لحن الوداع

توك تجي بالغلا والشوق وتقول روف
على خفوقن لك الله ما استراح وهدى
لا صار قلبك ذكرني يوم جر الحسوف
ما اظن تسمع لصوتك يا غناتي صدى
بيحت سدي لخلق الله وصرت معروف
امشي واسولف وجرحي بالسوالف بدا
خليت قلبن لك بالهموم محفوف
وشمت فيني فـ بعدك يا غلاي العدا
كانت عيوني ملاذك لا حدتك الظروف
وكنت المحك قبل اشوفك مير مالي جدى
غنيتك الناي في صدري وذابت حروف
وجريت لحن الموادع في بحور الحدى
كنت اعشق الليل مع طرفك وذيك الوصوف
كم راحت سنين من عمري لعينك فدى
ما عوف طرفك حبيبي لو تصد وتعوف
مير البلا سنين حبك كيف راحت سدى
برضاي خليت عيني بالغلا ماتشوف
غير انت ياللي لحقك من العواذل ردى
مادام راسي تشيله ياغلاي الكتوف
لابد ابلقى لعمري بالمفارق مدى
ومادمت ناسيك لا تفتر علي وتطوف
حرمت وصلك وحبك من خفوقي غدى
مرشد الطرقي