| د. سعيد فهمي «المصري افندي» |
/>بدأت من جديد صورة للفنتازيا الإعلامية... وعاد الشباب والشابات يتابعون الفضائية اللبنانية... لمشاهدة احدث انتاج للبرامج الترفيهية... اللي بتلهي الناس عن مشاكلهم اليومية... وباخراج مطعم بنقطة فرنسية... ورقص وهلس بمنتهى الحرفية... ودلع وولع بتقليد البرامج الاميركية... وشورتات ومايوهات وملابس كاملة الشفافية... واحضان وقبلات حميمة وحركات مش هية... وانصاف موهوبين من كل بلد شوية... علشان في الآخر يفوز واحد بلقب نجم الاكاديمية... ويكسب لقب ستار بالتصويت والمهلبية... البرامج اللي زي دي هدفها زرع الخلاعة وتشتيت افكار الشباب وبث روح المياعة ونشر السطحية بمنتهى البشاعة وتلاقي كوكتيل من الاونطة والابهار وناس قاعدة قدام الشاشة ليل نهار وانصاف مواهب بتتنطط وانت قاعد محتار وعنصرية في التقييم والاختيار واهي حاجة تلهي الناس عن مشاكلها وعملية تنفيس تنسيها همومها وتشغلها وهي دي براعة الاعلام وهو ده القصد من البرنامج وخلاصة الكلام والهدف نشر ثقافة الالهاء وتخفيف الالام... وفي الآخر تقدر تقول على الدنيا السلام... فكرة البرنامج طقت في دماغ واحد من المسؤولين... راح يحاول يطبقها على المواطنين... علشان يغير حياتهم ويخليهم مبسوطين... قام واختار مجموعة من المسؤولين المحترمين... اعلن عن مسابقة بينهم لاختيار افضل مسؤول امين يطور من وزارته لخدمة البني ادمين... ويقلل الاعباء عن المطحونين ويوفر سريرا في المستشفى للمرضانين... او وظيفة ولو باليومية للعطلانين او يخفض الضرائب على اصحاب المهن والعقارات التعبانين... او يخلي الناس تحس بمعدل النمو ويبقوا مرتاحين... ويحس بمشاكل العمال المضربين... ويحل مشاكل النقابات اللي ابوابها بالضبة والمفتاح مقفولين... ويناقشوا طلبات المحامين والصحافيين... ويحلوا مشاكل الشرطة مع المواطنين... ويخلوا الامن يعاملهم زي الادميين... وكمان يشوفوا مشكلة القروض المنهوبة بالملايين... ويرجعوا حق البلد من اللي سرقوها وهربانين...! والاعلان شفناه على كل الفضائيات... والناس فرحت وافتكرت ان الخير جاي وآت... وان خلاص اللي حصل حصل واللي فات مات...! المسابقة اتقدم ليها مسؤولون كتير... وكل واحد قدم اوراقه ورؤيته للتطوير... وفكر ازاي يزيد دخل وزارته ويفوز بالتقدير... السادة المسؤولون اهتموا كتير بالموضوع... والكل اتحمس واتأثر بالمسابقة والمشروع... وابتدأت الحفلة بتورتة كبيرة مليانة بالشموع... تفتكر المسابقة حتمسح من عنينا الدموع...! الناس كانت مش مصدقة... وقعدت تستنى الفرج وعينها محدقة... نفسهم يرتاحوا ويخرجوا بقى من الشرنقة... دي العيشة خلاص داقت وبقت فعلا محندقة...! السادة المسؤولون فكروا يبتدوا منين... مش فاهمين مغزى المسابقة والنهاية رايحة فين... التطوير المقصود يا عيني خيره حيروح لمين... هل لصالح الناس المطحونين... او لزيادة دخل الحكومة من الغلابة المعدومين...! الحكومة عملت احتفالا كبيرا في قاعة المؤتمرات علشان تفرز افكار المسؤولين وتشوف المقترحات...! فتحوا كل المظاريف وابتدوا بمسؤول التعمير... لقوه نفذ قرارات غريبة تحت مسمى التطوير... وشافوا الاراضي اتوزعت بالواسطة للهوامير...! الاراضي يا ناس اتوزعت على المنتفعين... منتجعات وقصور ومزارع للمقربين... وحصة كبيرة بأسعار رمزية للاثرياء والقادرين... وشوية رمل باسعار فلكية للمواطنين... ارض الشعب تتباع بالالوف والملايين... وناس تاكلها والعة باسعار رمزية مرتاحين...! وكل ده لزيادة دخل الحكومة بصورة مشبوهة... ونمو