الحمد لله

الحمد لله اللي قومك بالسلامة
الحمد لله يوم قمت وتعافيت
يا شيخ باسل يا سليل الزعامة
ياللي على كل المراجل تعليت
ليت المرض بيدي وماسك زمامه
اشيل عنك كل الأوجاع ياليت
يا فخرنا يابو الكرم والشهامة
يا شيخنا اللي عالمعالي تربيت
رمز الوفا والمرجله والكرامه
يا باسل السالم ولد ذايع الصيت
اللي رحل عنا بشهر «الصيامه»
اللي له الجنة دعيت وتمنيت!
اللي له التاريخ أعطى وسامه
شيخ الدفاع وحامي الدار يا كويت
وجدك صباح اللي حفظنا كلامه
انا وشعبي كلنا اهلن وبيت
تاج المحبة له وتاج الفخامة
وله الغلا تحت النصايب وهو ميت
عساه بالفردوس الاعلى مقامه
مع النبي ويا الصحابه وهل البيت
هذه القصيدة فرحه وفي ختامه
عساك دوم بعافيه يوم طليت
والحمد لله قومتك بالسلامه
والحمد لله يوم شفتك تعافيت
صالح عواد الخميس