما يصير.
* * *
خرج الضيف بعد هذا الحديث وهو مبتسم وأعتقد إنه غير فكره عن البلد.
بوسعف
* * *
أبوالوليد: أقول يا جماعة الوضع في البلد الحمدلله بخير وعافية والمطلوب بس نتكاتف كلنا لحل مشاكلنا.
أبومساعد: انت شايف اللي يصير في البلد.
أبوالوليد: ها بدينا يا بومساعد في لبس النظارة السودة... الدنيا بخير بس تفائل خلك متفائل.
أبومساعد: وين أتفاءل وانفلونزا الخنازير تهددنا في كل مكان والربع ما يدرون عن شي حتى إعيالنا ما ندري نوديهم المدارس هذه السنة أو لأ.
أبوالوليد: بس... بس يا بومساعد اشدعوه سويت البلد خراب... كل شي له حل اصبر بس اصبر... هذا انت شايف العطلة الصيفية انتهت والكل قاعد يرجع، البلد بعد ما صيفوا بره واستأنسوا... والحكومة بعد بترجع إن شاء الله وتبدي بالشغل بنشاط وحيوية انت طبعاً تحسب الوزراء اللي سافروا علشان الوناسة وسهرات وأكل ونوم؟!!! لا... لا... الربع قاعدين شغل ليل نهار وهم بره الكويت علشانكم يفكرون فيكم وفي مشاكلكم بس ما يبون يكونون تحت ضغط الحر والغبار. عرفت الحين؟!!!
أبومساعد: يعني هم جايين من المصايف ومعاهم الحلول حق مشاكل البلد؟
أبوالوليد: نعم كل مشكلة ولها حل بس بعطيكم مشكلة وحده ما دام في ناس غرب في الديوانية واشلون الحكومة حلتها، هي مشكلة انفلونزا الخنازير يا جماعة المجالس بالأمانات... الحكومة لقت حل لهذا المرض الخبيث، لا والحل بنربح منه كبلد افلوس وايد وبصير مساند للدخل القومي... بس ما يبون يعلنون عنه خايفين ينقطع الدواء من السوق المحلي وعلشان بعد يسحبون كل الكميات من الأسواق العالمية ونعيد تصدير الدواء مرة ثانية حق العالم بعد تصنيعه وتعليبه ونكتب عليه صنع في الكويت... نعم... وكد افلوس وكد ملايين وخل نفطك في أرضك حق الأجيال القادمة.
أبومساعد: خوش أخبار، الحل شنو بوالوليد؟
أبوالوليد: شوف مثل ما قلت لكم المجالس بالأمانات يا جماعة... لقوا أن «الياوي» يطرد انفلونزا الخنازير من البيت ومن جذيه يبون يبخرون الديرة كلها يبون يحطون مباخر إكبار... في كل منطقة مبخر، علشان تنظف من الخنازير عفواً أنفلونزا الخنازير.
أبومساعد: الحل طلع ياوي؟!!!
أبوالوليد: ها بومساعد بدينا بالمطنزة جدام الضيوف ما يصير.
* * *
خرج الضيف بعد هذا الحديث وهو مبتسم وأعتقد إنه غير فكره عن البلد.
بوسعف