الناتج القومي بحركات مكشوفة... والمهم الحكومة تكسب حتى لو باتت الناس مهمومة...! مسؤول الاسكان نسي الناس اللي في العشوائيات... واهتم بمشاريع الصفوة واصحاب التشريفات... وراح يعلن عن قرعة للاراضي بشروط تعجيزية... وقوانين بناء صعبة رغم الظروف الاقتصادية...! المشرفون فتحوا ظرف مسؤول الضرائب والمالية... لقوه دابح كل فئات الشعب بقرارات قراقوشية... ومبهدل كل الناس ببنود تعجيزية... بضرائب تمص الدخل والدم من غير مفهومية... اللي بتكسبه ترجع تدفعه اتاوة ضريبية... وجباية على الدخل والرزق وحتى عالملكية... وبيتك ودارك ضموهم كمان للعقارية...! مش كفاية ضريبة الهم والمبيعات... اللي انفرضت على كل حاجة حتى السندويتشات... بطريقة اتفضل كل براحتك بس ادفع وهات... والضريبة في عهده بقت بشعار ادفع اللي عليك... في قانون الضرائب الجديد مش هتقدر تغمض عنيك... ولا تربح ولا تكسب وحتدفع غصب عنك وبايديك... وهو يعني الحكومة تجيب منين غير تلهط اللي ليك...! ولقوه كمان حابس فلوس المعاشات... وغمض عنيه ومد ايده على رصيد التأمينات... وبيصرح بمعدلات هلامية على معدل النمو والانجازات... وآه يا بلد ويا عيني على القوانين الجبايات...! المسؤولون اتخنقوا وقرروا فتح ظرف المواصلات... وشافوا خطة المسؤول والمقترحات... ولاحظوا احوال مترو الانفاق والقطارات... لقوا مهازل في عربات السكك الحديد... واهمال في محطات الانفاق بصورة مزرية... وحوادث واضرابات بطريقة شبه يومية... واعطال وتأخير في مواعيد ولا التزام ولا مسؤولية... ومقطورات غير مطابقة للمواصفات العالمية... وفلوس الهيئة مكافآت وحوافز للناس اللي هية... وحال السواقين والركاب آخر بهدلة ومهلبية...! القاعة هاصت والناس نادت بفحص باقي القرارات الهزلية... لقوا ازاي القوانين مفروضة بصورة جبرية... واسعار الماء والكهرباء زادت وبقت فلكية... وانك محتاج واسطة علشان ابنك يدخل كلسة عسكرية... ولو حلمت توديه الشرطة اسأل عن المحسوبية... ولو عاوز فتح مخك وارمي بياضك بالنقدية... وازاي بيوت الاسكان بتتوزع بالكوسة والملوخية... وازاي تنهب قرض وتهرب بالطرق الخفية... او تقتل ناس في عبارة وتفوز بالحرية... وتشوف مسؤول اعلامي غرقان في البيروقراطية... واعلام بيتطور في كل الدنيا الا في البلد ديه... واحزاب لا بتهش ولا بتنش على الورق صورية... وانتخابات وتزوير تحت مسمى الديموقراطية... واضرابات وجعجعة عالفاضي وناس ملهية...وشارع فوضى وميكروباصات بتعدم الناس بصورة يومية... وقوانين تعليم غريبة في الجامعة والثانوية... واقتراح بحرمان المغتربين من الجامعات الحكومية... والتفرقة بين المواطن جوه وبره بمنتهى العنصرية... المشرفون اتعجبوا من قوانين الجبروت ديه... وسألوا معقولة كمية الفساد والبلطجة والمحسوبية...! قاموا وكسروا الصناديق والاظرف بطريقة عفوية... وأعلنوا النتيجة في الكشوف وعلى الوسائل الاعلامية... النتيجة لم ينجح أحد في المسابقة الوطنية... وقالوا اكيد المسؤولين دول مش من البلد ديه... أكيد دول مسؤولين في بلد تانية غير بهية... معقول مفيش حد حاسس بالمسؤولية... لازم نعمل مسابقة جديدة ونغير في المواصفات، ونحاول نطور حياتنا ونساعد كل الفئات، المشرف حاول يكمل كلامه عالحل والمقترحات، لقي الناس بتخبط عالحاجز الزجاجي وتصرخ بالاهات، سيبك يا عم من المسابقة والشروط والبيانات، وحاول تتصل بالنجدة والمطافي والاسعافات، واطلب جهاز تنفس صناعي للشعب اللي مات، او ارويه عدل وديموقراطية وحريات، او وشوش في ودنه وبشويش «ابوك السقا مات»!
