خاطري عمس

للتوجد والهمس الواضح في بعضه والمخفي في البعض الآخر، في نص قد تخفى معالم اسباب محتواه على القارئ، الا ان روح الشعر غير المتكلف حاضرة بكل جمال...

موجوده بْدنياي لي خاطري عمس

كل ما بغيت افراجها حيرتني

يا وجد حالي كل ماقلت ياهمس

يا وجد روحي ياملا عاندتني

وشلون اساير باقي الست والخمس

وشلون اسايرها وهي سيرتني

بدّله بْقلبٍ ماعرف حادي الرمس

واعيش في دنيا لهم خيرتني

جبرت نفسي بالتسلي معه أمس

واليوم ضاقت بي كذا ويّقظتني

حمست بنه لين جادت بي الحمس

تخيّرت هاك المعنٌى وجتني

جاد الخيال وساقني طلعة الشمس

واقفى مْع فجوج هواها خذتني

ياقاري حروفي دخيلك عن الهمس

جمله بْيوت حضْرت واحضرتني

منها تسليني وجرحي غدى لمس

واطيب ولو بعض الليالي كوتني