مديت شوقي وانقطع فيني الشوف
وانتي... طعنتي بالغرام وجرحتيه
سود الليالي موحشه ما بها روف
واحساس ضامي... (بالكذب ما رويتيه)
هذا رحى ورد من العام مقطوف
وهذا قصيد موادعك... ما بكيتيه
كانت سجينه دمعته داخل رفوف
على الأقل ليتك بدمعه جمعتيه
جايز كسبتي بحالته ألف معروف
لأن الفراق أهون... من اللي بغيتيه
مكلوف أداري طيحة النفس مكلوف
والله يكون بعون قلب / كسرتيه
روحي... وأنا أدري للندم باب مطروف
عيشي على رجوى نصيب خسرتيه
روحي... وأنا بتركلك النبض بحروف
ما كان ودي!! لكن العهد... خنتيه
الجرح والغربة والأحزان والخوف
هذي (بقايا الحلم) يومك قتلتيه