/>said_elmasryfahmy@hotmail.com
/>
/>بدأت من جديد صورة للفنتازيا الإعلامية... وعاد الشباب والشابات يتابعون الفضائية اللبنانية... لمشاهدة احدث انتاج للبرامج الترفيهية... اللي بتلهي الناس عن مشاكلهم اليومية... وباخراج مطعم بنقطة فرنسية... ورقص وهلس بمنتهى الحرفية... ودلع وولع بتقليد البرامج الاميركية... وشورتات ومايوهات وملابس كاملة الشفافية... واحضان وقبلات حميمة وحركات مش هية... وانصاف موهوبين من كل بلد شوية... علشان في الآخر يفوز واحد بلقب نجم الاكاديمية... ويكسب لقب ستار بالتصويت والمهلبية... البرامج اللي زي دي هدفها زرع الخلاعة وتشتيت افكار الشباب وبث روح المياعة ونشر السطحية بمنتهى البشاعة وتلاقي كوكتيل من الاونطة والابهار وناس قاعدة قدام الشاشة ليل نهار وانصاف مواهب بتتنطط وانت قاعد محتار وعنصرية في التقييم والاختيار واهي حاجة تلهي الناس عن مشاكلها وعملية تنفيس تنسيها همومها وتشغلها وهي دي براعة الاعلام وهو ده القصد من البرنامج وخلاصة الكلام والهدف نشر ثقافة الالهاء وتخفيف الالام... وفي الآخر تقدر تقول على الدنيا السلام... فكرة البرنامج طقت في دماغ واحد من المسؤولين... راح يحاول يطبقها على المواطنين... علشان يغير حياتهم ويخليهم مبسوطين... قام واختار مجموعة من المسؤولين المحترمين... اعلن عن مسابقة بينهم لاختيار افضل مسؤول امين يطور من وزارته لخدمة البني ادمين... ويقلل الاعباء عن المطحونين ويوفر سريرا في المستشفى للمرضانين... او وظيفة ولو باليومية للعطلانين او يخفض الضرائب على اصحاب المهن والعقارات التعبانين... او يخلي الناس تحس بمعدل النمو ويبقوا مرتاحين... ويحس بمشاكل العمال المضربين... ويحل مشاكل النقابات اللي ابوابها بالضبة والمفتاح مقفولين... ويناقشوا طلبات المحامين والصحافيين... ويحلوا مشاكل الشرطة مع المواطنين... ويخلوا الامن يعاملهم زي الادميين... وكمان يشوفوا مشكلة القروض المنهوبة بالملايين... ويرجعوا حق البلد من اللي سرقوها وهربانين...! والاعلان شفناه على كل الفضائيات... والناس فرحت وافتكرت ان الخير جاي وآت... وان خلاص اللي حصل حصل واللي فات مات...! المسابقة اتقدم ليها مسؤولون كتير... وكل واحد قدم اوراقه ورؤيته للتطوير... وفكر ازاي يزيد دخل وزارته ويفوز بالتقدير... السادة المسؤولون اهتموا كتير بالموضوع... والكل اتحمس واتأثر بالمسابقة والمشروع... وابتدأت الحفلة بتورتة كبيرة مليانة بالشموع... تفتكر المسابقة حتمسح من عنينا الدموع...! الناس كانت مش مصدقة... وقعدت تستنى الفرج وعينها محدقة... نفسهم يرتاحوا ويخرجوا بقى من الشرنقة... دي العيشة خلاص داقت وبقت فعلا محندقة...! السادة المسؤولون فكروا يبتدوا منين... مش فاهمين مغزى المسابقة والنهاية رايحة فين... التطوير المقصود يا عيني خيره حيروح لمين... هل لصالح الناس المطحونين... او لزيادة دخل الحكومة من الغلابة المعدومين...! الحكومة عملت احتفالا كبيرا في قاعة المؤتمرات علشان تفرز افكار المسؤولين وتشوف المقترحات...! فتحوا كل المظاريف وابتدوا بمسؤول التعمير... لقوه نفذ قرارات غريبة تحت مسمى التطوير... وشافوا الاراضي اتوزعت بالواسطة للهوامير...! الاراضي يا ناس اتوزعت على المنتفعين... منتجعات وقصور ومزارع للمقربين... وحصة كبيرة بأسعار رمزية للاثرياء والقادرين... وشوية رمل باسعار فلكية للمواطنين... ارض الشعب تتباع بالالوف والملايين... وناس تاكلها والعة باسعار رمزية مرتاحين...! وكل ده لزيادة دخل الحكومة بصورة مشبوهة... ونمو الناتج القومي بحركات