عقد الذهب

تكفين سمي علي من نظرة عيونك
كل ما بغيتي تشوفيني... علي سمي
ماني ابد مستعد أصير... مجنونك
يروغ ذهني... وتهدر نظرتك دمي
أخاف لو اقترب... ما اسلم من طعونك
والا... مدى جروح قلبي منك يشتمي
يكفيني أبقى بعيد عنك من دونك
حشد تحت جاك عرشك... صارملتمي
خلي الرجاجيل... بالنظرات يتلونك
وإذا لعنو... من جمالك مدحهم ذمي
خلي السهارى... بكل شعور يرجونك
خلي بعد... فاقد الادراك... يهتمي
من شان... لا من سريتي غصب يبكونك
وليا حضرتي الثقيل يصيح... يا همي
الناس يا مومية... للناس بردونك
قلوبهم كنها... ردونك لك... تومي
بالله... هذا برد... أو هذي... سنونك
هاللي لحمر الشفايف... ضمها ضمي
قولي مسا الخير... عني لعسوج متونك
يوم ابترم جادلك من قفوها... يمي
ويوم ان عقد الذهب... بك ضاع من لونك
اوجست... قلبي نزل للكف من كمي
جلست... ظامي... وشوفي يشرب مزونك
ووقفت... ظامي... وأنا رويان من سمي
بدال مع السلامة... قلت... وشلونك
ضيعت حتى رفيقي... من ولد... عمي
يافاتنة... صار همي... كحل بجفونك
تعالي خليني انسى... همي... وغمي
تعالي بشرط... لا جيتي على هونك
تكفين قبل اي خطوة... علي سمي
فيصل الطوالة