| شعر الشيخ/ دعيج الخليفة الصباح |
كلي غلا ماهمني لوم واعتاب
مادام قلبي للحبايب رهينه
أستوعب الاحباب وأعز الاصحاب
ما حط فاصل بين قلبي وبينه
واعرف نفسي بين صدقان واحباب
مكانتي بين القلوب الامينه
صادق مع نفسي ولو صارت اسباب
اصارع الامواج مثل السفينه
احب من قلبي ولا ني بكذاب
الله يعين دعيج ربي يعينه
قلبه بياض وباقي العشق غلاب
وان حب حط حبيبه وسط عينه
مال الزعل طاري ولوكان ما طاب
يدري لخاطر عين تكرم مدينه
هذي حكاية واحدٍ ما بعد تاب
عن المحبه والشقا والغبينه
لاجئ بعاطفته ذهابه والاياب
من وين ما حطت يدينه يدينه