مكشوفة... والمهم الحكومة تكسب حتى لو باتت الناس مهمومة...! مسؤول الاسكان نسي الناس اللي في العشوائيات... واهتم بمشاريع الصفوة واصحاب التشريفات... وراح يعلن عن قرعة للاراضي بشروط تعجيزية... وقوانين بناء صعبة رغم الظروف الاقتصادية...! المشرفون فتحوا ظرف مسؤول الضرائب والمالية... لقوه دابح كل فئات الشعب بقرارات قراقوشية... ومبهدل كل الناس ببنود تعجيزية... بضرائب تمص الدخل والدم من غير مفهومية... اللي بتكسبه ترجع تدفعه اتاوة ضريبية... وجباية على الدخل والرزق وحتى عالملكية... وبيتك ودارك ضموهم كمان للعقارية...! مش كفاية ضريبة الهم والمبيعات... اللي انفرضت على كل حاجة حتى السندويتشات... بطريقة اتفضل كل براحتك بس ادفع وهات... والضريبة في عهده بقت بشعار ادفع اللي عليك... في قانون الضرائب الجديد مش هتقدر تغمض عنيك... ولا تربح ولا تكسب وحتدفع غصب عنك وبايديك... وهو يعني الحكومة تجيب منين غير تلهط اللي ليك...! ولقوه كمان حابس فلوس المعاشات... وغمض عنيه ومد ايده على رصيد التأمينات... وبيصرح بمعدلات هلامية على معدل النمو والانجازات... وآه يا بلد ويا عيني على القوانين الجبايات...! المسؤولون اتخنقوا وقرروا فتح ظرف المواصلات... وشافوا خطة المسؤول والمقترحات... ولاحظوا احوال مترو الانفاق والقطارات... لقوا مهازل في عربات السكك الحديد... واهمال في محطات الانفاق بصورة مزرية... وحوادث واضرابات بطريقة شبه يومية... واعطال وتأخير في مواعيد ولا التزام ولا مسؤولية... ومقطورات غير مطابقة للمواصفات العالمية... وفلوس الهيئة مكافآت وحوافز للناس اللي هية... وحال السواقين والركاب آخر بهدلة ومهلبية...! القاعة هاصت والناس نادت بفحص باقي القرارات الهزلية... لقوا ازاي القوانين مفروضة بصورة جبرية... واسعار الماء والكهرباء زادت وبقت فلكية... وانك محتاج واسطة علشان ابنك يدخل كلسة عسكرية... ولو حلمت توديه الشرطة اسأل عن المحسوبية... ولو عاوز فتح مخك وارمي بياضك بالنقدية... وازاي بيوت الاسكان بتتوزع بالكوسة والملوخية... وازاي تنهب قرض وتهرب بالطرق الخفية... او تقتل ناس في عبارة وتفوز بالحرية... وتشوف مسؤول اعلامي غرقان في البيروقراطية... واعلام بيتطور في كل الدنيا الا في البلد ديه... واحزاب لا بتهش ولا بتنش على الورق صورية... وانتخابات وتزوير تحت مسمى الديموقراطية... واضرابات وجعجعة عالفاضي وناس ملهية...وشارع فوضى وميكروباصات بتعدم الناس بصورة يومية... وقوانين تعليم غريبة في الجامعة والثانوية... واقتراح بحرمان المغتربين من الجامعات الحكومية... والتفرقة بين المواطن جوه وبره بمنتهى العنصرية... المشرفون اتعجبوا من قوانين الجبروت ديه... وسألوا معقولة كمية الفساد والبلطجة والمحسوبية...! قاموا وكسروا الصناديق والاظرف بطريقة عفوية... وأعلنوا النتيجة في الكشوف وعلى الوسائل الاعلامية... النتيجة لم ينجح أحد في المسابقة الوطنية... وقالوا اكيد المسؤولين دول مش من البلد ديه... أكيد دول مسؤولين في بلد تانية غير بهية... معقول مفيش حد حاسس بالمسؤولية... لازم نعمل مسابقة جديدة ونغير في المواصفات، ونحاول نطور حياتنا ونساعد كل الفئات، المشرف حاول يكمل كلامه عالحل والمقترحات، لقي الناس بتخبط عالحاجز الزجاجي وتصرخ بالاهات، سيبك يا عم من المسابقة والشروط والبيانات، وحاول تتصل بالنجدة والمطافي والاسعافات، واطلب جهاز تنفس صناعي للشعب اللي مات، او ارويه عدل وديموقراطية وحريات، او وشوش في ودنه وبشويش «ابوك السقا مات»!
/>said_elmasryfahmy@hotmail.com
/>